ଚୁରୁ, ୬।୭- ରାଜସ୍ଥାନ ଚୁରୁ ଜିଲା ହସ୍ପିଟାଲକୁ ସାପ କାମୁଡ଼ିବା ଏକ ଅଜବ ଘଟଣା ସାମ୍ନାକୁ ଆସିଛି, ଯାହାକୁ ଦେଖି ସେଠାରେ ଉପସ୍ଥିତ ଲୋକେ ଚକିତ ହୋଇଯାଇଛନ୍ତି। ଥେଲାସର ଗ୍ରାମର ମହେନ୍ଦ୍ର ନାମକ ଜଣେ ଯୁବକ ବାଇକରେ ଚୁରୁ ଆସୁଥିବାବେଳେ ଧନୀଲାଲ୍ ସିଂ ପୁର ନିକଟରେ ଚଳନ୍ତା ବାଇକରେ ଏକ ନାଗ ସାପ ତାଙ୍କୁ କାମୁଡ଼ି ଦେଇଥିଲା। ଏହାପରେ ମହେନ୍ଦ୍ର ଗାଡ଼ି ଅଟକାଇବାରୁ ସାପଟି ରାସ୍ତା କଡ଼କୁ ଚାଲିଯାଇଥିଲା। ମହେନ୍ଦ୍ର ସାପର ପିଛା କରି ତାକୁ ପ୍ରଥମେ ମାରି ଦେଇଥିଲେ। ଏହାପରେ ଅସୁସ୍ଥ ଅନୁଭବ କରିବାରୁ ମହେନ୍ଦ୍ର ମୃତ ସାପକୁ ଏକ ପଲଥିନରେ ଧରି ଜିଲା ହସ୍ପିଟାଲରେ ପହଞ୍ଚତ୍ଥିଲେ। ହସ୍ପିଟାଲରେ ପହଞ୍ଚତ୍ ଡାକ୍ତରଙ୍କୁ ସାପ କାମୁଡ଼ିଥିବା କଥା କହିବା ସହ ମହେନ୍ଦ୍ର ଯେତେବେଳେ ଜରୁରୀକାଳୀନ ଓ୍ବାର୍ଡରେ ପଲଥିନରୁ ବାହାର କରି ପ୍ରମାଣ ଦେଖାଇଥିଲେ ସେତେବେଳେ ଉପସ୍ଥିତ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। କିନ୍ତୁ ଯେତେବେଳେ ସାପ ମରିଥିବା ସମସ୍ତେ ଜାଣିଥିଲେ ଏହାପରେ ଆଶ୍ୱସ୍ତି ଲାଭ କରିଥିଲେ। ଡାକ୍ତରଙ୍କ କହିବା ମୁତାବକ ମହେନ୍ଦ୍ରଙ୍କ ସ୍ବାସ୍ଥ୍ୟବସ୍ଥା ବର୍ତ୍ତମାନ ସ୍ଥିର ରହିଛି। ସେହିଭଳି ମହେନ୍ଦ୍ର କହିଛନ୍ତି, ସାଧାରଣତଃ ହସ୍ପିଟାଲରେ ଡାକ୍ତରମାନେ ସାପ କାମୁଡ଼ା ମାମଲାରେ ତୁରନ୍ତ ଚିକିତ୍ସା କରି ନ ଥାନ୍ତି। କାରଣ ସାପ କାମୁଡ଼ିଛି କି ନାହିଁ ସେମାନେ ବିଶ୍ୱାସ କରନ୍ତି ନାହିଁ। ତେଣୁ ସାଙ୍ଗରେ ସାପକୁ ମାରି ସାଥିରେ ହସ୍ପିଟାଲ ଆଣିଥିଲେ।
