କପିଳ ଦେବଙ୍କ ପରେ ଭାରତୀୟ ଦଳର ସର୍ବଶ୍ରେଷ୍ଠ ଅଲରାଉଣ୍ଡର ଥିଲେ ଇରଫାନ ପଠାନ। ଟି -୨୦ ବିଶ୍ୱକପର ଫାଇନାଲରେ ମ୍ୟାନ୍ ଅଫ ଦି ମ୍ୟାଚ ପୁରସ୍କାର ଜିତିବା ହେଉ କିମ୍ବା ଟେଷ୍ଟ ମ୍ୟାଚର ପ୍ରଥମ ଓଭରରେ ହ୍ୟାଟ୍ରିକ ନେଇଥିଲେ ସେ। ଭାରତୀୟ କ୍ରିକେଟରେ ଏପରି ଅନେକ ରେକର୍ଡ ଅଛି, ଯାହା କେବଳ ଅଳ୍ପ କିଛି ଖେଳାଳି ହାସଲ କରିବାରେ ସେ ସକ୍ଷମ ହୋଇଥିଲେ। ବରୋଦାରେ ଜନ୍ମଗ୍ରହଣ କରିଥିବା ଇରଫାନ ଆଜି ତାଙ୍କର ୩୮ ତମ ଜନ୍ମଦିନ ପାଳନ କରୁଛନ୍ତି ।
ଇରଫାନ ପଠାନ ଅଣ୍ଡର -୧୯ କ୍ରିକେଟ ଖେଳୁଥିବାବେଳେ ତାଙ୍କ ଖେଳ ଉପରେ ସୌରଭ ଗାଙ୍ଗୁଲିଙ୍କ ଆଖି ପଡିଯାଇଥିଲା। ସେହି ସମୟରେ ଗାଙ୍ଗୁଲି ଟିମ ଇଣ୍ଡିଆର ଅଧିନାୟକ ଥିଲେ। ସେ ଦଳର ଚୟନକର୍ତ୍ତାଙ୍କ ସହ କଥା ହୋଇଥିଲେ ଏବଂ କିଛି ଦିନ ମଧ୍ୟରେ ଇରଫାନ ଅଣ୍ଡର -୧୯ ଦଳରୁ ଟିମ ଇଣ୍ଡିଆର ସଦସ୍ୟ ହୋଇଥିଲେ। ଭାରତୀୟ ଦଳରେ ଇରଫାନ ପଠାନଙ୍କ ପ୍ରବେଶ ପରେ କପିଲ ଦେବଙ୍କ ଅଭାବ ପୂରଣ ହୋଇଥିଲା। ସେ କେବଳ ଜଣେ ସ୍ବିଙ୍ଗ୍ ବୋଲର୍ ନ ଥିଲେ ଜଣେ ଭଲ ବ୍ୟାଟ୍ସମ୍ୟାନ୍ ମଧ୍ୟ ଥିଲେ।
୨୦୦୫ ରେ ପାକିସ୍ତାନ ବିପକ୍ଷ ଟେଷ୍ଟ ମ୍ୟାଚରେ ସେ ନିଜ ମାଟିରେ ପ୍ରଥମ ଓଭରରେ ହ୍ୟାଟ୍ରିକ ନେଇଥିଲେ। ଦୁଇ ବର୍ଷ ପରେ, ଟି -୨୦ ମ୍ୟାଚରେ ସେ ନିଜର ଶ୍ରେଷ୍ଠ ପ୍ରଦର୍ଶନ ଦେଇଥିଲେ। ଦକ୍ଷିଣ ଆଫ୍ରିକାରେ ଖେଳାଯାଇଥିବା ପ୍ରଥମ ଟି -୨୦ ବିଶ୍ୱକପର ଫାଇନାଲ ଥିଲା। ଏହି ମ୍ୟାଚରେ ମାତ୍ର ୧୬ ରନ ଦେଇ ଇରଫାନ ୩ ଉଇକେଟ ନେଇଥିଲେ ଏବଂ ତାଙ୍କୁ ମ୍ୟାନ୍ ଅଫ୍ ଦ ମ୍ୟାଚ ହୋଇଥିଲେ।
