କୋଟିଏ ଟଙ୍କାର ରାସ୍ତାରେ ବସୁଛି ହାଟ

ଯାଜପୁର ଅଫିସ/ଯାଜପୁର ରୋଡ୍‌, ୨୧।୯ (ଡି.ଏନ୍‌.ଏ.): କର୍ମବର୍ଦ୍ଧିଷ୍ଣୁ ଯାଜପୁର ସହରର ଟ୍ରାଫିକ ସମ୍ଭାଳିବାକୁ ସହରରେ ନୂତନ ବିକଳ୍ପ ରାସ୍ତା ପ୍ରତି ଧ୍ୟାନ ଦିଆଯାଉନାହିଁ। ଜିଲା ପ୍ରଶାସନ, କଳିଙ୍ଗନଗର ଉନ୍ନୟନ ପରିଷଦ ଓ ଯାଜପୁର ମ୍ୟୁନିସିପାଲିଟିର ଏ ଦିଗରେ ସମନ୍ବିତ ଉଦ୍ୟମ ନାହିଁ କି ଦୂରଦୃଷ୍ଟି ନାହିଁ। ପ୍ରତିଦିନ କଳିଙ୍ଗନଗର ଶିଳ୍ପାଞ୍ଚଳରୁ ଧବଳଗିରି, ଚୋରଦା ଛକ, ନହକା ଛକ, ଦଳାଛକ, ଡାକବଙ୍ଗଳା ଛକକୁ ଯାତାୟାତ ନେଇ ଅନେକ ଚର୍ଚ୍ଚା ହେଉଛି। ଏଥିପାଇଁ ପୂର୍ତ୍ତ ବିଭାଗ ପକ୍ଷରୁ ପ୍ରାୟ ୧ କୋଟି ଟଙ୍କା ବିନିମୟରେ ନହକାଛକଠାରୁ ବାଇପାସ୍‌ ଛକ ପର୍ଯ୍ୟନ୍ତ ଚାରିଥାକିଆ ରାସ୍ତା ନିର୍ମାଣ ହୋଇଛି। କିନ୍ତୁ ଏହି ରାସ୍ତା ଯାତାୟାତକୁ ସହଜ କରିବା ପରିବର୍ତ୍ତେ ଆହୁରି ଜଟିଳ କରିଛି। ଜିଲା ପ୍ରଶାସନ ପକ୍ଷରୁ କରୋନା ସଂକ୍ରମଣ ଯୋଗୁ ଗ୍ରୀନ୍‌ ମାର୍କେଟ ଓ ଗଣେଶ ବଜାର ରାସ୍ତାକଡ଼ରେ ବସୁଥିବା ଡେଲି ମାର୍କେଟକୁ ଉଠାଇ ନିଆଯାଇ ଉକ୍ତ ନୂତନ ରାସ୍ତାର ଏକ ପାର୍ଶ୍ୱରେ ଥଇଥାନ କରାଯାଇଛି। ଫଳରେ ରାସ୍ତାର ଅନ୍ୟ ପାର୍ଶ୍ୱ ଦେଇ କମ୍ପାନୀ ବସ୍‌, ପରିବହନ ଟ୍ରକ ଆଦି ଚଳାଚଳ ଯୋଗୁ ଟ୍ରାଫିକ୍‌ ସମସ୍ୟା ଉତ୍କଟ ହେବା ସହ ନିୟମିତ ଭାବେ ଛୋଟବଡ଼ ଦୁର୍ଘଟଣା ଘଟୁଛି। ତେଣୁ ଖୁବଶୀଘ୍ର ଏହାର ବିକଳ୍ପ ବ୍ୟବସ୍ଥା କରିବାକୁ ସହରବାସୀଙ୍କ ପକ୍ଷରୁ ଦାବି ହେଉଛି
ପ୍ରକାଶଥାଉ କି, ଯାଜପୁର ସହରକୁ ଆସିବାକୁ ସାଧାରଣ ଭାବରେ ଧବଳଗିରି ଛକ, ନହକା ଛକ, ଗୋପବନ୍ଧୁ ଛକ, ଦଳାଛକ, ଡାକବଙ୍ଗଳା ଛକ ଦେଇ ଯାଇଥିବା ରାସ୍ତା ବ୍ୟବହୃତ ହୋଇଥାଏ। ପାଣିକୋଇଲି ପଟରୁ ଯାଜପୁରରୋଡ୍‌ ସହରକୁ ପ୍ରବେଶ କରିବାକୁ ହେଲେ ଦଳାଛକ ଦେଇ ନହକା ଛକ ଓ ଗଣେଶ ମାର୍କେଟ ରାସ୍ତା ରହିଛି। ସେହିପରି କଳିଙ୍ଗନଗର ଶିଳ୍ପାଞ୍ଚଳ ପଟରୁ ସହରକୁ ପ୍ରବେଶ କରିବାକୁ ଚୋର୍ଦ୍ଦା, ବାଇପାସ୍‌ ରାସ୍ତା ଦେଇ ଗୋପବନ୍ଧୁ ଛକକୁ ରାସ୍ତା ରହିଛି। ଅନ୍ୟପକ୍ଷେ ଯାଜପୁର-କେନ୍ଦୁଝର ରୋଡ୍‌ ରେଲୱେ ଷ୍ଟେଶନକୁ ଯିବାକୁ ହେଲେ ଗୋପବନ୍ଧୁ ଛକ ଦେଇ ଯିବାକୁ ପଡ଼େ। ଯାଜପୁର ସହର ଦେଇ କେନ୍ଦୁଝର ରାସ୍ତାକୁ ପହଞ୍ଚତ୍ବାକୁ ହେଲେ ସେହି ନହକା ଛକ, ଚୋର୍ଦ୍ଦାଛକ କିମ୍ବା ଗୋପବନ୍ଧୁ ଛକ ଦେଇ ଅଗ୍ନିଶମ ବିଭାଗ ସମ୍ମୁଖ ଗୋଳେଇ ଛକରେ ମିଶିବାକୁ ପଡ଼େ। ସମ୍ପ୍ରତି ନିର୍ମାଣାଧୀନ ମିଲିଟାରୀ ଛକରୁ ଅଗ୍ନିଶମ ବିଭାଗ ଛକ ପର୍ଯ୍ୟନ୍ତ ରାସ୍ତା ସମ୍ପୂର୍ଣ୍ଣ ହୋଇ ନ ଥିବାରୁ ନୂତନ ଭାବେ ନିର୍ମାଣ ହୋଇଥିବା ବାଇପାସ୍‌ ଛକରୁ ନହକା ଛକ ଦେଇ ପ୍ରାୟ ସମସ୍ତ ଭାରିଯାନ ଚଳାଚଳ ହେଉଛି। କିନ୍ତୁ ଜିଲା ପ୍ରଶାସନର ତରବରିଆ ନିଷ୍ପତ୍ତି ଯୋଗୁ ଏହି ନୂତନ ଚାରିଥାକିଆ ରାସ୍ତା ପନିପରିବା ବଜାର ପାଲଟିଛି। ଫଳରେ ରାସ୍ତାର ଗୋଟିଏ ପାର୍ଶ୍ୱରେ ପ୍ରବଳ ଭିଡ଼ ପରିଲକ୍ଷିତ ହେବା ସହ ଅନ୍ୟପାର୍ଶ୍ୱରେ ଉଭୟ ଦିଗରୁ ଭାରିଯାନ ସହ କାର, ବାଇକ୍‌ ଆଦି ଚଳାଚଳ କରୁଛି। ଏଥିପ୍ରତି କାହାରି ନିଘା ନ ଥିବାରୁ ସହରବାସୀଙ୍କ ମଧ୍ୟରେ ଅସନ୍ତୁଷ୍ଟ ପ୍ରକାଶ ପାଇଛି। କରୋନା ଯୋଗୁ ଅସ୍ଥାୟୀ ଭାବେ ଏହି ରାସ୍ତାକୁ ପନିପରିବା ବଜାର ଉଠିଯାଇଥିଲେ ହେଁ ଏବେ ଅନ୍ୟ ସମସ୍ତ ବ୍ୟବସ୍ଥାକୁ ପ୍ରାୟ ସ୍ବାଭାବିକ କରାଯାଇଛି। କିନ୍ତୁ କୋଟିଏ ଟଙ୍କାର ରାସ୍ତାର ଉଚିତ ବ୍ୟବହାର ହୋଇପାରି ନ ଥିବାରୁ ରାସ୍ତା ମଝିରେ ନିର୍ମାଣ ହୋଇଥିବା ମିଡିଆନ ଏକ ପ୍ରକାର ଡ୍ରେନ ପାଲଟିଛି। ପଚାଶଢ଼ା ପନିପରିବା ସେଥିରେ ପକାଇ ଦିଆଯାଉଥିବାରୁ ଉତ୍କଟ ଗନ୍ଧ ବାହାରି ଆଖପାଖ ପରିବେଶକୁ ପ୍ରଦୂଷିତ କରୁଛି। ଆଗାମୀ ଦୁର୍ଗାପୂଜା ପୂର୍ବରୁ ଏଥିପ୍ରତି ପ୍ରଶାସନ ଓ ମ୍ୟୁନିସିପାଲିଟି କର୍ତ୍ତୃପକ୍ଷ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି। ଏ ସଂକ୍ରାନ୍ତରେ ବ୍ୟାସନଗର ପୌରପରିଷଦର ନିର୍ବାହୀ ଅଧିକାରୀ ଶୁଭେନ୍ଦୁ କୁମାର ଜେନାଙ୍କୁ ପଚାରିବାରୁ ସେ କହିଛନ୍ତି କରୋନା ସଂକ୍ରମଣକୁ ଦୃଷ୍ଟିରେ ରଖି ନହକା ରାସ୍ତାରେ ବଜାର ବସାଯାଇଛି। ଆଗାମୀ ଦିନରେ ବଜାର ବସେଇବାକୁ ଚୋର୍ଦ୍ଦା ମାଛ ମାର୍କେଟ ଏବଂ କୋପଣ୍ଡରେ ଭେଣ୍ଡିଂ ଜୋନ୍‌ ନିର୍ମାଣ ପାଇଁ ପ୍ରସ୍ତାବ ରହିଛି। ଖୁବଶୀଘ୍ର ଟେଣ୍ଡର କରାଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବିଜେପୁର ଡାକ୍ତରଖାନରେ ଖାଲିପଡ଼ିଥିବା ପଦବୀପୂରଣ ଦାବି: ୧୯ରେ ଅନଶନ ଚେତାବନୀ

ବରଗଡ଼ ଅଫିସ,୪।୬: ବରଗଡ଼ ଜିଲା ବିଜେପୁର ଡାକ୍ତରଖାନାରେ ବିଭିନ୍ନ ବିଭାଗର ବିଶେଷଜ୍ଞ ଡାକ୍ତର ଓ ଅନ୍ୟ ସ୍ବାସ୍ଥ୍ୟ କର୍ମଚାରୀ ପଦବୀଗୁଡ଼ିକ ଦୀର୍ଘଦିନ ହେଲା ଖାଲି ପଡ଼ିଛି...

କାମରେ ଲାଗୁନି କ୍ରସ ବନ୍ଧ

କେନ୍ଦୁଝର, ୧୮ା୮ (ସ୍ବ.ପ୍ର.) କୃଷିର ବିକାଶ ପାଇଁ ଜଳସେଚନର ବିକାଶ କରାଯାଉଛି ା ତେବେ ଜଳସେଚନ ପାଇଁ ବହୁ ଟଙ୍କା ବ୍ୟୟରେ ବିଭିନ୍ନ ନାଳ ଓ...

ସ୍କ୍ରାପ୍‌ରେ ୭୦ ଫୁଟର ଗିଟାର ନିର୍ମାଣ କଲେ ଛାତ୍ରୀଛାତ୍ର

ବ୍ରହ୍ମପୁର ଅଫିସ,୧୮ା୭- ଆବର୍ଜନା ତଥା ସ୍କ୍ରାପ୍‌ ସାମଗ୍ରୀରୁ ବହୁ କ୍ଷୁଦ୍ର ଓ ବୃହତ୍‌ ମଡେଲ ପ୍ରସ୍ତୁତ କରି ସାରା ଭାରତରେ ନିଜର ଏକ ସ୍ବତନ୍ତ୍ର ପରିଚୟ...

ମୁଗଚାଷୀଙ୍କୁ କାଳବୈଶାଖୀ ଚଡ଼କ

ଭୁବନ, ୨୯।୪(ଡି.ଏନ.ଏ.) – ଚାଷୀଙ୍କ ଉପରେ ଚଡ଼କ ପକାଇଛି କାଳବୈଶାଖୀ ବର୍ଷା। ଅମଳ ପାଇଁ ଉପାଡ଼ି ଖଳାରେ ରଖାଯାଇଥିବା ମୁଗ ଅଦିନିଆ ବର୍ଷାରେ ଭିଜି ଗଜା...

ତୁଳୁ-ମାର୍କଣ୍ଡି ରାସ୍ତାରେ ପାଣି

ଗୋପାଳପୁର,୩୦ା୯-ଗତ କିଛିଦିନ ଧରି ଗଞ୍ଜାମ ଜିଲାରେ ହୋଇଥିବା ଲଗାଣ ବର୍ଷାରେ ଗ୍ରାମାଞ୍ଚଳର ରାସ୍ତାଘାଟ, ଚାଷଜମି ଏବେଯାଏ ଜଳମଗ୍ନ ହୋଇ ରହିଛି। ଫଳରେ ଲୋକେ ନାହିଁ ନ...

ଉପାନ୍ତ ଗାଁ ବାତେପଙ୍ଗା, ମୌଳିକ ସୁବିଧା ଅପହଞ୍ଚ

ମନମୁଣ୍ଡା, ୨୭।୨ (ଡି.ଏନ.ଏ) ବୌଦ୍ଧ ବ୍ଲକର ୪୩ଟି ଗ୍ରାମକୁ ନେଇ ଗଠିତ ଶଗଡା ପଞ୍ଚାୟତ ଶିକ୍ଷା, ସ୍ବାସ୍ଥ୍ୟ, ଗମନାଗମନ କ୍ଷେତ୍ରରେ ଅବହେଳିତ ହୋଇରହିଛି। ମନମୁଣ୍ଡାଠାରୁ ୩୦...

ହନୁମାଙ୍କଡ଼ ଆକ୍ରମଣରେ ମହିଳାଙ୍କ ମୃତ୍ୟୁ ଘଟିଣା: ଟ୍ରାଙ୍କୁଲାଇଜ କରି ଧରାଗଲା

ଭୁବନେଶ୍ୱର/ବାରଙ୍ଗ,୯।୫(ବ୍ୟୁରୋ/ଡି.ଏନ୍‌.ଏ.): ଖୋର୍ଦ୍ଧା ଜିଲା ଚନ୍ଦକା ଥାନା ଅର୍ନ୍ତଗତ ଗିରିଙ୍ଗାପୁଟ ଗ୍ରାମରେ ହନୁମାଙ୍କଡ ଆକ୍ରମଣରେ ଶୁକ୍ରବାର ଜଣେ ବିଧବା ମହିଳାଙ୍କର ମୃତ୍ୟୁ ଘଟିଥିଲା। ସେ ହେଲେ କଅଁଳ...

ବଧୂହତ୍ୟା ଅଭିଯୋଗ:ସ୍ବାମୀଙ୍କ ସହ ଶ୍ୱଶୁର ଅଟକ

ଅନୁଗୋଳ ଅଫିସ, ୧୦।୯ ଅନୁଗୋଳ ଜିଲା ନାଲ୍‌କୋ ଥାନା ବଳରାମପ୍ରସାଦରେ ବଧୂହତ୍ୟା ଅଭିଯୋଗ ହୋଇଛି। ସୌମ୍ୟାଶ୍ୱେତା ବାରିକ(୨୩)ଙ୍କୁ ହତ୍ୟା କରାଯାଇଥିବା ତାଙ୍କ ବାପା ବାନାମ୍ବର ବାରିକ...

Play 250+ Trending Games
Archives

Model This Week

Why Dharitri