ନୂଆଦିଲ୍ଲୀ,୮।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର କହିଛନ୍ତି ଯେ ନ୍ୟାୟ ଖୋଜୁଥିବା ବ୍ୟକ୍ତି ନ୍ୟାୟର ଭାଷା ବୁଝିବା ଉଚିତ। ସେ କହିଛନ୍ତି ଯେ ଆଇନ ପ୍ରସ୍ତୁତ କରିବା ସମୟରେ ଏହା ମନେ ରଖିବା ଉଚିତ। ସେ ୮୦,୦୦୦ ରୁ ଅଧିକ ରାୟକୁ ୧୮ ଟି ଭାରତୀୟ ଭାଷାରେ ଅନୁବାଦ କରିବା ପାଇଁ ସୁପ୍ରିମକୋର୍ଟଙ୍କ ପଦକ୍ଷେପକୁ ମଧ୍ୟ ପ୍ରଶଂସା କରିଥିଲେ ଏବଂ ଭବିଷ୍ୟତରେ ଏହା ହାଇକୋର୍ଟ ଏବଂ ଜିଲା ସ୍ତରରେ କାର୍ଯ୍ୟକାରୀ ହେବ ବୋଲି ବିଶ୍ୱାସ ପ୍ରକାଶ କରିଥିଲେ। ପ୍ରଧାନମନ୍ତ୍ରୀ ମୋଦି ଜାତୀୟ ରାଜଧାନୀରେ ଅନୁଷ୍ଠିତ ସ୍ଥାୟୀ ଅନ୍ତର୍ଜାତୀୟ ବାଣିଜି୍ୟକ ଅଦାଲତ ଫୋରମର ଷଷ୍ଠ ପୂର୍ଣ୍ଣାଙ୍ଗ ବୈଠକରେ ଉଦବୋଧନ ଦେଇ ଏହା କହିଥିଲେ।
ସେ କହିଥିଲେ, ‘ଆମେ ପ୍ରତ୍ୟେକ ଦ୍ୱାରଦେଶରେ ଆଇନଗତ ସୂଚନା ଉପଲବ୍ଧ କରିପାରିବା। ବନ୍ଧୁଗଣ, ଆଇନଗତ ସହାୟତା ସହିତ ଜଡିତ ଆଉ ଏକ ଦିଗ ଅଛି ଯାହା ବିଷୟରେ ମୁଁ ପ୍ରାୟତଃ ଆଲୋଚନା କରେ: ନ୍ୟାୟ ଖୋଜୁଥିବା ବ୍ୟକ୍ତି ନ୍ୟାୟର ଭାଷା ବୁଝିବା ଉଚିତ। ଆଇନ ପ୍ରସ୍ତୁତ କରିବା ସମୟରେ ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯେତେବେଳେ ଲୋକମାନେ ନିଜ ଭାଷାରେ ଆଇନ ବୁଝନ୍ତି, ଏହା ଉତ୍ତମ ଅନୁପାଳନ ଆଡ଼କୁ ନେଇଯାଏ ଏବଂ ମାମଲା ହ୍ରାସ କରେ। ଏହା ସହିତ, ସ୍ଥାନୀୟ ଭାଷାରେ ରାୟ ଏବଂ ଆଇନଗତ ଦସ୍ତାବିଜ ଉପଲବ୍ଧ ହେବା ଅତ୍ୟନ୍ତ ଜରୁରୀ। ଏହା ପ୍ରକୃତରେ ପ୍ରଶଂସନୀୟ ଯେ ସୁପ୍ରିମକୋର୍ଟ ୮୦ ରୁ ଅଧିକ ରାୟକୁ ୧୮ ଟି ଭାରତୀୟ ଭାଷାରେ ଅନୁବାଦ କରିବା ପାଇଁ ପଦକ୍ଷେପ ନେଇଛନ୍ତି।’ ମୋର ପୂର୍ଣ୍ଣ ବିଶ୍ୱାସ ଯେ ଏହି ପ୍ରୟାସ ହାଇକୋର୍ଟ ଏବଂ ଜିଲା ସ୍ତରରେ ମଧ୍ୟ ଜାରି ରହିବ।
Dharitri – The Largest & Most Trusted Odia Daily
