ସ୍ବିଡେନ୍ର ବିଶିଷ୍ଟ ପଦାର୍ଥ ବିଜ୍ଞାନୀ ଗୌଷ୍ଟଫ ଡାନେଲ୍। ନିଜର ଗବେଷଣା ଜୀବନ ମଧ୍ୟରେ ସେ ଡାନେଲ୍ ଲାଇଟ୍ ଏବଂ ଏଜିଏ କୁକ୍ର ଆବିଷ୍କାର କରିବାରେ ସକ୍ଷମ ହୋଇଥିଲେ। ଲାଇଟ୍ ହାଉସରେ ଗ୍ୟାସ୍ ଆକ୍ୟୁମଲେଟର ବ୍ୟବହାର କରାଯାଉଥିବା ଅଟୋମେଟିକ ରେଗୁଲେଟର ପାଇଁ ତାଙ୍କୁ ୧୯୧୨ରେ ସମ୍ମାନଜନକ ନୋବେଲ ପୁରସ୍କାରରେ ସମ୍ମାନିତ କରାଯାଇଥିଲା। ୧୮୬୯ ନଭେମ୍ବର ୩୦ରେ ସ୍ବିଡେନ୍ର ଏକ ଅଖ୍ୟାତ ଗଁା ଷ୍ଟେନ୍ଷ୍ଟର୍ଫରେ ସେ ଜନ୍ମଗ୍ରହଣ କରିଥିଲେ। ପାଠ ପଢ଼ିବା ସହ ସେ ନିଜର ଏକ ଫାର୍ମ ହାଉସ ମଧ୍ୟ ଚଳାଉଥିଲେ। ଏହି ସମୟରେ ସେ ନିଜର ବୁଦ୍ଧି ବଳରେ ମିଲକ୍ ଫ୍ୟାଟ୍ ଟେଷ୍ଟର ତିଆରି କରିଥିଲେ। ନିଜର ଗବେଷଣା ଜୀବନ ମଧ୍ୟରେ ସେ ବେଶ୍ କେତୋଟି ନୂଆ ନୂଆ ଜିନିଷ ଉଦ୍ଭାବନ କରି ନିଜର ପରିଚୟକୁ ସୁଦୂରପ୍ରସାରୀ କରିବାରେ ସକ୍ଷମ ହୋଇଥିଲେ। ଏଥିପାଇଁ ସେ ବିଶ୍ୱସ୍ତରରେ ସାଉଁଟିଥିଲେ ଅନେକ ପ୍ରଶଂସା। ଗବେଷଣାରେ ନିମଗ୍ନ ରହିବା ସହ ସେ ବିଭିନ୍ନ ଉଚ୍ଚ ପଦପଦବୀରେ ନିଜ ଦାୟିତ୍ୱକୁ ବେଶ୍ ସୂଚାରୂ ରୂପେ ତୁଲାଇଥିଲେ। ୧୯୧୨ ତାଙ୍କ ପାଇଁ ଖୁସିର ଖବର ଆଣିଥିଲା। ଏହି ବର୍ଷ ସେ ନୋବେଲ ପୁରସ୍କାର ପାଇଥିଲେ, ହେଲେ ସେହି ବର୍ଷ ଏକ ଦୁର୍ଘଟଣାର ସମ୍ମୁଖୀନ ହୋଇ ଗୌଷ୍ଟଫ ନିଜର ଦୃଷ୍ଟିଶକ୍ତି ହରାଇଥିଲେ। ୧୯୩୭ ଡିସେମ୍ବର ୯ରେ ସେ ପରଲୋକ ଗମନ କରିଥିଲେ। ପଦାର୍ଥ ବିଜ୍ଞାନ କ୍ଷେତ୍ରରେ ତାଙ୍କର ଅବଦାନ ଚିର ସ୍ମରଣୀୟ ହୋଇ ରହିବ।
