ସାଧାରଣତଃ ନୂଆ ଚାକିରି ପାଇଲେ ସମସ୍ତେ ଖୁସି ହୁଅନ୍ତି, କିନ୍ତୁ ଚାକିରି କରିବାକୁ ଯାଇଥିବା ଲୋକଙ୍କ ମନରେ ଅନେକ ପ୍ରଶ୍ନ ରହିଥାଏ। ଫଳରେ ସେମାନେ ଚାକିରିରେ ଯୋଗଦେବା ପୂର୍ବରୁ ଉତ୍ତର ଖୋଜିବାକୁ ଚେଷ୍ଟା କରନ୍ତି, କାରଣ ଯୋଗଦେବା ପରେ କୌଣସି ପ୍ରକାରର ସମସ୍ୟାର ଯେମିତି ସମ୍ମୁଖୀନ ହେବାକୁ ପଡ଼ିବ ନାହିଁ। ମାତ୍ର ଜଣେ କର୍ମଚାରୀ ଚାକିରିରେ ଯୋଗଦେବା ପୂର୍ବରୁ କିଛି ଗୁରୁତ୍ୱପୂର୍ଣ୍ଣ ପ୍ରଶ୍ନ ଅଛି ଯାହା ପଚାରିବା ନିହାତି ଆବଶ୍ୟକ। ମାତ୍ର ଜଣେ କର୍ମଚାରୀ ଦରମା ସମ୍ବନ୍ଧୀୟ ପ୍ରଶ୍ନ ପଚାରି ଚାକିରିରୁ ବିଦା ହୋଇଛନ୍ତି।
ଏକ ରିପୋର୍ଟ ଅନୁଯାୟୀ, ସୋସିଆଲ ମିଡିଆ ସାଇଟ୍ ରେଡ୍ଡିଟ୍ର ଜଣେ ବ୍ୟକ୍ତି ତାଙ୍କ ନାମ ପ୍ରକାଶ ନ କରି ଅଜବ କାରଣରୁ ତାଙ୍କ ଚାକିରି ଚାଲିଯାଇଥିବା ପ୍ରକାଶ କରିଛନ୍ତି। ସେହି ବ୍ୟକ୍ତି ଏକ କମ୍ପାନୀରେ ଆବେଦନ କରିଥିଲେ, ଯାହାକି ପିଲାମାନଙ୍କୁ ଶିକ୍ଷା ଦେବା ପାଇଁ ରହିଥିଲା। ବ୍ୟକ୍ତି ଜଣକ ମନୋନୀତ ହୋଇଥିଲେ କିନ୍ତୁ ସେ ତାଙ୍କ ମାଲିକଙ୍କୁ ଏକ ପ୍ରଶ୍ନ ପଚାରିଥିଲେ, ଯେଉଁଥିରେ ତାଙ୍କର ଅସୁବିଧା ବଢ଼ି ଯାଇଥିଲା।
ବ୍ୟକ୍ତିଜଣକ ଦରମା ବିଷୟରେ ପଚାରିବା ପରେ ତାଙ୍କୁ ଚାକିରିରୁ ବରଖାସ୍ତ କରିଦିଆଯାଇଛି। ସେ ଏହି ସ୍କ୍ରିନଶଟ୍ଗୁଡ଼ିକୁ ସୋସିଆଲ ମିଡିଆରେ ଶେୟାର କରିଛନ୍ତି। କର୍ମଚାରୀ ତାଙ୍କ ଦରମା ବିଷୟରେ ମାଲିକଙ୍କୁ ପଚାରିଥିଲେ। ପ୍ରଶ୍ନ ଶୁଣିବା ପରେ ମାଲିକ ରାଗିଗଲେ।
ସେ କେବଳ ମାଲିକଙ୍କୁ ପଚାରିଥିଲେ ଯେ, କେତେ ଦିନରେ ସେ ଦରମା ପାଇବେ। ଏହାପରେ ବସ୍ କହିଥିଲେ, ତାଙ୍କୁ ସାପ୍ତାହିକ ଅର୍ଥାତ୍ ଦୁଇ ସପ୍ତାହ ମଧ୍ୟରେ ଦରମା ଦିଆଯିବ। ତା’ପରେ କେଉଁ ଦିନ ଦରମା ଦିଆଯିବ ବୋଲି ସେ ପଚାରିଥିଲେ। ଏହି ପ୍ରଶ୍ନରେ ମାଲିକ ଅତ୍ୟନ୍ତ କ୍ରୋଧିତ ହୋଇଥିଲେ ଏବଂ ସେ କହିଥିଲେ ସେ ତାଙ୍କ ମତ ପରିବର୍ତ୍ତନ କରିଛନ୍ତି। ସେ ବର୍ତ୍ତମାନ ଯାହାକୁ ନିଯୁକ୍ତି ଦେବାକୁ ଚାହୁଁଛନ୍ତି ସେ ଯେମିତି କାମରେ ଉଦ୍ଦେଶ୍ୟ ରଖିବେ ଦରମାରେ ନୁହଁ। ଏହାଶୁଣି କର୍ମଚାରୀ ଆଶ୍ଚର୍ଯ୍ୟ ହୋଇଗଲେ। ସେ କହିଛନ୍ତି, ମାଲିକ କ’ଣ କରିବାକୁ ଚାହୁଁଛନ୍ତି ତାହା ସେ ବୁଝିପାରୁନାହାନ୍ତି। ସେ ଆହୁରି ମଧ୍ୟ ଲେଖିଛନ୍ତି, ଦରମା ସମ୍ବନ୍ଧୀୟ ସୂଚନା ଆବଶ୍ୟକ। ଯାହା ଦ୍ୱାରା ସେ କେତେ ଦିନରେ ଟଙ୍କା ପାଇବ ସେହି ହିସାବରେ ବିଲ୍ ପୈଠ୍ କରିପାରିବେ। ଏନେଇ ଏକ ଧାରଣା ବି ପାଇପାରିବେ।
ମାତ୍ର ମାଲିକ ପୁନର୍ବାର କ୍ରୋଧିତ ହୋଇ ଉତ୍ତର ଦେଇଛନ୍ତି, ସେ ଏମିତି ଜଣେ କର୍ମଚାରୀଙ୍କୁ ଖୋଜୁଛନ୍ତି ଯିଏ କେବଳ ଦରମାରେ ନଜର ନ ରଖି କାମରେ ଧ୍ୟାନ ଦେବେ। ଏହା ପରେ କର୍ମଚାରୀଙ୍କୁ ସେ ଚାକିରିରୁ ବାହାର କରିଦେଇଥିଲେ।
