ଚୌଦ୍ୱାର,୨୦ା୧(ଡି.ଏନ୍.ଏ.): ଟାଙ୍ଗୀ-ଚୌଦ୍ୱାର ବ୍ଲକ ବଡ଼ସାମନ୍ତରାପୁର ପଞ୍ଚାୟତ ସର୍ଦ୍ଦାରଖରିଦା ଗ୍ରାମରେ ବୁଧବାର ବିଳମ୍ବିତ ରାତିରେ ହାତୀ ଉପଦ୍ରବ ଦେଖିବାକୁ ମିଳିଥିଲା। ଉକ୍ତ ଗ୍ରାମର ଜଗୁ ରାଉତଙ୍କ ବାରିରେ ଗୋଟିଏ ହାତୀ ପଶିବା ସହ ପିଣ୍ଡାରେ ବସ୍ତାରେ ଭର୍ତ୍ତି ହୋଇଥିବା ଧାନ ଖାଇଥିଲା। ପରେ ପାଚେରି ଭାଙ୍ଗି ଚାଲି ଯାଇଥିଲା। ଗୁରୁବାର ସକାଳେ ଖବରପାଇ ବନ କର୍ମଚାରୀ ଘଟଣା ସମ୍ପର୍କରେ ଅନୁଧ୍ୟାନ କରିଛନ୍ତି। ଏବେ ଧାନ ଅମଳ ସମୟ ହୋଇଥିବାରୁ ଲୋକମାନେ ଧାନକୁ ଖଳା କିମ୍ବା ଘର ବାହାରେ ରଖୁଛନ୍ତି। ଫଳରେ ହାତୀପଲ ଧାନ ଖାଇବା ପାଇଁ ଗ୍ରାମମୁହଁା ହେଉଛନ୍ତି। ତୁରନ୍ତ ବନ ବିଭାଗ ଏଥିପ୍ରତି ଦୃଷ୍ଟି ଦେବାକୁ ଗ୍ରାମବାସୀ ଦାବି କରିଛନ୍ତି।
