ଗଞ୍ଜାମ,୨୧।୪(ବିଦ୍ୟାଧର ସାହୁ): ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଧ ପଞ୍ଚାୟତ କଣ୍ଟିଆଗଡ଼ ଗ୍ରାମ ନିକଟରେ ଅବସ୍ଥିତ ପ୍ରସିଦ୍ଧ ବାବା ବଟେଶ୍ୱର ପୀଠରେ ପବିତ୍ର ଅକ୍ଷୟ ତୃତୀୟା ଅବସରରେ ନୂତନ ସପ୍ତଫେଣୀ ନାଗ ମୃତ୍ତି ପ୍ରତିଷ୍ଠା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ନିକଟସ୍ଥ ଛଅ ଖଣ୍ଡ ଗ୍ରାମବାସୀଙ୍କ ଦ୍ୱାରା ପରିଚାଳିତ ଏହି ପ୍ରସିଦ୍ଧ ଶୈବ ପୀଠରେ ନୂତନ ନାଗ ମୃତ୍ତି ପ୍ରତିଷ୍ଠା ନିମନ୍ତେ ବହୁ ବାର ଆଲୋଚନା ହୋଇ ଆସୁଥିଲେ ମଧ୍ୟ ହୋଇ ପାରୁ ନ ଥିଲା। ବର୍ତ୍ତମାନ ବହୁ ପ୍ରତୀକ୍ଷାର ଅନ୍ତ ଘଟି ଥିବା ପରିଚାଳନା କମିଟି ବରିଷ୍ଠ ସଦସ୍ୟ ବିରେନ ପ୍ରଧାନ ସୂଚନା ଦେଇଛନ୍ତି l
ଏହି ଉପଲକ୍ଷେ ହୋମ କାର୍ଯ୍ୟ ଅନୁଷ୍ଠିତ ହୋଇଥିଲା। ପୁରୋହିତ ଅଶୋକ ଶତପଥୀଙ୍କ ପୂଜାର୍ଚନା ଓ କର୍ତ୍ତା ଭାବେ ହୁମା ଅଞ୍ଚଳର ପ୍ରତିଷ୍ଠିତ ବ୍ୟବସାୟୀ ରଙ୍କନିଧି ସ୍ବାଇଁ ଓ ତାଙ୍କ ସହ ଧର୍ମଣୀ ରାଧାରାଣୀ ସ୍ବାଇଁଙ୍କ ଦ୍ୱାରା ହୋମ କାର୍ଯ୍ୟ ସମ୍ପନ୍ନ ହୋଇଥିଲା l ବଟେଶ୍ୱର ମନ୍ଦିର ଐତିହ୍ୟ ସରଂକ୍ଷଣ ପରିଚାଳନା କମିଟି କାର୍ଯ୍ୟକାରୀ ସଭାପତି ଶିବ ପ୍ରସାଦ ସ୍ବାଇଁ,ସମ୍ପାଦକ ରଞ୍ଜିତ ପଲାଇ, ଶିବରାମ ପଲାଇ, ନିରାକାର ଜେନା, ବିରେନ ମାଷ୍ଟ୍ରେଙ୍କ ସମେତ ସମସ୍ତ ସଦସ୍ୟ ଉପସ୍ଥିତ ଥିଲେ l
