Posted inରାଜ୍ୟ

ଘର ଭିତରେ ଅସ୍ତ୍ରାଗାର ଦେଖାଇଲେ ଡି’ ବ୍ରଦର୍ସ

କଟକ ଅଫିସ, ୨୬।୧୨: ଗ୍ୟାଙ୍ଗଷ୍ଟର ଡି’ ବ୍ରଦର୍ସ ସୁଶାନ୍ତ ଓ ସୁଶୀଲ ଧଳସାମନ୍ତଙ୍କୁ କମିଶନରେଟ୍‌ ପୋଲିସ ଗୁରୁବାରଠାରୁ ୩ ଦିନିଆ ରିମାଣ୍ଡରେ ଆଣିଛି। ଜେଲ ମଧ୍ୟରେ ରହି ଡି’ ବ୍ରଦର୍ସ କିପରି ଅପରାଧ ସାମ୍ରାଜ୍ୟ ଚଳାଉଥିଲେ ତାହା ଜାଣିବାକୁ ପୋଲିସ ଜୋର୍‌ଦାର ଉଦ୍ୟମ ଚଳାଇଛି। ବିଶେଷକରି ଜେଲରୁ କିପରି, କାହା ମାଧ୍ୟମରେ ବନ୍ଧୁକ କାରବାର କରୁଥିଲେ ସେନେଇ ଦୁଇ ଭାଇଙ୍କୁ ସ୍ବତନ୍ତ୍ର ଟିମ୍‌ ଜେରା କରିଛି। ଜଣେ ଅତିରିକ୍ତ ଡିସିପିଙ୍କ ସମେତ ଏସିପି ଓ ଆଇଆଇସିଙ୍କୁ ନେଇ ଗଠିତ ସ୍ବତନ୍ତ୍ର ଟିମ୍‌ ଶୁକ୍ରବାର ସେମାନଙ୍କୁ ନେଇ ସିଡିଏ ସେକ୍ଟର-୬ସ୍ଥିତ ତାଙ୍କ ବାସଭବନରେ ଛାନଭିନ୍‌ କରିଥିଲା। ଡି’ ବ୍ରଦର୍ସ ଘରେ ଭିତରେ କରିଥିବା ଅସ୍ତ୍ରାଗାର ଦେଖାଇଥିଲେ। ଏହାପରେ ବାସଭବନର ଏକାଧିକ ସିକ୍ରେଟ ଚାମ୍ବରରୁ ପୋଲିସ ଟିମ୍‌ ୩ ମାଉଜର, ୫ ମାଗାଜିନ୍‌, ୧୪୦ରୁ ଊର୍ଦ୍ଧ୍ୱ ଗୁଳି ଓ ନଗଦ ଲକ୍ଷାଧିକ ଟଙ୍କା ଜବତ କରିଛି। ଏଥିସହ ସ୍ବତନ୍ତ୍ର ଟିମ୍‌ ଉକ୍ତ ଘରେ ସର୍ଚ୍ଚ ଅପରେଶନ ଜାରି ରଖିଥିବାବେଳେ ଶନିବାର ମଧ୍ୟ ଏହି ସର୍ଚ୍ଚ ଅପରେଶନ ଜାରି ରହିବ। ଡି’ ବ୍ରଦର୍ସଙ୍କ କଳା ସାମ୍ରାଜ୍ୟ ସହ ବହୁ ଅପରାଧୀଙ୍କ ସମ୍ପୃକ୍ତି ରହିଥିବା ପୋଲିସ ଜାଣିବାକୁ ପାଇଛି। ଶୀଘ୍ର ସେମାନଙ୍କୁ ଗିରଫ କରାଯିବ ବୋଲି ଡିସିପି ପ୍ରତୀକ ସିଂ ସୂଚନା ଦେଇଛନ୍ତି।
ଦୁଇଭାଇଙ୍କୁ ପୃଥକ ଭାବେ ନିଆଯାଇଥିଲା। ପ୍ରଥମେ ବଡ଼ଭାଇ ସୁଶାନ୍ତଙ୍କୁୁ ମାଲଗୋଦାମ ଥାନାରେ ପଚରାଉଚରା କରାଯାଇଥିଲା। ଏହାପରେ ସିଡିଏସ୍ଥିତ ବାସଭବନକୁ ନିଆଯାଇ ପ୍ରାୟ ୪ଘଣ୍ଟା ଧରି ପଚରାଉଚରା କରାଯାଇଥିଲା। ବନ୍ଧୁକ ଓ ଅସ୍ତ୍ରଶସ୍ତ୍ର କେଉଁଠାରେ ଲୁଚାଇ ରଖାଯାଇଛି ସେନେଇ ଖୋଳତାଡ଼ କରିଥିଲା ପୋଲିସ। ହେଲେ ସେ ପୋଲିସକୁ କୌଣସି ସୂଚନା ଦେଇ ନ ଥିଲେ। ପରେ ଦିନ ପ୍ରାୟ ୩ଟାରେ ସାନଭାଇ ସୁଶୀଲକୁ ଆଣି ପୁଲିସ ଘର ଭିତରେ ଖୋଜାଖୋଜି କରିଥିଲା। ବିଳାସପୂର୍ଣ୍ଣ ବାସଭବନର ଅନେକ କାନ୍ଥକୁ ମଧ୍ୟ ଖୋଳି ଦିଆଯାଇଥିଲା। ପରେ ସିକ୍ରେଟ ଚାମ୍ବରରୁ ବନ୍ଧୁକ ଓ ଟଙ୍କା ମିଳିଥିଲା।
ଗତ ୧୦ ତାରିଖରେ ଡି’ ବ୍ରଦର୍ସଙ୍କ ଘରୁ ୧୬ ମାଉଜର ଓ ୧୦୯୫ ଗୁଳି ସମେତ ଲକ୍ଷେରୁ ଊର୍ଦ୍ଧ୍ୱ ଟଙ୍କା ଜବତ କରାଯାଇଥିଲା। ଏସବୁ ଡି’ ବ୍ରଦର୍ସଙ୍କ ସିଡିଏସ୍ଥିତ ଉକ୍ତ ବାସଭବନର ଇଣ୍ଟେରିୟର ଡିଜାଇନ୍‌ ଭିତରେ ଥିବା ସିକ୍ରେଟ ଚାମ୍ବରରେ ଲୁଚାଇ ରଖାଯାଇଥିଲା। ବିହାର ମୁଙ୍ଗେରରୁ ଏହି ଚୋରା ମାଉଜର ଓ ଗୁଳି ଅଣାଯାଇ ବିକ୍ରି କରାଯାଉଥିଲା। ବର୍ତ୍ତମାନ ସୁଶାନ୍ତ ବଲାଙ୍ଗୀର ଜେଲରେ ଥିବାବେଳେ ସୁଶୀଲ ଝାରପଡ଼ା ଜେଲରେ ରହି ଚୋରା ବନ୍ଧୁକ କାରବାର ସହ ଅପରାଧ ମଧ୍ୟ ଘଟାଉଥିଲେ। ସହଯୋଗୀ ପ୍ରକାଶ ବେହେରାଙ୍କୁ ଚୌଦ୍ୱାର ଥାନା ପୋଲିସ ଦ୍ୱାରା ଗିରଫ କରିବା ସହ ତାଙ୍କଠାରୁ ବନ୍ଧୁକ ଓ ଗୁଳି ଜବତ କରିଥିଲା। ତାଙ୍କ ବୟାନ ଆଧାରରେ ଚୋରା ବନ୍ଧୁକ ଯୋଗାଉଥିବା ସରୋଜ ସେଠୀଙ୍କୁ ଗିରଫ କରାଯାଇଥିଲା। ପଚରାଉଚରାବେଳେ ଜେଲରେ ରହି ଡି’ ବ୍ରଦର୍ସଙ୍କ ବନ୍ଧୁକ କାରବାର ଓ ଆପରାଧିକ ସାମ୍ରାଜ୍ୟ ସମ୍ପର୍କରେ ସୂଚନା ମିଳିବା ପରେ ସେବେଠୁ ଚଢ଼ାଉ ଜାରି ରହିଛି। ଇତିମଧ୍ୟରେ ପୋଲିସ ୧୨ଜଣଙ୍କୁ ଗିରଫ କରିଛି। ଡି’ ବ୍ରଦର୍ସଙ୍କ ନିର୍ଦ୍ଦେଶରେ ଗୋଟିଏ ମାଉଜରକୁ ୪୦ରୁ ୫୦ ହଜାର ଟଙ୍କାରେ ବିକ୍ରି କରାଯାଉଥିବାବେଳେ ପ୍ରତି ଗୁଳିକୁ ୩ଶହରୁ ସାଢେ ୩ ଶହ ଟଙ୍କାରେ ବିକ୍ରି କରାଯାଉଥିଲା ବୋଲି ଡିସିପି ସିଂ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ରାଜ୍ୟସ୍ତରୀୟ ଲୋକ ମହୋତ୍ସବ ପ୍ରସ୍ତୁତି ବୈଠକ:‘ଅବହେଳାର ଶିକାର କଳାକାର’

ଅନୁଗୋଳ ଅଫିସ, ୨୦।୮ ରାଜ୍ୟସ୍ତରୀୟ ଲୋକ ମହୋତ୍ସବ ପାଇଁ ଅନୁଗୋଳ ଜିଲାର ବିଭିନ୍ନ ବ୍ଲକର କଳାକାରମାନଙ୍କ ଉପସ୍ଥିତିରେ ସୋମବାର କଣିହାଁ ବ୍ଲକ ଟାକୁଆ ଗ୍ରାମସ୍ଥିତ ଶିବ...

ମୁଖ୍ୟମନ୍ତ୍ରୀଙ୍କ ପରାମର୍ଶ,ଏହି ସମୟରେ ବୟସ୍କଙ୍କ ଯତ୍ନ ନିଅନ୍ତୁ : ବାଗ୍‌ଚୀ

ଭୁବନେଶ୍ୱର,୧୯।୩(ବ୍ୟୁରୋ): କରୋନା ସଚେତନତା ନେଇ ପରାମର୍ଶ ଦେବାକୁ ଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ବତନ୍ତ୍ର ବାର୍ତ୍ତା ଦେଇଛନ୍ତି। ଗୁରୁବାର ଗୀତଗୋବିନ୍ଦ ସଦନରେ ଆୟୋଜିତ ଖବରଦାତା ସମ୍ମିଳନୀରେ...

ଲାଞ୍ଚ ପାଇଁ ମୂଲଚାଲ, ଭିଡିଓ ଭାଇରାଲ

ବାରିପଦା ଅଫିସ,୨୨ା୭: ମୟୂରଭଞ୍ଜ ଜିଲା ବଡ଼ସାହି ତହସିଲରେ କାର୍ଯ୍ୟରତ ଜଣେ କର୍ମଚାରୀ ବାଲିଖାଦାନ ସବ୍‌ ଲିଜଧାରୀଙ୍କଠାରୁ ଲକ୍ଷଲକ୍ଷ ଟଙ୍କା ଲାଞ୍ଚ ନେବା ଓ ପରେ ଅଧିକ...

ରାୟଗଡାରେ ଡବଲ ମର୍ଡର

ରାୟଗଡା ଅଫିସ, ୧୫।୬- ରାୟଗଡା ଜିଲା ଶେଷଖାଲ ଥାନା ଅନ୍ତର୍ଗତ ବଡକସାପାଡୁ ଗ୍ରାମରେ ସୋମବାର ଡବଲ ମର୍ଡର ହୋଇଛି। ଗୁଣିଗାରେଡିକୁ ସନ୍ଦେହ କରି ଏପରି ହତ୍ୟାକାଣ୍ଡ...

ପ୍ରଚାରରେ ପୂରା ଦମ୍‌ ଲଗାଇଛନ୍ତି ଦଳ

ଯାଜପୁର ଅଫିସ,୨୧ା୩: ଯାଜପୁର ଜିଲାର ୨ ପୌର ପରିଷଦର ୪୪ଟି ୱାର୍ଡ ପାଇଁ ଭୋଟକୁ ଆଉ ମାତ୍ର ୩ ଦିନ ବାକି। ସେଥିପାଇଁ ତିନି ମୁଖ୍ୟ...

୩୧ ଯାଏ ୪ ଜିଲା, ରାଉରକେଲାରେ କୋର୍ଟ ବନ୍ଦ

କଟକ ଅଫିସ,୧୮ା୭-ରାଜ୍ୟର ଖୋର୍ଦ୍ଧା, ଗଞ୍ଜାମ, କଟକ, ଯାଜପୁର ପରି ୪ଟି ଜିଲା ଓ ରାଉରକେଲା ପୌରାଞ୍ଚଳକୁ ସରକାର ହଟ୍‌ସ୍ପଟ୍‌ ଭାବେ ଘୋଷଣା କରିଛନ୍ତି। ଏଠାରେ ଜୁଲାଇ...

ବିଦ୍ୟୁତ୍‌ ଆଘାତରେ ଠିକା ଶ୍ରମିକଙ୍କ ମୃତ୍ୟୁ ଘଟଣା:ଠିକାଦାରଙ୍କ ଘର ସମ୍ମୁଖରେ ଧାରଣା, କ୍ଷତିପୂରଣ ଦାବି

କୋରେଇ,୧୨ା୬(ସ୍ବ.ପ୍ର.) – କୋରେଇ ଥାନା ଅନ୍ତର୍ଗତ ରଣପୁର ପଞ୍ଚାୟତ କଣ୍ଟାବଣିଆ ଗ୍ରାମରେ ଖୁଣ୍ଟରେ ଚଢି କାମ କରୁଥିବାବେଳେ ସୋମବାର ଜଣେ ଠିକା ଶ୍ରମିକଙ୍କ ମୃତ୍ୟୁ ହୋଇଥିଲା।...

ରାଜ୍ୟରୁ ପୁଣି ୭ ମୁଣ୍ଡ ନେଲା କରୋନା

ଭୁବନେଶ୍ୱର,୨୮।୯(ବ୍ୟୁରୋ): ରାଜ୍ୟରେ ମଙ୍ଗଳବାର କରୋନା ଆଉ ୭ ଜଣଙ୍କ ଜୀବନ ନେଇଛି। ଏଥିସହ ରାଜ୍ୟରେ ମୋଟ ମୃତ୍ୟୁ ସଂଖ୍ୟା ୮,୧୮୭କୁ ବୃଦ୍ଧି ପାଇଛି। ୭ ମୃତକଙ୍କ...

Advertisement
Archives

Model This Week