ସାଧାରଣତଃ ମଣିଷ ୯୦ କିମ୍ବା ୧୦୦ ବର୍ଷ ହୋଇଗଲେ ନିଜକୁ ଅନ୍ଫିଟ ଭାବିନେଇଥାଏ। କିନ୍ତୁ ଅଷ୍ଟ୍ରେଲିଆର ଲେଖକ ଡେକ୍ସଟର୍ କ୍ରୁଗର କ୍ଷେତ୍ରରେ ଏହା ଟିକେ ଭିନ୍ନ। ସେ ୧୧୧ ବର୍ଷ ବୟସରେ ମଧ୍ୟ ସେ ଫିଟ୍ ଅଛନ୍ତି। କ୍ରୁଗର ନିଜ ଜୀବନର ୧୧୧ବର୍ଷର ୧୨୪ ଦିନ ଅତିବାହିତ କରିସାରିଛନ୍ତି। ଏକ ସାକ୍ଷାତକାରରେ କ୍ରୁଗର କହିଛନ୍ତି ଯେ, ଚିକେନ ମୁଣ୍ଡରେ ଥିବା ଏକ ଛୋଟ ଜିନିଷ ତାଙ୍କ ଦୀର୍ଘାୟୁରେ ସହାୟକ ହୋଇଛି। କୁକୁଡ଼ାର ମସ୍ତିସ୍କରେ ଏକ ଛୋଟ ଅଂଶ ଅଛି। ତାହା ଖାଇବାକୁ ଭାରି ବହୁତ ସ୍ବାଦିଷ୍ଟ । ଏହା ମୁଁ ଦୀର୍ଘାୟୁ ରହିବାର ମୂଳ କାରଣ ବୋଲି ସେ କହିଛନ୍ତି।
ଅଷ୍ଟ୍ରେଲିୟ ବୁକ ଅଫ ରେକର୍ଡସର ପ୍ରତିଷ୍ଠାତା ଜନ ଟେଲର ନିଶ୍ଚିତ କରିଛନ୍ତି ଯେ, କ୍ରୁଗର ସବୁଠୁ ବୟସ୍କ ଅଷ୍ଟ୍ରେଲୀୟ ବ୍ୟକ୍ତି। କ୍ରୁଗରଙ୍କ ୭୪ ବର୍ଷର ପୁଅ ଗ୍ରେଗ ତାଙ୍କ ପିତାଙ୍କ ସରଳ ଜୀବନଶେଳୀକୁ ତାଙ୍କର ଦୀର୍ଘ ଜୀବନ ପାଇଁ ଶ୍ରେୟ ଦେଇଛନ୍ତି। ଏ ପର୍ଯ୍ୟନ୍ତ ସର୍ବ ପୁରାତନ ଅଷ୍ଟ୍ରେଲୀୟ ଥିଲେ କ୍ରିଷ୍ଟିନା କୁକ, ଯିଏକି ୨୦୦୨ରେ ୧୧୪ ଏବଂ ୧୪୮ ଦିନ ବୟସରେ ମୃତ୍ୟୁବରଣ କରିଥିଲେ।
