ମୁମ୍ବାଇ,୧୭।୩: କ୍ରିକେଟକୁ ଅନିଶ୍ଚିତତାର ଖେଳ କୁହାଯାଏ। ଏଠାରେ କିଛି ଅସମ୍ଭବ ନୁହେଁ। ପ୍ରତିଦିନ ରେକର୍ଡ ତିଆରି କରାଯାଏ ଏବଂ ଭାଙ୍ଗିଯାଏ, ଏମିତି ଆଶ୍ଚର୍ଯ୍ୟ ହୋଇଯାଇଥିଲେ କାରଣ ମ୍ୟାଚ ମାତ୍ର ଚାରିଟି ବଲରେ ଶେଷ ହୋଇଥିଲା। ବୁଧବାର ଇନ୍ଦୋରର ହୋଲକର ଷ୍ଟାଡିୟମରେ ଏହି ମ୍ୟାଚ ଖେଳାଯାଇଥିଲା। ଘରୋଇ ମହିଳା କ୍ରିକେଟ ଦଳ ମୁମ୍ବାଇ ନାଗାଲାଣ୍ଡକୁ ଭେଟିଥିଲା। ୫୦ ଓଭର ବିଶିଷ୍ଟ ମ୍ୟାଚରେ ଟସ ଜିତି ନାଗାଲାଣ୍ଡ ଦଳ ୧୭.୪ ଓଭରରେ ୧୭ ରନ ସଂଗ୍ରହ କରିଥିଲା। ମୁମ୍ବାଇ ଅଧିନାୟକ ତଥା ଦ୍ରୁତ ବୋଲର ସାୟାଲି ସତଘରେ ପାଞ୍ଚ ରନ ପାଇଁ ୭ଟି ଉଇକେଟ ନେଇଥିଲେ। ନାଗାଲାଣ୍ଡର ଶ୍ରେଷ୍ଠ ଚାରିଜଣ ଖେଳାଳି ଖାତା ନ ଖୋଲି ପାଭିଲିୟନକୁ ଫେରିଥିଲେ। ୭ ନମ୍ବରରେ ବ୍ୟାଟିଂ କରିଥିବା ସରିବା ୯ ରନ ସହ ଦଳର ଶ୍ରେଷ୍ଠ ସ୍କୋରର ହୋଇଥିଲେ। ମୁମ୍ବାଇ ପାଇଁ ସାୟାଲି ବ୍ୟତୀତ ଏସ ଠାକୁର ଗୋଟିଏ ଉଇକେଟ ନେଇଥିବା ବେଳେ ଏମ ଡାକସିନ ଦୁଇଟି ଉଇକେଟ ନେଇଥିଲେ। ମୁମ୍ବାଇ ମାତ୍ର ଚାରିଟି ବଲରେ ୧୮ ରନ ଲକ୍ଷ୍ୟ ହାସଲ କରିଥିଲା। ମୁମ୍ବାଇର ଓପନର୍ ଇଶା ଓଝା ଏବଂ ରୁଶାଲି ଭଗତ ତିନିଟି ଚୌକା ଓ ଗୋଟିଏ ଛକା ସହାୟତାରେ ମ୍ୟାଚ୍ ଜିତିଥିଲା।
