କେନ୍ଦ୍ରାପଡ଼ା ଅଫିସ,୨୯।୧- କେନ୍ଦ୍ରାପଡ଼ା ଜିଲା ଜଜ୍କୋର୍ଟକୁ ରାଜ୍ୟ ମୁଖ୍ୟ ବିଚାରପତି ଏସ୍ ମୂରଲୀଧର ଶନିବାର ପରିଦର୍ଶନରେ ଆସିଥିଲେ। ଏହି ଅବସରରେ ମୁଖ୍ୟ ବିଚାରପତି ଏସ୍ ମୂରଲୀଧର ବିଚାର ବ୍ୟବସ୍ଥାରେ ବୈଷୟିକ ଜ୍ଞାନ କୌଶଳର ପ୍ରୟୋଗ ସହିତ ଯୁବ ଆଇନଜୀବୀଙ୍କୁ ପରୀକ୍ଷା ମାଧ୍ୟମରେ ବିଚାରପତି ଭାବେ କାର୍ଯ୍ୟରେ ଯୋଗ ଦେବାକୁ ଆହ୍ବାନ ଦେଇଥିଲେ। ସକାଳେ ମୁଖ୍ୟ ବିଚାରପତି ଜିଲା ଜଜ୍ କୋର୍ଟରେ ପହଞ୍ଚି ଜିଲାର ବିଭିନ୍ନ କୋର୍ଟର କାର୍ଯ୍ୟାବଳୀ ସମୀକ୍ଷା କରିଥିଲେ।
ବିଚାରପତି ଏସ ମୂରଲୀଧର ସାଂପ୍ରତିକ ସମୟରେ ମୋବାଇଲର ବିଭିନ୍ନ ବ୍ୟବହାର ସମ୍ପର୍କରେ ମତ ରଖିବା ସହ ବିଚାର ପ୍ରକ୍ରିୟାରେ ଏହାର ଉପଯୋଗ କରିବାକୁ ତାଲିମ ନେବାକୁ ପରାମର୍ଶ ଦେଇଥିଲେ। ଏଥିସହ ବିଚାର ପ୍ରକ୍ରିୟାରେ ଅଧିକ ମାମଲା ରହୁଥିବାରୁ ଏହାର ସମାଧାନ ପାଇଁ ଯୁବ ଆଇନଜୀବୀ ପରୀକ୍ଷା ମାଧ୍ୟମରେ ବିଚାରପତି ଆସନ ଅଳଙ୍କୃତ କରନ୍ତୁ ବୋଲି ଆହ୍ବାନ ଦେଇଥିଲେ।
