ଦେଓଗାଁ, ୩ା୧୧ (ଡି.ଏନ.ଏ.)
ବଲାଙ୍ଗୀର ଜିଲା ଦେଓଗାଁ ବ୍ଲକ ଧଣ୍ଡାମାଲ ପଞ୍ଚାୟତ ଅନ୍ତର୍ଗତ ଅନ୍ତର୍ଲା ନିକଟସ୍ଥ କାନ୍ଦୁଲବୁଢ଼ା ଦେଶଗୁଡିଖଳା ଡଙ୍ଗରପଡାରେ ତିନିଦିନ ଧରି ଚାଲିଥିବା କାନ୍ଦୁଲବୁଢ଼ା ଯାତ୍ରା ସୋମବାର ଉଦ୍ଯାପିତ ହୋଇଯାଇଛି ା ଏହିଦିନ ବରୁଆଙ୍କ ଶରୀରରେ ଦେବତା ଆବିର୍ଭାବ ହେବାପରେ କେତେକ ଦେହୁଲିଙ୍କ ଗହଣରେ ବିଧିରକ୍ଷା ଓ ରୀତିନୀତି ପୂର୍ବକ ପୂଜାର୍ଚ୍ଚନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ା ପ୍ରତିବର୍ଷ ଦଶହରା ଚତୁର୍ଦ୍ଦଶୀରୁ ଆରମ୍ଭ ହେଉଥିବା ଯାତ୍ରା ନିକଟସ୍ଥ ଜରାସିଂହାର ପ୍ରସିଦ୍ଧ ପାଟଖଣ୍ଡା ଦେବତାଙ୍କ ଯାତ୍ରା ସମ୍ପନ୍ନ ପରେ ସେଠାରୁ ପାଟ ସିନ୍ଦୂର ଅଣାଯାଇ ଏହି କାନ୍ଦୁଲବୁଢା ଯାତ୍ରା ଅନୁଷ୍ଠିତ ହୋଇଥାଏ ା ଚଳିତବର୍ଷ କରୋନା କଟକଣା ଯୋଗୁଁ ଜରାସିଂହା ପାଟଖଣ୍ଡା ଯାତ୍ରା ୫ଦିନ ବଦଳରେ ୨ ଦିନରେ ସମ୍ପନ୍ନ କରାଯାଇଥିଲା। ତଦ୍ରୁପ ଏହିଯାତ୍ରା ମଧ୍ୟ କରୋନା କଟକଣା ନିୟମ ମୁତାବକ ବିନା ଭକ୍ତ ସମାଗମରେ ପାଳିତ ହୋଇଥିଲା ା ନିକଟସ୍ଥ ଧଣ୍ଡାମାଲ, ବନ୍ଧପଡା, ସିଂହାମୁଣ୍ଡା ଓ ବ୍ରାହ୍ଣଣୀଯୋର ଆଦି ୪ଟି ପଞ୍ଚାୟତର ୧୬ଖଣ୍ଡ ଗାଁର କର୍ମକର୍ତ୍ତା ଏଥିରେ ସହଯୋଗ କରିଥିଲେ ା ବ୍ୟବସ୍ଥା ପ୍ରମୁଖ ଅମିତ କୁମାର ସିଂନୀନାଙ୍କ ପରିଚାଳନା ତଥା ହେଡମଲ୍ଲିକ ବାସୁଦେବ ସିଂନୀନାଙ୍କ ସଭାପତିତ୍ୱରେ ଏହି ଯାତ୍ରା ହୋଇଥିଲା। ମୁଖ୍ୟ ଦେହୁରୀ ଶିବା ପ୍ରଧାନୀ, ମୁଖ୍ୟ ପୂଜକ ଚନ୍ଦ୍ର ପ୍ରଧାନୀ, ଛତରଧାରୀ ବୁଦ୍ଧଦେବ ପ୍ରଧାନୀ, ଡେବରିଆ ଗୌର ବାଗ ଓ ଭୁଜନିଆ ଚକ୍ରାନନ୍ଦ ବଗର୍ତ୍ତୀ ତଥା ଦ୍ୱିତୀୟ ମଲ୍ଲିକ ଭାବେ ସଦାନନ୍ଦ ସିଂନୀନା ଦାୟିତ୍ୱ ତୁଲାଇଥିଲେ ା
