କେନ୍ଦୁଝର,୧୦ା୮(ସ୍ବ.ପ୍ର.): ଯୋଡ଼ା ଥାନା ଅନ୍ତର୍ଗତ ଅଂଶେଇକଳା ପଞ୍ଚାୟତର ଜାମକୁଣ୍ଡିଆ ଗ୍ରାମରେ ବିଦ୍ୟୁତ ଆଘାତରେ ଦମ୍ପତିଙ୍କ ମୃତ୍ୟୁ ନେଇ ଉକ୍ତ ଅଞ୍ଚଳରେ ଶୋକର ଛାୟା ଖେଳିଯାଇଛି। ମୃତକ ଦ୍ୱୟଙ୍କ ନାମ ମାନ୍ଦୁରୁ ମୁଣ୍ଡା ଓ ରାଇବଣୀ ମୁଣ୍ଡା। ତାଙ୍କ ପାଞ୍ଚ ବର୍ଷର ଶିଶୁକନ୍ୟା ଆରିନା ନିଶ୍ଚିତ ମୃତ୍ୟୁ ମୁଖରୁ ବର୍ତ୍ତିଯାଇଛନ୍ତି।
ପ୍ରକାଶ ଯେ, ମଙ୍ଗଳବାର ହାଟରୁ ଘରକୁ ଫେରିଥିଲେ ସ୍ତ୍ରୀ-ସ୍ବାମୀ। କବାଟ ଖୋଲିଲା ବେଳେ ବିଦ୍ୟୁତ୍ ଆଘାତରେ ଘଟଣାସ୍ଥଳରେ ଉଭୟଙ୍କର ମୃତ୍ୟୁ ଘଟିଥିଲା। ଖବର ପାଇ ପୋଲିସ ବୁଧବାର ସକାଳେ ପହଞ୍ଚି ସେମାନଙ୍କ ମୃତଦେହ ଉଦ୍ଧାର କରି ତଦନ୍ତ ପରେ ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଇଛି।
ତଦନ୍ତରୁ ଜଣାପଡ଼ିଛି, ସର୍ଭିସ ତାର ଉକ୍ତ କବାଟ ଉପରେ ଘରକୁ ଆସିଥିଲା। ତେବେ କାୈଣସି କାରଣରୁ ଉକ୍ତ ତାର ଉପରେ ଥିବା ପ୍ଲାଷ୍ଟିକ ଘୋରି ହୋଇ ଲୁହା କବାଟରେ ଲାଗିଯାଇଥିଲା। ଯାହାକି ସେମାନେ ଅବଗତ ନ ଥିଲେ। ଏନେଇ ଯୋଡ଼ା ଥାନାଧିକାରୀ ଜୟନାରାୟଣ ଖଣ୍ଡେଇ କହିଛନ୍ତି, ଯେ ବିଦ୍ୟୁତ୍ ଆଘାତରେ ସେମାନଙ୍କ ମୃତ୍ୟୁ ଘଟିଛି। ଅଧିକ ତଦନ୍ତ ଚାଲିଛି।
