ମୁମ୍ବାଇ,୫।୧୨: ନ୍ୟୁଜିଲାଣ୍ଡର ସ୍ପିନର ଏଜାଜ ପଟେଲ ଭାରତ ବିପକ୍ଷ ସିରିଜର ଦ୍ୱିତୀୟ ଟେଷ୍ଟ ମ୍ୟାଚରେ ଇତିହାସ ସୃଷ୍ଟି କରିଛନ୍ତି। ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଏହି ଟେଷ୍ଟ ମ୍ୟାଚରେ ସେ ଚମତ୍କାର ବୋଲିଂ କରିଥିଲେ। ପ୍ରଥମ ଇନିଂସରେ ଏଜାଜ ସମସ୍ତ ୧୦ ଉଇକେଟ ନେଇଥିଲେ। ଏହା ପରେ ସେ ଦ୍ୱିତୀୟ ଇନିଂସରେ ୪ଟି ଉଇକେଟ ନେଇଥିଲେ। ଏହିପରି ଭାବରେ ସେ ମ୍ୟାଚରେ ତାଙ୍କ ନାମରେ ୧୪ଟି ଉଇକେଟ ନେଇଥିଲେ।
ମୁମ୍ବାଇର ଓ୍ବାଙ୍ଖେଡେ ଷ୍ଟାଡିୟମରେ ଶ୍ରେଷ୍ଠ ବୋଲିଂ ଫିଗର ପାଇଁ ଏଜାଜ ପଟେଲ ରେକର୍ଡ କରିଛନ୍ତି। ସେ ମୁମ୍ବାଇରେ ଏହି ମ୍ୟାଚରେ ୨୨୫ ରନ ଦେଇ ୧୪ ଉଇକେଟ ନେଇଥିଲେ। ଏହାପୂର୍ବରୁ ଏହି ରେକର୍ଡ ଇଂଲଣ୍ଡର ଇଆନ ବୋଥାମଙ୍କ ନାମରେ ରେକର୍ଡ କରାଯାଇଥିଲା। ୧୯୮୦ ମସିହାରେ ଭାରତ ବିପକ୍ଷରେ ୧୦୬ ରନ ଦେଇ ବୋଥମ ୧୩ଟି ଉଇକେଟ ନେଇଥିବାବେଳେ ୨୦୧୬ ମସିହାରେ ଇଂଲଣ୍ଡ ବିପକ୍ଷ ଟେଷ୍ଟ ମ୍ୟାଚରେ ରବିଚନ୍ଦ୍ରନ ଅଶ୍ୱିନ ୧୨ଟି ଉଇକେଟ ନେଇଥିଲେ।
ଭାରତ ବିପକ୍ଷ ଟେଷ୍ଟରେ ଶ୍ରେଷ୍ଠ ବୋଲିଂ ପ୍ରଦର୍ଶନ ରେକର୍ଡ ବର୍ତ୍ତମାନ ଏଜାଜଙ୍କ ନିକଟକୁ ଯାଇଛି। ୧୯୮୦ ମସିହାରେ ମୁମ୍ବାଇରେ ଖେଳାଯାଇଥିବା ଟେଷ୍ଟ ମ୍ୟାଚରେ ୧୩ଟି ଉଇକେଟ ନେଇଥିବା ବୋମାମଙ୍କ ରେକର୍ଡ ଭାଙ୍ଗିଛନ୍ତି। କେବଳ ଏତିକି ନୁହେଁ, ଟେଷ୍ଟ ମ୍ୟାଚରେ ଚମତ୍କାର ପ୍ରଦର୍ଶନ କରିଥିବା ନ୍ୟୁଜିଲାଣ୍ଡର ଦ୍ୱିତୀୟ ସଫଳ ବୋଲର ଏଜାଜ ପଟେଲ ହୋଇଛନ୍ତି। ତାଙ୍କ ଉପରେ ରିଚାର୍ଡ ହାର୍ଡଲିଙ୍କ ନାମ ଅଛି, ଯିଏ ୧୯୮୫ରେ ଅଷ୍ଟ୍ରେଲିଆ ବିପକ୍ଷରେ ୧୨୩ ରନ ଦେଇ ୧୫ ଉଇକେଟ ନେଇଥିଲେ। ଏଥି ସହିତ ଡାନିଏଲ ଭିଟୋରୀ ଦୁଇଥର ଗୋଟିଏ ମ୍ୟାଚରେ ୧୨-୧୨ ଉଇକେଟ ନେଇଛନ୍ତି।
