ଶୃଙ୍ଗାର ବଦଳିଛି ପରିଭାଷା

ଶୃଙ୍ଗାର ପ୍ରିୟ ନାରୀ। ଏମିତି କୌଣସି ନାରୀ ହିଁ ନ ଥିବେ ଯାହାଙ୍କୁ ଶୃଙ୍ଗାର କରିବା ବା ସଜେଇ ହେବାକୁ ଭଲ ନ ଲାଗେ। ହେଲେ ଏବେ କରୋନା ଯୋଗୁଁ ସେମାନଙ୍କ  ପାଇଁ ବଦଳି ଯାଇଛି ଶୃଙ୍ଗାରର ପରିଭାଷା…

ନାରୀମାନେ ଶୃଙ୍ଗାର ନିମନ୍ତେ କେବେ ପ୍ରାକୃତିକ ଉପାୟ ଅବଲମ୍ବନ କରନ୍ତି ତ କେବେ ରାସାୟନିକ ସାମଗ୍ରୀରେ ମେକ୍‌ଅପ୍‌ ନିଅନ୍ତି। ଆଧୁନିକ ସମୟରେ ଏଥିପାଇଁ ଖୋଲିଛି ବ୍ୟୁଟି ପାର୍ଲର। କିନ୍ତୁ ପ୍ରଥମ ଥର ପାଇଁ କରୋନା ଯୋଗୁ ନାରୀମାନଙ୍କର ଶୃଙ୍ଗାର ପରିଭାଷା ବି ବଦଳିଛି। କାହିଁକିନା ଗୋଟିଏ ପଟେ ସଂକ୍ରମଣ ଭୟରେ ଏବେ ପ୍ରାୟତଃ କେହି ପାର୍ଲର ଯାଉ ନ ଥିବାବେଳେ ଅନ୍ୟପଟେ ଫେସ୍‌ ମାସ୍କ, ଫେସ୍‌ ସିଲ୍‌ଡ ଯୋଗୁଁ ଶୃଙ୍ଗାରର ଗୁରୁତ୍ୱ କମିଯାଇଛି।
ଯାଉ ନାହାନ୍ତି ପାର୍ଲର: ଫ୍ୟାଶନ୍‌ ଟ୍ରେଣ୍ଡରେ ଅପ୍‌ଡେଟ୍‌ ରହିବା ପାଇଁ ମହିଳାମାନେ ନିୟମିତ ପାର୍ଲର ଯିବା ଆଜିକାଲିର ଲାଇଫ୍‌ଷ୍ଟାଇଲରେ ଏକ ଗୁରୁତ୍ୱପୂର୍ଣ୍ଣ ଅଂଶ। କିନ୍ତୁ କରୋନା କଟକଣା ଆରମ୍ଭ ହେବା ଦିନଠାରୁ ପାର୍ଲର ଯିବାକୁ ଭୟ କରୁଛନ୍ତି ମହିଳାମାନେ। ପାର୍ଲର ଗଲେ ସଂକ୍ରମଣ ଭୟ ଅଧିକ ରହୁଥିବାରୁ ଏବେ ଆଉ କେହି ପ୍ରାୟତଃ ପାର୍ଲର ଯାଉନାହାନ୍ତି। ସେଥିପାଇଁ ଅଧିକାଂଶ ପାର୍ଲର ଏବେ ବନ୍ଦ ପ୍ରାୟ। ଯେଉଁ କେତୋଟି ପାର୍ଲର ଖୋଲୁଛି ସେଠାକୁ କେବଳ ଚିହ୍ନାଜଣା ମହିଳା ହିଁ ଯାଉଛନ୍ତି।
ମାସ୍କ ଆଉ ଫେସ୍‌ ସିଲ୍‌ଡର ଗୁରୁତ୍ୱ ବଢ଼ିଛି: ମହିଳାମାନେ ମେକ୍‌ଅପ୍‌ ନ ନେବାର ଆଉ ଏକ କାରଣ ହେଉଛି ଫେସ୍‌ ମାସ୍କ ଆଉ ଫେସ୍‌ ସିଲ୍‌ଡ। କରୋନା ପାଇଁ ଫେସ୍‌ ମାସ୍କ ଆଉ ଫେସ୍‌ ସିଲ୍‌ଡ ଲଗାଇବା ଫଳରେ ପୂରା ମୁହଁ ତ କଭର ହୋଇଯାଉଛି। ତେଣୁ ମେକ୍‌ଅପ୍‌ ନେଲେ ବି ତାହା କାହାକୁ ଦେଖା ଯାଉନାହିଁ। ଏହି କାରଣରୁ ମେକ୍‌ଅପ୍‌ ଏବେ ଗୁରୁତ୍ୱହୀନ ହୋଇଯାଇଛି। ସେଥିପାଇଁ କେହି ପାର୍ଲର ଯାଇ ମେକ୍‌ଅପ୍‌ ନେଉନାହାନ୍ତି।
ଘରୋଇ ପ୍ୟାକ୍‌ ଉପରେ ଅଧିକ ଗୁରୁତ୍ୱ:କରୋନା ସଂକ୍ରମଣ ଭୟରେ ମହିଳାମାନେ ଏବେ ପାର୍ଲର ଯାଉ ନାହାନ୍ତି ସତ କିନ୍ତୁ ବିଭିନ୍ନ ପ୍ରକାରର ବ୍ୟୁଟି ଉପଚାର ନିମନ୍ତେ ଏବେ ଘରୋଇ ପ୍ୟାକ ଉପରେ ନିର୍ଭର କରୁଛନ୍ତି। କିଛି ମହିଳା ନିଜେ ନିଜେ ଘରୋଇ ପ୍ୟାକ୍‌ କିଣି ଘରେ ଲଗାଉଛନ୍ତି ତ କେତେଜଣ ବ୍ୟୁଟିସିଆନ୍‌ଙ୍କ ପରାମର୍ଶ ନେଇ ବିଭିନ୍ନ ସାମଗ୍ରୀ ଲଗାଉଛନ୍ତି। ଅନେକ ଘରୋଇ ଉପାୟରେ ଫେସିଆଲ୍‌ କିମ୍ବା ଅନ୍ୟ ଉପଚାର ସବୁ କରୁଛନ୍ତି। ଏମିତି କି ଘରେ ୟୁଟ୍ୟୁବ ଦେଖି କେତେଜଣ କେଶ କାଟିବା ସହିତ ଆଇବ୍ରୋ ଶେପ୍‌ ମଧ୍ୟ କରୁଛନ୍ତି।
ଷ୍ଟାଇଲ୍‌ ଷ୍ଟେଟମେଣ୍ଟ: କରୋନା ପାଇଁ ମହିଳାଙ୍କର ଷ୍ଟାଇଲ୍‌ ଷ୍ଟେଟମେଣ୍ଟ ପୂରା ବଦଳି ଯାଇଛି। ସବୁ ସମୟରେ ଏବେ ମାସ୍କ ପିନ୍ଧିବାକୁ ପଡୁଥିବାରୁ ସେମାନେ ପୋଷାକ ଅନୁସାରେ ମ୍ୟାଚିଂ ମାସ୍କ ଚୟନ କରୁଛନ୍ତି। ମାସ୍କ ଏବଂ ଫେସ୍‌ ସିଲ୍‌ଡ ପିନ୍ଧିବା ପରେ କେବଳ ଆଖି ଦେଖାଯାଉଥିବାରୁ ଆଖି ମେକ୍‌ଅପ୍‌ ଉପରେ ଅଧିକ ଧ୍ୟାନ ଦେଉଛନ୍ତି।

ଏମାନେ ଯାହା କରନ୍ତି

ପରିସ୍ଥିତି ଏମିତି ରହିଲେ ପାର୍ଲର ବନ୍ଦ କରିଦେବି: ପାର୍ଲର ଏବେ ବନ୍ଦ ପ୍ରାୟ। କେହି କଷ୍ଟୋମର ଆସୁ ନାହାନ୍ତି। ସେଥିପାଇଁ ମୁଁ ପାର୍ଲର ଛାଡ଼ି ଗାଁକୁ ଚାଲି ଆସିଛି। ଏବେ ଜଣେ ପିଲାକୁ ପାର୍ଲର ପାଖରେ ଛାଡ଼ି ଆସିଛି ଯଦି କେହି କେବେ ପାର୍ଲର ଆସିବା ପାଇଁ କହୁଛନ୍ତି ସେ ଖୋଲୁଛି। ପାର୍ଲରରେ ଆମେ ସାନିଟାଇଜର ଠାରୁ ଆରମ୍ଭ କରି ଯାହା ଅନ୍ୟ ସବୁ ବ୍ୟବସ୍ଥା କରିଛୁ। ଏସବୁ ସତ୍ତ୍ୱେ ଆଗଭଳି କେହି ପାର୍ଲର ଆସିବାକୁ ଇଚ୍ଛା କରୁନାହାନ୍ତି। ସେଥିପାଇଁ ଏବେ ସମୟ ଏମିତି ହୋଇଛି ଯେ ପାର୍ଲର ପାଇଁ ଭଡ଼ା ଦେବାକୁ ବି ପଇସା ହେଉନି। ସେଥିପାଇଁ ଘର ମାଲିକକୁ କହି କିଛି କମ୍‌ ପଇସା ଦେଉଛି। ହେଲେ ପରିସ୍ଥିତି ଯଦି ବଦଳିବନି ତା’ହେଲେ ପାର୍ଲର ପୂରା ବନ୍ଦ କରିଦେବି ଭାବୁଚି। ଯେବେ ପରିସ୍ଥିତି ବଦଳିବ ସେତେବେଳେ ପୁଣି ପାର୍ଲର ଖୋଲିବି। ଏବେ ମୁଁ ଗାଁରେ ପାଖ ପଡ଼ୋଶୀ ଆଉ ବନ୍ଧୁମାନଙ୍କର ଘରେ ବ୍ୟୁଟି ଟ୍ରିଟମେଣ୍ଟ କରୁଛି।
-ମୀନା ମହାରଣା, କୁଇନ୍ସ ସଲୋନ୍‌ ଆଣ୍ଡ ସ୍ପା ମାଲିକ
ଶହୀଦନଗର, ଭୁବନେଶ୍ୱର
ଘରେ ସବୁ କରିଦେଉଛି: ଆଗରୁ ସବୁ ମାସରେ ଥରେ ଫେସିଆଲ୍‌ କରୁଥିଲି, ଆଇବ୍ରୋ ଶେପ୍‌ ପାଇଁ ପ୍ରତି ୧୫ ଦିନରେ ଥରେ ପାର୍ଲ ଯାଉଥିଲି। କିନ୍ତୁ ଏବେ ୬ମାସ ହେଲାଣି ମୁଁ ଥରେ ବି ପାର୍ଲରକୁ ଯାଇନି। ପାର୍ଲରକୁ ହିଁ ବହୁତ ଲୋକ ଆସନ୍ତି, ତେଣୁ ସେଠି ସଂକ୍ରମଣର ଭୟ ଅଧିକ। ସେଥିପାଇଁ ମୁଁ ଏବେ ମୋର ଗୋଟେ ସାଙ୍ଗ ପାଖରେ ଆଇବ୍ରୋ ଶେପ୍‌ କରାଇ ନେଉଛି। ତାଙ୍କରି ପରାମର୍ଶ ନେଇ ଯାହା କିଛି ଘରେ କରୁଛି। ଆଉ ଘରେ ବିଭିନ୍ନ ପ୍ରକାରର ଫ୍ରୁଟ ଫେସିଆଲ୍‌ ନିଜେ ନିଜେ କରି ନେଉଛି। ଏହା ସହିତ ପାଖରେ ଥିବା ଫେସ୍‌ ପ୍ୟାକ ଲଗାଇ ଦେଉଛି। ଏବେ ସବୁଦିନ ଅଫିସ୍‌ ଯିବାକୁ ପଡୁଛି ସତ ହେଲେ ମେକ୍‌ଅପ୍‌ ପ୍ରତି ମୁଁ ଏତେ ଚିନ୍ତିତ ନୁହେଁ। କାରଣ କେବଳ ଆଖିକୁ ଛାଡ଼ି ପୂରା ମୁହଁକୁ ଢାଙ୍କି ରଖିବାକୁ ପଡୁଛି। ସେଥିପାଇଁ ସ୍କିନ୍‌ ଭଲ ରହିବା ପାଇଁ ଯାହା ଘରୋଇଭାବେ କରୁଛି।
-ସୁଭଦ୍ରା ଦାସ, ଶିକ୍ଷୟିତ୍ରୀ
ସେଣ୍ଟ ଜାଭିୟର୍ସ ହାଇସ୍କୁଲ, ପୋଲସରା, ଗଞ୍ଜାମ
ମେକ୍‌ଅପ୍‌ ଆବଶ୍ୟକ ନାହିଁ: ଏବେ ତ ମୁଁ ମେକ୍‌ଅପ୍‌ କଥା ପୂରା ଭୁଲିଯାଇଛି କହିଲେ ଚଳେ। ନା ଆଇବ୍ରୋ ଶେପ୍‌ କରୁଛି ନା କେଶ କାଟିବା ଉପରେ ଗୁରୁତ୍ୱ ଦେଉଛି। ଏପ୍ରିଲ ମାସରୁ ଆଜିଯାଏ ମୁଁ ଥରେ ହେଲେ ପାର୍ଲର ଯାଇନି କି କୌଣସି ମେକ୍‌ଅପ୍‌ ନେଉନି। ଖାଲି ଯାହା ଘରେ ସଫାସୁତୁରା ଉପରେ ଗୁରୁତ୍ୱ ଦେଉଛି। ସବୁଦିନ ଷ୍ଟିମ୍‌ ନେଉଛି ଆଉ କ୍ରିମ୍‌, ମଶ୍ଚରାଇଜର ଲଗାଉଛି। ଅନ୍ୟ କିଛି ନ କରି ବାହାରକୁ ବାହାରିଲେ କେଶ ସହିତ ପୂରା ମୁହଁକୁ କଭର କରି ବାହାରୁଛି। ତେଣୁ ମେକ୍‌ଅପ୍‌ର ଆବଶ୍ୟକ ପଡୁନି।
-ନିର୍ମଳା ମହାନ୍ତି, ପ୍ରଧାନ ଶିକ୍ଷୟିତ୍ରୀ
ପଣ୍ଡୁ ଜୁନିଅର ବେସିକ୍‌ ସ୍କୁଲ, ରାମ୍ପୋ,
ମାର୍କୋଣା, ବାଲେଶ୍ୱର
ନିଜେ ନେଉଛି ମେକ୍‌ଅପ୍‌: ପାର୍ଲରକୁ ଏବେ ଆଉ ଯାଉନି, କିନ୍ତୁ ଯାହା ମେକ୍‌ଅପ୍‌ ନେବା କଥା ସବୁ ଘରେ ନିଜେ ନେଉଛି। ଏମିତିକି ମୁଁ ନିଜେ ବି ମୋର ଆଇବ୍ରୋ ଶେପ୍‌ କରିଦେଉଛି। ଫେସିଆଲ୍‌ ଆଉ କ୍ଲିନଅପ୍‌ ତ ବେଶ୍‌ ସହଜରେ ଘରେ କରୁଛି। ସବୁ ପ୍ରକାରର ଫେସିଆଲ କିଟ୍‌ ଆଉ ସ୍କ୍ରବ ମୋ ପାଖରେ ଅଛି। ତେଣୁ ପାର୍ଲର ନ ଗଲେ ବି ମୋର କିଛି ଅସୁବିଧା ହେଉନି। ଏବେ ତ କୌଣସି ପାର୍ଟିକୁ ଯିବାକୁ ପଡୁନି। ତେଣୁ ହେଭି ମେକ୍‌ଅପ୍‌ ଦରକାର ହୋଇନି। ସେମିତି ଦରକାର ହେଲେ ମୁଁ ଜଣେ ବ୍ୟୁଟିସିଆନ୍‌କୁ ଘରକୁ ଫୋନ୍‌ କରି ଡକାଇ ଦେବି। କିନ୍ତୁ ଆଗ କରୋନା ପାଇଁ ଏବେ ଯେଉଁ ପରିସ୍ଥିତି ସୃଷ୍ଟି ହୋଇଛି ତାହା ଦୂର ହୋଇଯାଉ। ତା’ପରେ ମେକ୍‌ଅପ୍‌ କଥା ଭାବିବି।
-ଚିନ୍ମୟୀ ସାହୁ, ଅଧ୍ୟାପିକା, ଝାରପଡ଼ା, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ରୋଗପ୍ରତିରୋଧକ ଶକ୍ତି

ବିଶ୍ୱର ବିଭିନ୍ନ ଦେଶ ସମୂହ ସହ ତାଳ ଦେଇ ଆଧୁନିକ ଚିକିତ୍ସା ବିଜ୍ଞାନ ପଦ୍ଧତିକୁ ଗ୍ରହଣ କରିଥିଲେ ସୁଦ୍ଧା ହଜାର ହଜାର ବର୍ଷ ପୂର୍ବରୁ ଆମ...

ହେଙ୍ଗୁରେ ରହିଛି ଏସବୁ ଉପକାରୀ ଗୁଣ

ଏକ ରିପୋର୍ଟରୁ ପ୍ରକାଶ, ଭାରତରେ ପ୍ରତି ୫ ଜଣରେ ଜଣେ ରକ୍ତଚାପର ଶିକାର ହୋଇଥାନ୍ତି। ରକ୍ତଚାପ ବଢ଼ିଲେ ଅନ୍ୟ ରୋଗ ଆଶଙ୍କା ମଧ୍ୟ ବଢ଼ିଯାଇଥାଏ। ତେଣୁ...

ଜାଣନ୍ତି ଅନ୍ୟ ବାସନ ଅପେକ୍ଷା ମାଟିପାତ୍ରରେ ଖାଇଲେ ମିଳିଥାଏ ଏସବୁ ଲାଭ

ଆଲୁମିନିୟମ, ଷ୍ଟିଲ୍‌ ବାସନରେ ରାନ୍ଧିବା ସମୟରେ ଖାଦ୍ୟ ଅନେକ ଥର ଜଳି ଯାଇଥାଏ। ଅବଶ୍ୟ ହଜମ ହେବା ସହଜ କିନ୍ତୁ ସ୍ବାଦ ଏବଂ ପୁଷ୍ଟିକର ଶୂନ୍ୟ...

ଏସବୁ ପ୍ରତି ଧ୍ୟାନ ଦେଲେ ଘରେ ବଢ଼ିବ ଧନ

ବାସ୍ତୁଶାସ୍ତ୍ରୀଙ୍କ ଅନୁଯାୟୀ, ଘରେ ରଖାଯାଇଥିବା ସମସ୍ତ ଜିନିଷ ବ୍ୟକ୍ତିଙ୍କ ଜୀବନ ଉପରେ ପ୍ରଭାବ ପକାଇଥାଏ। ଯଦି ବାସ୍ତୁ ଅନୁଯାୟୀ ଘରେ ଥିବା ଜିନିଷଗୁଡ଼ିକ ସନ୍ତୁଳିତ ହୁଏ,...

ଏହି ତାରିଖରେ ଜନ୍ମ ହୋଇଥିଲେ, ହୁଅନ୍ତୁ ସାବଧାନ…

ଯେକୌଣସି ବ୍ୟକ୍ତିଙ୍କ ଜୀବନରେ ବିବାହ ପାଇଁ ବୃହସ୍ପତି ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ବୃହସ୍ପତି ବିନା କୌଣସି ଝିଅ ବିବାହ କରିପାରିବେ ନାହିଁ। ସେହିଭଳି ବୃହସ୍ପତି ବିନା କୌଣସି...

ମନକୁ ଖୁସି ରଖିବା ପାଇଁ ପ୍ରତିଦିନ ଏଥିରୁ ଗୋଟିଏ…

ପ୍ରତିଦିନ ଲାଲ୍‌ ଲଙ୍କା ଖାଇଲେ ଶରୀରର ଅନେକ ଉପକାର ହୋଇଥାଏ। ଏଥିରେ କ୍ୟାପ୍ସେସିନ୍‌ ନାମକ ରାସାୟନିକ ପଦାର୍ଥ ରହିଥାଏ। ଏହା ସ୍ନାୟୁତନ୍ତ୍ରକୁ ସୁରକ୍ଷିତ ରଖିଥାଏ। ଏହା...

ଟ୍ରେଣ୍ଡି ଓ୍ବିଣ୍ଟର ଫ୍ୟାଶନ

ଶୀତଦିନେ କେଉଁଭଳି ନିଜକୁ ସଜାଇଲେ ଶୀତରୁ ରକ୍ଷା  ପାଇବା ସହ ଷ୍ଟାଇଲିଶ୍‌ ଲାଗିବେ, ସେ ନେଇ ଅନେକଙ୍କର ଚିନ୍ତା ବଢିଯାଇଥାଏ। ହେଲେ ଏବେ ତ ମାର୍କେଟ୍‌କୁ...

ଘରୋଇ ସ୍କ୍ରବ୍‌

ତ୍ୱଚାକୁ ବ୍ରଣ କିମ୍ବା ଅନ୍ୟାନ୍ୟ ସମସ୍ୟାଠୁ ଦୂରେଇ ରଖିବା ଲାଗି ମଝିରେ ମଝିରେ ଏକ୍ସଫୋଲିଏଟ୍‌ କରିବା ଦରକାର; ଯାହା କି ତ୍ୱଚାକୁ ଧୂଳି, ପ୍ରଦୂଷଣରୁ ରକ୍ଷା...

Advertisement
Archives

Model This Week