ମାଡ୍ରିଡ୍, ୫ । ୮ (ଏପି)-ରିୟଲ ମାଡ୍ରିଡ୍ ଓ ସ୍ପାନିଶ ଫୁଟ୍ବଲ ଇତିହାସର ଶ୍ରେଷ୍ଠ ଗୋଲକିପର ବୋଲି କୁହାଯାଉଥିବା ଇକର କାସିଲାସ୍ ମଙ୍ଗଳବାର ବିଧିବଦ୍ଧ ଫୁଟ୍ବଲରୁ ତାଙ୍କର ଅବସର ଘୋଷଣା କରିଛନ୍ତି। ସେ ତାଙ୍କର ଶେଷ ମ୍ୟାଚ ବର୍ଷକ ପୂର୍ବେ ଖେଳିଥିଲେ। ୩୯ବର୍ଷୀୟ କାସିଲାସ ପର୍ତ୍ତୁଗିଜ୍ କ୍ଲବ୍ ପୋର୍ତ୍ତୋ ତରଫରୁ ଖେଳୁଥିଲେ। ଦୃଦ୍ଘାତ ଯୋଗୁ ଗତ ମେ ମାସ ପରଠାରୁ ସେ କୌଣସି ପ୍ରତିଯୋଗିତାରେ ଖେଳିନାହାନ୍ତି। କାସିଲାସ୍ ୯ବର୍ଷ ବୟସରେ ରିୟଲ ମାଡ୍ରିଡ୍ କ୍ଲବରେ ଯୋଗ ଦେଇଥିଲେ। କ୍ଲବ ତରଫରୁ ୧୬ରୁ ଅଧିକ ସିଜନ ଧରି ୭୨୫ ମ୍ୟାଚ ଖେଳିବା ସହ ୧୯ ଟାଇଟଲ ଜିତିଥିଲେ। ୨୦୧୫ରେ ପୋର୍ତ୍ତୋ କ୍ଲବରେ ଯୋଗ ଦେବା ପରେ ଦୁଇଟି ପର୍ତ୍ତୁଗିଜ୍ ଲିଗ୍ ଟାଇଟଲ ସହ ପର୍ତ୍ତୁଗିଜ୍ କପ୍ ଏବଂ ଏକ ସୁପର କପ୍ ଟାଇଟଲ ହାସଲ କରିଥିଲେ। ସ୍ପେନ୍ ତରଫରୁ ସେ ୧୬୭ ମ୍ୟାଚ ଖେଳିଛନ୍ତି ଏବଂ ସେ ୨୦ ବର୍ଷରୁ କମ୍ ବିଶ୍ୱକପ୍ ବିଜୟୀ ହୋଇ ପାରିଥିଲେ। ସେ ଦୁଇଟି ୟୁରୋପିଆନ ଚାମ୍ପିିୟନଶିପ୍ ମଧ୍ୟ ଜିତିଛନ୍ତି। ଉତ୍ତମ ବ୍ୟବହାର ଯୋଗୁ ସେ ସମସ୍ତଙ୍କ ପ୍ରିୟଭାଜନ ହୋଇ ପାରିଥିଲେ। କାସିଲାସ ଚଳିତବର୍ଷ ସ୍ପାନିଶ ଫୁଟ୍ବଲ ମହାସଂଘ ସଭାପତି ଦୌଡ଼ରେ ଥିଲେ। କିନ୍ତୁ କରୋନା ମହାମାରୀ ଯୋଗୁ ସେ ତାଙ୍କ ପ୍ରାର୍ଥିପତ୍ର ପ୍ରତ୍ୟାହାର କରିନେଇଥିଲେ।
