ବଲିଉଡ୍ ତାରକାମାନଙ୍କ ସୁରକ୍ଷା ପାଇଁ ଲକ୍ଷ ଲକ୍ଷ କୋଟି ଟଙ୍କା ଖର୍ଚ୍ଚ କରିବା କିମ୍ବା ସର୍ବୋତ୍ତମ ଅଙ୍ଗରକ୍ଷୀ ନିଯୁକ୍ତି କରିବା ବଡ଼ କଥା ନୁହେଁ। ଏପରି ଅନେକ ତାରକା ଅଛନ୍ତି ଯେଉଁମାନେ ବ୍ୟକ୍ତିଗତ ଅଙ୍ଗରକ୍ଷୀଙ୍କ ସୁରକ୍ଷା ଅଧୀନରେ ଚାଲନ୍ତି । କିଛି ତାରକାଙ୍କୁ ମୁମ୍ବାଇ ପୋଲିସ ମଧ୍ୟ ସ୍ବତନ୍ତ୍ର ସୁରକ୍ଷା ଯୋଗାଇ ଦେଇଛି। ବିବାଦ ଏବଂ ଧମକ ଯୋଗୁ ସୁରକ୍ଷା ଯୋଗାଯାଇଥିବା ତାରକାଙ୍କ ମଧ୍ୟରୁ ପଙ୍ଗା ଗର୍ଲ କଙ୍ଗନା ରାଣାଓ୍ବତ ଅନ୍ୟତମ। ତାଙ୍କ ସୁରକ୍ଷା ପାଇଁ କେତେ ଟଙ୍କା ଖର୍ଚ୍ଚ ହୁଏ ଜାଣନ୍ତୁ। ସେ କେନ୍ଦ୍ର ସରକାରଙ୍କ ଠାରୁ Y + ବର୍ଗର ସୁରକ୍ଷା ପାଇଛନ୍ତି। କଙ୍ଗନା ହେଉଛନ୍ତି ପ୍ରଥମ ବଲିଉଡ ଅଭିନେତ୍ରୀ ଯିଏକି ଏହି ବିଶେଷ ସୁରକ୍ଷା ପାଇଛନ୍ତି । ୧୦ ରୁ ୧୨ ସିଆରପିଏଫ ଯବାନ ତାଙ୍କୁ ସୁରକ୍ଷା ଦେବା ପାଇଁ ୨୪ ଘଣ୍ଟା ମଧ୍ୟରେ ବିଭିନ୍ନ ସିଫ୍ଟରେ ନିୟୋଜିତ ହୋଇଥାନ୍ତି। କଙ୍ଗନାଙ୍କ ସୁରକ୍ଷା ପାଇଁ ମାସକୁ ପ୍ରାୟ ୧୦ ଲକ୍ଷ ଟଙ୍କା ଖର୍ଚ୍ଚ ହୋଇଥାଏ ।
