ମୁମ୍ବାଇ,୨୧।୩: ଅଟଳ ସେତୁ ଉପରୁ ସମୁଦ୍ରକୁ ଡେଇଁ ପଡିଛନ୍ତି ଜଣେ ମହିଳା ଡାକ୍ତର। ଗତ ୩ ଦିନ ହେଲାଣି ତାଙ୍କ ପତ୍ତା ମିଳୁନି। ଏପରି ଏକ ଅଘଟଣ ମୁମ୍ବାଇରେ ଥିବା ନବନିର୍ମିତତ ଅଟଳ ସେତୁରେ ଘଟିଛି। ନିଖୋଜ ଥିବା ମହିଳା ଡାକ୍ତରଜଣକ ହେଉଛନ୍ତି ୪୩ ବର୍ଷୀୟା କିଞ୍ଜଲ କାନ୍ତିଲାଲ ।
କିଞ୍ଜଲ କାନ୍ତିଲାଲ ଡାକ୍ତର ଭାବେ କାର୍ଯ୍ୟରତ ଥିବାବେଳେ ମୁମ୍ବାଇରେ ନିଜ ପିତାଙ୍କ ସହ ରହୁଥିଲେ। ତାଙ୍କ ଘରୁ ଏକ ସୁଇସାଇଡ ନୋଟ ପୋଲିସ ଜବତ କରିଛି। ପୋଲିସ ସୂଚନା ଅନୁଯାୟୀ, କିଞ୍ଜଲ ପ୍ରାୟ ୮ ବର୍ଷ ହେବ ଅବସାଦରେ ରହୁଥିଲେ। ଏଥିପାଇଁ ସେ ଚିକିତ୍ସିତ ବି ହେଉଥିଲେ। ଗତ ସୋମବାର କିଞ୍ଜଲ ନିଜ ଘର ନିକଟରୁ ଏକ ଟ୍ୟାକ୍ସିରେ ଡାକିିଥିଲେ। ଅଟଳ ସେତୁ ନିକଟକୁ ଯିବାକୁ ସେ ଡ୍ରାଇଭରଙ୍କୁ କହିଥିଲେ। ସେତୁ ଉପରେ ଗାଡି ପହଞ୍ଚିବା ପରେ ଡ୍ରାଇଭରଙ୍କୁ ସେଠାରେ ଅଟକି ରହିବାକୁ ବାଧ୍ୟ କରିଥିଲେ କିଞ୍ଜଲ । ଏହାପରେ ସଙ୍ଗେସଙ୍ଗେ ସମୁଦ୍ରକୁ ସେ ଡେଇଁପଡିଥିଲେ ।
