Advertisement

ମୃତ ଘୋଷିତ ସ୍ବାମୀ ଫେରିଲେ, ସ୍ତ୍ରୀ ହେଲେ ସଧବା

ନିମାପଡ଼ା,୨୨।୧୧(ଡି.ଏନ୍‌.ଏ.): ମୃତ ଘୋଷିତ ହୋଇଥିବା ଜଣେ ବ୍ୟକ୍ତି ଦୀର୍ଘ ୨୩ ବର୍ଷ ପରେ ନିଜ ଘରକୁ ଫେରିଛନ୍ତି। ସେ ୧୯୯୯ ମହାବାତ୍ୟା ବେଳେ କେଉଁଆଡ଼େ ନିଖୋଜ ହୋଇଯିବା ପରେ ମୃତ ଘୋଷିତ ହୋଇଥିଲେ। ଏପରି କି ଗତବର୍ଷ ତାଙ୍କର ଶୁଦ୍ଧିକ୍ରିୟା ସରିଥିଲା। ତେବେ ରବିବାର ରାତିରେ ସେ ଘରକୁ ଫେରିଆସିବା ପରେ ତାଙ୍କୁ ଦେଖି ପରିବାରବର୍ଗ ଅତି ଆନନ୍ଦିତ ହୋଇପଡ଼ିଛନ୍ତି। ଏପରି କି ସୋମବାର ତାଙ୍କ ସ୍ତ୍ରୀ ପୁଣି ହାତରେ ଶଙ୍ଖା ଓ ମଥାରେ ସିନ୍ଦୁର ପିନ୍ଧି ସଧବା ସାଜିଛନ୍ତି। ଏଭଳି ଆଶ୍ଚର୍ଯ୍ୟଜନକ ଘଟଣା ନିମାପଡ଼ା ଥାନା ଅନ୍ତର୍ଗତ ବାମନାଳ ପଞ୍ଚାୟତ ସାନପାତି ଗ୍ରାମରେ ଚର୍ଚ୍ଚାର ବିଷୟ ପାଲଟିଛି।
ସୂଚନା ମୁତାବକ, ସାନପାତି ଗ୍ରାମର କୀର୍ତ୍ତିଚନ୍ଦ୍ର ବରାଳ ୧୯୯୯ ମହାବାତ୍ୟାର ଦୁଇଦିନ ପୂର୍ବରୁ ଭଉଣୀ ଘର ଗୋପ ଥାନା ଅନ୍ତର୍ଗତ କୁସୁପୁର ଗ୍ରାମକୁ ଯାଇଥିଲେ। ମହାବାତ୍ୟା ବେଳେ ସେ କେଉଁଆଡେ ନିଖୋଜ ହୋଇଯାଇଥିଲେ। ପରିବାରବର୍ଗ ଅନେକ ଖୋଜାଖୋଜି କରିଥିଲେ ମଧ୍ୟ ତାଙ୍କ ସନ୍ଧାନ ପାଇ ନ ଥିଲେ। ଦୀର୍ଘ ୨୨ବର୍ଷ ପର୍ଯ୍ୟନ୍ତ ପରିବାରବର୍ଗ ତାଙ୍କ ବାଟକୁ ଚାହିଁ ରହିଥିଲେ ମଧ୍ୟ ସେ ଘରକୁ ଫେରି ନ ଥିଲେ। ମହାବାତ୍ୟାରେ କୀର୍ତ୍ତିଚନ୍ଦ୍ରଙ୍କର ମୃତ୍ୟୁ ଘଟିଥିବା ପରିବାର ଲୋକେ ଅନୁମାନ କରିଥିଲେ। ଶେଷରେ ନିରାଶ ହୋଇ ଗତବର୍ଷ ଅକ୍ଟୋବରରେ ତାଙ୍କ ଶୁଦ୍ଧିକ୍ରିୟା କରାଯାଇଥିବାବେଳେ ସ୍ତ୍ରୀ ପ୍ରମିଳା ବରାଳ(୬୬)ଙ୍କୁ ବିଧବା ହେବାକୁ ପଡ଼ିଥିଲା। ଏପରି କି ୭୩ବର୍ଷୀୟ କୀର୍ତ୍ତିଚନ୍ଦ୍ରଙ୍କ ମୃତ୍ୟୁ ହୋଇସାରିଥିବା ନେଇ ପରିବାର ଲୋକେ ପ୍ରଶାସନ ପକ୍ଷରୁ ମୃତ୍ୟୁ ପ୍ରମାଣପତ୍ର ମଧ୍ୟ ପାଇସାରିଛନ୍ତି। ତେବେ ମିଳିଥିବା ତଥ୍ୟ ଅନୁଯାୟୀ, ୨୦୧୨ରେ ବିଶାଖାପାଟଣାମ୍‌ର ଏକ ଅଞ୍ଚଳରେ କୀର୍ତ୍ତିଚନ୍ଦ୍ର ଅତି ଦୟନୀୟ ଓ ଭୋକିଲା ଅବସ୍ଥାରେ ଠାବ ହୋଇଥିଲେ। ସେତେବେଳେ ସ୍ଥାନୀୟ ଅଞ୍ଚଳର ଜଣେ କର୍ପୋରେଟର ତାଙ୍କୁ ସହଯୋଗର ହାତ ବଢାଇଥିଲେ। ସେ ତାଙ୍କୁ ନିୟମିତ ଖାଦ୍ୟ ଦେବା ସହ ଚିକିତ୍ସା ଲାଗି ମିଶନାରି ଅଫ୍‌ ଚାରିଟି ସଂସ୍ଥାକୁ ପଠାଇବାର ବ୍ୟବସ୍ଥା କରିଥିଲେ। ସେ ମାନସିକ ରୋଗୀ ବୋଲି ଜଣାପଡ଼ିବା ପରେ ତାଙ୍କର ଚିକିତ୍ସା କରାଯାଇଥିଲା। ଦୁଇବର୍ଷ ପରେ ତାଙ୍କୁ ଶ୍ରୀକାକୁଲମ୍‌ର ନିର୍ମଳ ହୃଦୟ ଭବନକୁ ସ୍ଥାନାନ୍ତର କରାଯାଇ ଚିକିତ୍ସା ଜାରି ରହିଥିଲା। ସାମାନ୍ୟ ସୁସ୍ଥ ହେବା ପରେ ଦୁଇମାସ ତଳେ ତାଙ୍କୁ ବ୍ରହ୍ମପୁର ମିଶନାରି ଅଫ୍‌ ଚାରିଟିକୁ ଅଣାଯାଇଥିଲା। ୩ଦିନ ତଳେ ଏଠାକୁ କୋଲକାତାରୁ ମିଶନାରି ଅଫ୍‌ ଚାରିଟି ବ୍ରଦର୍ସ (ହୋମ୍‌ ମନିଟର) ସାଇନ୍‌ ଯୋଶେଫ ଆସିଥିଲେ। ସେ କୀର୍ତ୍ତିଚନ୍ଦ୍ରଙ୍କୁ ଦେଖିବା ପରେ ଉଦ୍ୟମ କରି ସମ୍ପୂର୍ଣ୍ଣ ଠିକଣା ବାହାର କଲେ। ଏହାପରେ ବ୍ରହ୍ମପୁର ଶାଖାର ଜଣେ କର୍ତ୍ତୃପକ୍ଷ ଅମ୍ରିତ ବିଶ୍ୱାସ ଏନେଇ ନିମାପଡ଼ା ଥାନାକୁ ଫୋନ ଯୋଗେ ଜଣାଇଲେ। ପୋଲିସ ଏନେଇ ସ୍ଥାନୀୟ ପଞ୍ଚାୟତର ସାମାଜିକ କର୍ମୀ ଶଙ୍କର ପାଣିଙ୍କୁ ଯୋଗାଯୋଗ କରିଥିଲେ।
ରବିବାର କୀର୍ତ୍ତିଚନ୍ଦ୍ରଙ୍କ ବଡ ପୁଅ ନୃସିଂହ, ମଝିଆଁ ପୁଅ ଶେଷଦେବ ଓ କେତେଜଣ ଗ୍ରାମବାସୀ ବ୍ରହ୍ମପୁର ଯାଇ ସେଠାରୁ ତାଙ୍କୁ ଘରକୁ ଆଣିଛନ୍ତି। ତେବେ ତାଙ୍କୁ ଦୀର୍ଘ ୨୩ ବର୍ଷ ପରେ ଜୀବିତ ଅବସ୍ଥାରେ ଦେଖି ପରିବାରବର୍ଗ ହଠାତ୍‌ ବିଶ୍ୱାସ କରିପାରି ନ ଥିଲେ। ସେମାନେ ବାପାଙ୍କୁ କୁଣ୍ଡାଇ ଧରି ଅତିଶୟ ଖୁସିରେ କାନ୍ଦି ପକାଇଥିଲେ। ସୋମବାର ହିନ୍ଦୁ ରୀତିନୀତି ଅନୁଯାୟୀ କୀର୍ତ୍ତିଚନ୍ଦ୍ରଙ୍କ ସ୍ତ୍ରୀ ପ୍ରମିଳା ପୁଣି ହାତରେ ଶଙ୍ଖା ଓ ମଥାରେ ସିନ୍ଦୂର ପିନ୍ଧିଛନ୍ତି। ଏଥିସହ ସ୍ବାମୀଙ୍କ ମଙ୍ଗଳ ମନାସିଛନ୍ତି।


Enter your email to get our daily news in your inbox.

All Right Reserved By Dharitri.Com

ପୋଲିସ କ୍ୱାର୍ଟର୍ସରେ ନାବାଳିକାଙ୍କୁ ଗଣବଳାତ୍କାର :ବହିଷ୍କୃତ ପୋଲିସ କନଷ୍ଟେବଳ ଗିରଫ, ୩ ଅଟକ

ପୁରୀ ଅଫିସ, ୩।୧୨: ଶ୍ରୀକ୍ଷେତ୍ରରେ ଘଟିଛି ପୁଣି ଏକ କଳଙ୍କିତ ଘଟଣା। ସୋମବାର ରାତିରେ ଜଣେ ନାବାଳିକା(୧୭)ଙ୍କୁ ପୋଲିସ କ୍ୱାର୍ଟର୍ସରେ ଗଣବଳାତ୍କାର କରାଯାଇଥିବା ଅଭିଯୋଗ ହୋଇଛି।...

ସୌଭାଗ୍ୟ ଜ୍ୟୋତି ବିଦ୍ୟୁତ୍‌ ଯୋଜନା ଫେଲ୍‌

ଗୋଲାମୁଣ୍ଡା,୨୩।୮ (ଡି.ଏନ.ଏ.)-କଳାହାଣ୍ଡି ଜିଲା ଗୋଲାମୁଣ୍ଡା ବ୍ଲକରେ ସୌଭାଗ୍ୟ ଜ୍ୟୋତି ବିଦ୍ୟୁତ୍‌ ଯୋଜନା ଫେଲ ମାରୁଛି। ଗୋଲାମୁଣ୍ଡା ବ୍ଲକ ଅଧୀନ ଚପ୍ରିଆ ଗଁାରେ ଦୀର୍ଘ ଏକ ବର୍ଷ...

ବାହୁଡ଼ା ପାଇଁ ସ୍ବତନ୍ତ୍ର ବ୍ୟବସ୍ଥା: ମୁତୟନ ହେବେ ୭୦ ପ୍ଲାଟୁନ ପୋଲିସ ଫୋର୍ସ

ପୁରୀ ଅଫିସ, ୩୦।୬: ଜୁଲାଇ ୧ରେ ବାହୁଡ଼ା ଯତ୍ରା। କୋଭିଡ୍‌ ଗାଇଡ୍‌ ଲାଇନ୍‌ ଏବଂ ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ମାନି ସମସ୍ତ ପ୍ରକାର କାର୍ଯ୍ୟ କରାଯିବ। ତେଣୁ...

ପୋଲିସବାବୁଙ୍କ ଚୌକିରେ ପରିସ୍ରା

ଛେଣ୍ଡିପଦା,୨୩।୧୨(ସ୍ବ.ପ୍ର.) ତହସିଲ ପ୍ରଶାସନ ଅଭିଯୋଗ ନ ରଖିବାରୁ ବୁଧବାର ଅନୁଗୋଳ ଜିଲା ଛେଣ୍ଡିପଦା ଥାନା ବାଗଡିଆ ଫାଣ୍ଡିରେ ପଶି ଉନ୍ମତ୍ତକାଣ୍ଡ ଭିଆଇଛନ୍ତି ଖମାର ଗଁାର ଭାସ୍କର...

ରାଜ୍ୟ ବୟନଶିଳ୍ପ ମନ୍ତ୍ରୀଙ୍କ ଗାଡ଼ି ଦୁର୍ଘଟଣାଗସ୍ତ, ବାଇକ୍‌ ଚାଳକ ଗୁରୁତର

କୋରାପୁଟ, ୭ା୨: କୋରାପୁଟ-ବୋରିଗୁମ୍ମା ଭାୟା ରାଣୀଗଡ଼ ୩୨୬ ନମ୍ବର ରାଜପଥ ଛର୍ତଲା ନିକଟରେ ରବିବାର ରାଜ୍ୟ ବୟନ ଶିଳ୍ପ ମନ୍ତ୍ରୀ ପଦ୍ମିନୀ ଦିଆନଙ୍କ କାର ଓ...

ବାରିପଦା ଟାଉନ ଥାନା: ହ୍ୟାଣ୍ଡକପ୍‌ ଭାଙ୍ଗି ଅଭିଯୁକ୍ତ ଫେରାର

ବାରିପଦା ଅଫିସ,୫ା୧୧- ସୋମବାର ରାତିରେ ବାରିପଦା ଟାଉନ ଥାନାରୁ ହ୍ୟାଣ୍ଡକପ୍‌ ଭାଙ୍ଗି ଜଣେ ଅଭିଯୁକ୍ତ ଚମ୍ପଟ ମାରିବା ଘଟଣା ଏଠାରେ ଚର୍ଚ୍ଚାର ବିଷୟ ହୋଇଛି। ରାତି...

ଉଚ୍ଛେଦ ପୂର୍ବରୁ ଦୋକାନ ହଟାଇଲେ:  ଥଇଥାନ କରା ନ ଗଲେ ଆନ୍ଦୋଳନ

ଗଞ୍ଜାମ,୧୨ା୩(ଡି.ଏନ.ଏ.)- ଗଞ୍ଜାମ ସହର ସାନବଜାର ଠାରୁ ତ୍ରିବେଣୀ ମଠ ଛକ ଯାଏ ରାସ୍ତା ସମ୍ପ୍ରସାରଣ ପାଇଁ ଜବରଦଖଲ ଉଛେଦ କରାଯିବ। ଏଥିପାଇଁ ତହସିଲ ପ୍ରଶାସନ ପକ୍ଷରୁ...

୫ ଫୁଟ୍‌ର ନାଗ ଉଦ୍ଧାର

ଚୌଦ୍ୱାର,୧୦।୫(ଡି.ଏନ.ଏ.)-ଚୌଦ୍ୱାର ପୌରପାଳିକା ଅନ୍ତର୍ଗତ ୧ନଂ ୱାର୍ଡ ଗୁପ୍ତେଶର ସାହି ସ୍ଥିତ ସନାତନ ଜେନାଙ୍କ ଘରୁ ରବିବାର ଏକ ୫ଫୁଟର ନାଗସାପ ଉଦ୍ଧାର କରାଯାଇଛି। ସାପଟି ସନାତନଙ୍କ...

Advertisement
Archives

Model This Week