ନାଉଗଁା,୨୩ା୧୨(ସ୍ବ.ପ୍ର.):ନାଉଗଁା ବ୍ଲକ ସିଡିପିଓଙ୍କ କାର୍ଯ୍ୟାଳୟରେ ବିଚିତ୍ର ଚିତ୍ର ଦେଖିବାକୁ ମିଳିଛି। ଜନ ସୂଚନା ଅଧିକାର ତଥ୍ୟ ବଳରେ କୋରୁଅ ପଞ୍ଚାୟତର କେତେକ ତଥ୍ୟ ମଗା ଯାଇଥିଲା। ନିର୍ଦ୍ଦିଷ୍ଟ ସମୟ ମଧ୍ୟରେ ସମ୍ପୂର୍ଣ୍ଣ ତଥ୍ୟ ସିଡିପିଓଙ୍କ କାର୍ଯ୍ୟାଳୟ ପକ୍ଷରୁ ମିଳି ପାରି ନ ଥିଲା। ଫଳରେ ତଥ୍ୟ ମାଗିଥିବା ଅଭିଯୋଗକାରୀ ପୁଣି ତଥ୍ୟ ପାଇଁ ପ୍ରଥମ ଅପିଲ କର୍ତ୍ତୃପକ୍ଷଙ୍କ ନିକଟରେ ଆବେଦନ କରିଥିଲେ। ଆବେଦନ କରିବା ପରେ ସିଡିପିଓଙ୍କ କାର୍ଯ୍ୟାଳୟ ପକ୍ଷରୁ ଶୁଣାଣି କରାଯିବା ପାଇଁ ଦିନ ଧାର୍ଯ୍ୟ କରାଯାଇଥିଲା। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଯେଉଁ ଦିନ ଶୁଣାଣି ପାଇଁ ଧାର୍ଯ୍ୟ କରାଯାଇଥିଲା ସେହିଦିନ ଅଭିଯୋଗକାରୀଙ୍କ ନିକଟକୁ ରେଜିଷ୍ଟ୍ରଡ ପୋଷ୍ଟ ମାଧ୍ୟମରେ ଚିଠି ପଠାଯାଇଥିଲା। ଅଭିଯୋଗକାରୀଙ୍କ ନିକଟରେ ଠିକ୍ ସମୟରେ ଚିଠି ପହଞ୍ଚତ୍ ନ ଥିବା ସେ କହିଛନ୍ତି। ତଥ୍ୟ ନ ଦେବା ପାଇଁ ଏପରି କରାଯାଇଛି ବୋଲି ଅଭିଯୋଗକାରୀ କହିଛନ୍ତି।
ସୂଚନାଯୋଗ୍ୟ, ବ୍ଲକ ଅନ୍ତର୍ଗତ କୋରୁଅ ପଞ୍ଚାୟତ ଧୂଅଁାପଦା ଗଁାର ସୁଭଦ୍ରା ବିଶ୍ୱାଳ ଜନ ସୂଚନା ଅଧିକାର ଆଇନ(ଆର୍ଟିଆଇ)ରେ ପ୍ରଥମ ଅପିଲ କର୍ତ୍ତୃପକ୍ଷଙ୍କ ନିକଟରେ ୨୦୨୨ ନଭେମ୍ବର ୧୭ରେ ତୁମୁଣ୍ଡାପାରୀ ଅଙ୍ଗନଓ୍ବାଡି କେନ୍ଦ୍ର ଉପରେ ଅଭିଯୋଗ କରିଥିଲେ। ସିଡିପିଓଙ୍କ କାର୍ଯ୍ୟାଳୟ ପକ୍ଷରୁ ଗତ ୧୪ ତାରିଖ ସାଢେ ୧୧ଟାରେ ଶୁଣାଣି ପାଇଁ ସମୟ ଧାର୍ଯ୍ୟ କରାଯାଇଥିଲା। କିନ୍ତୁ ସୁଭଦ୍ରାଙ୍କ ନିକଟକୁ ଡାକ ଯୋଗେ ରେଜିଷ୍ଟ୍ରଡ ନଂ. ୦୮୦୬୮୩୮୫୩/୧୪ ା୧୨ା୨୨ ମଧ୍ୟାହ୍ନ ୧୨ ଟା ୪୨ମିନିଟ୍ରେ ଚିଠି ପଠାଯାଇଥିଲା। କାଜଲ ସ୍ବାଇଁଙ୍କ ଶୁଣାଣି ସମୟ ୧୫ା୧୨ା୨୨ରେ ସାଢେ ୧୧ଟା ରହିଥିବା ବେଳେ ତାଙ୍କ ନିକଟକୁ ଆର୦୦୮୦୬୮୩୮୬୭/୧୪ା୧୨ା୨୨ ମଧ୍ୟାହ୍ନ ୧୨ ଟା ୪୨ ମିନିଟ୍ରେ ନାଉଗଁା ପୋଷ୍ଟ ଅଫିସରୁ ଚିଠି ପଠାଯାଇଛି। ଗୀତା ସ୍ବାଇଁଙ୍କର ଶୁଣାଣି ତାରିଖ ୧୪ା୧୨ା୨୨ ସମୟ ସାଢେ ୧୧ ଟା ରହିଥିବା ବେଳେ ତାଙ୍କ ନିକଟକୁ ସେହିଦିନ ମଧ୍ୟାହ୍ନ ୧୨ ଟା ୪୨ମିନିଟ୍ରେ ପଠାଯାଇଥିବା ବେଳେ ସେ ଏହି ଚିଠିକୁ ୧୯ା୧୨ା୨୨ରେ ରିସିଭ କରିଥିବା ଜଣାଯାଇଛି। ସୌମ୍ୟପ୍ରଭା ବିଶ୍ୱାଳଙ୍କ ଶୁଣାଣି ସମୟ ୧୫ା୧୨ା୨୨ ସାଢେ ୧୧ଟା ରହିଥିବା ବେଳେ ତାଙ୍କ ନିକଟକୁ ୧୪ା୧୨ା୨୨ ସମୟ ୧୨ ଟା ୪୨ମିନିଟ୍ରେ ଡାକ ଯୋଗେ ଚିଠି ପଠାଯାଇଛି। ଏହି ଚିଠିକୁ ସେ ୧୯ା୧୨ା୨୨ରେ ରିସିଭ କରିଥିବା ଜଣାଯାଇଛି। ମାନସୀ ସେଠୀଙ୍କ ଶୁଣାଣି ୧୫ା୧୨ା୨୨ ସମୟ ସାଢେ୧୧ଟା ରହିଥିବା ବେଳେ ତାଙ୍କ ନିକଟକୁ ୧୪ା୧୨ା୨୨ ଚିଠି ପଠାଯାଇଥିଲା। ଏହି ଚିଠିକୁ ସେ ୧୯ା୧୨ା୨୨ରେ ରିସିଭ କରିଥିବା ଜଣାଯାଇଛି। ଗୋଟିଏ ନୁହେଁ କି ଦୁଇଟି ନିହେଁ ଗୋଟିଏ ସମୟରେ ୫ଟି ଚିଠିକୁ କିପରି ନିର୍ଦ୍ଦାରୀତ ସମୟରେ ପୋଷ୍ଟ କରା ନ ଯାଇ ଶୁଣାଣି ଦିନ ରେଜିଷ୍ଟ୍ରଡ କରାଯାଇଛି ଯାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ତଥ୍ୟ ଲୁଚାଇବା କିମ୍ବା ନ ଦେବା ପାଇଁ ଏପରି କରାଯାଉଛି ବୋଲି ସାଧାରଣରେ ଚର୍ଚ୍ଚା ଜୋର ଧରିଛି। ଏ ସଂକ୍ରାନ୍ତରେ ସିଡିପିଓ ବାସନ୍ତୀ ମାଇନଙ୍କୁ ପଚାରିବାରେ ଅଙ୍ଗନଓ୍ବାଡି କର୍ମୀ ଓ ସହାୟିକାମାନେ ଅନ୍ଦୋଳନ ଜାରି ରଖିଛନ୍ତି। ତେଣୁ କର୍ମଚାରୀମାନେ ଛତୁଆ ବାଣ୍ଟିବାକୁ ଯାଉଛନ୍ତି। ଏଥିପାଇଁ ଚିଠି ପଠାଇବାରେ ବିଳମ୍ବ ହୋଇଛି। ପୁଣି ସମୟ ଧାର୍ଯ୍ୟ କରାଯାଇ ଚିଠି ପଠାଯିବ ବୋଲି ସେ କହିଛନ୍ତି।
