ନୂଆଦିଲ୍ଲୀ,୧୮।୧୧: ଡବ୍ଲ୍ୟୁଡବ୍ଲ୍ୟୁଇ ସୁପରଷ୍ଟାର ଦିଲୀପ ସିଂହ ରାଣା ଓରଫ ‘ଦ ଗ୍ରେଟ୍ ଖଲି’ ବାପା ହୋଇଛନ୍ତି। ତାଙ୍କ ଘରକୁ କୁନି ରାଜକୁମାର ଆସିଛନ୍ତି। ସୋସିଆଲ ମିଡିଆରେ ଖଲି ଶେୟାର କରିଥିବା ଏକ ରିଲ୍ରେ ପୁଅକୁ କଙ୍ଗାରୁ କେୟାର ଦେଉଥିବା ଦେଖାଯାଇଛି। ଖୁସିଖବର ଶେୟାର କରି ଖଲି କହିଛନ୍ତି ‘ଆଜି ଆପଣମାନଙ୍କ ଆଶୀର୍ବାଦ ଯୋଗୁ ପୁତ୍ର ସନ୍ତାନ ପ୍ରାପ୍ତ ହୋଇଛି’। ତେବେ ଉକ୍ତ ଭିଡିଓ ଏବେ ବେଶ ଭାଇରାଲ ହେଉଛି।
‘ଦ ଗ୍ରେଟ ଖଲି’ଙ୍କ ସ୍ତ୍ରୀଙ୍କ ନାମ ହେଉଛି ହରମିନ୍ଦର କୌର। ସେ ଜଳନ୍ଧର ନୂରମହଲର ବାସିନ୍ଦା। ୨୦୦୨ରେ ଦୁହେଁ ପ୍ରସ୍ତାବିତ ବିବାହ କରିଥିଲେ। ଉଚ୍ଚତାରେ ଅନେକ ତଫାତ ଥିବା ସତ୍ତ୍ୱେ ସେମାନେ ସୁଖୀ ଦାମ୍ପତ୍ୟଜୀବନ ଅତିବାହିତ କରି ଆସୁଛନ୍ତି। ବିବାହର କିଛି ଦିନ ପରେ ଖଲି ରେସଲିଂରେ ପାଦ ରଖିଥିଲେ। ପରେ ସେ ଜଣେ ସଫଳ ରେସ୍ଲର ପାଲଟିଥିଲେ। ତେବେ ବିବାହର ୧୨ ବର୍ଷ ପରେ ତାଙ୍କ ଝିଅ ଅଭଲିନ ଜନ୍ମ ନେଇଥିଲେ। ଏବେ ସେ ୮ ବର୍ଷର ହୋଇଗଲେଣି।
