ପାଟଣା,୧୦ା୧୧(ସ୍ବ.ପ୍ର.):କେନ୍ଦୁଝର ଜିଲା ପାଟଣା ରେଞ୍ଜ୍ରେ ବୁଲୁଥିବା ୨୪ ଟିକିଆ ଝାଡ଼ଖଣ୍ଡୀ ହାତୀପଲ ଜନବସତିମୁହଁା ହୋଇଛନ୍ତି। ଗତ ମଙ୍ଗଳବାର ଅପରାହ୍ନରେ ହାତୀ ମାତାଲ ହୋଇ କାଜୁ ଜଙ୍ଗଲରେ ପଡ଼ିଥିବା ବେଳେ ରାତିରେ ବିଷ୍ଣୁପୁର ଗାଁରେ ପଶି ଉତ୍ପାତ କରିଛନ୍ତି। ଏକ କଦଳୀ ବଗିଚାକୁ ନଷ୍ଟ କରିବା ସହ ୨୦ରୁ ଊର୍ଦ୍ଧ୍ୱ କଳଦୀ କାନ୍ଧି ଖାଇଯାଇଛନ୍ତି। ହାତୀପଲ ଗଁା ନିକଟରେ ଥିବାରୁ ଗ୍ରାମବାସୀ ଆତଙ୍କିତ ଅବସ୍ଥାରେ ରହିଛନ୍ତି।
ସୂଚନା ମୁତାବକ, ହାତୀପଲ ମଙ୍ଗଳବାର ରାତିରେ ବିଷ୍ଣୁପୁର ଗାଁର ଉଦୟ ନାଥ ମିଶ୍ରଙ୍କ କଦଳୀ ବଗିଚାରେ ପଶିଥିଲେ। ସେଠାରେ ୫୦ରୁ ଊର୍ଦ୍ଧ୍ୱ କଦଳୀ ଗଛ ଭାଙ୍ଗିବା ସହ ୨୦ଟି କାନ୍ଧି ଖାଇଦେଇଥିଲେ। ଏଥିସହ ଦୀନବନ୍ଧୁ ମିଶ୍ରଙ୍କ ଫସଲ ମଧ୍ୟ ନଷ୍ଟ କରିଛନ୍ତି। ବୁଧବାର ସାରେ ପଲ ପରମେଶ୍ୱର ମନ୍ଦିର ସନ୍ନିକଟରେ ରହିଛନ୍ତି। ହାତୀପଲରେ ୯ ଦନ୍ତା, ୯ ଛୁଆ ଓ ୬ ମାଈହାତୀ ରହିଥିବା ବେଳେ ପାଟଣା ମୁଖ୍ୟାଳୟରେ ଘୂରି ବୁଲୁଥିବା ବନ ବିଭାଗ କହିଛି। ବନ ବିଭାଗ ତରଫରୁ ଡାକବାଜି ଯନ୍ତ୍ର ଯୋଗେ ଲୋକଙ୍କୁ ସଚେତନ କରାଯାଉଛି। ଘଟଣା ସ୍ଥଳରେ ରେଞ୍ଜର ଘାସିନାଥ ପାତ୍ର, ଫରେଷ୍ଟର ଚିତ୍ତରଞ୍ଜନ ପରିଡ଼ା ପାରା ଷ୍ଟାଫ୍ଙ୍କ ସହାୟତାରେ ହାତୀଙ୍କ ଗତିବିଧି ଉପରେ ନଜର ରଖିଥିବା କହିଛନ୍ତି। ସୂଚନାଯୋଗ୍ୟ, ଉକ୍ତ ହାତୀପଲ ୪ ଦିନ ହେଲା ପାଟଣା ରେଞ୍ଜରେ ବୁଲୁଥିବା ବେଳେ ମଙ୍ଗଳବାର ରନ୍ଧା ମହୁଲୀ ପୋଚ ପିଇ ମାତାଲ ହୋଇ ଏକ କାଜୁ ଜଙ୍ଗଲରେ ପଡ଼ିଥିଲେ।
