ପ୍ରତାପଗଡ଼,୨୦।୨: ଉତ୍ତରପ୍ରଦେଶର ପ୍ରତାପଗଡ ଜିଲାର ଉଦୟପୁର ଅଞ୍ଚଳର ଏକ ଗ୍ରାମରେ ଆୟୋଜିତ ବିବାହ ଉତ୍ସବରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ବରଣମାଳା ପିନ୍ଧା ସମୟରେ ବିବାହ ସ୍ଥଳକୁ ଜଣେ ଯୁବକ ହଠାତ୍ ପଶି ଆସିଥିଲେ। ଜଣେ ଯୁବକ ବର ଆଗରେ ବ୍ଲେଡ ସାହାଯ୍ୟରେ ତାଙ୍କ ଗଳା କାଟି ରକ୍ତରେ କନ୍ୟାଙ୍କ ମୁଣ୍ଡରେ ସିନ୍ଧୁର ପିନ୍ଧାଇଥିଲେ। କୁହାଯାଉଛି ସମ୍ପୃକ୍ତ ଯୁବକ କନ୍ୟାଙ୍କୁ ପ୍ରେମ କରୁଥିଲେ। ଏହି ଘଟଣା ପରେ ଉପସ୍ଥିତ ଲୋକମାନେ ଯୁବକଙ୍କ ଧରି ପିଟିଥିଲେ। ଆହତ ଯୁବକଙ୍କୁ ମେଡିକାଲରେ ଭର୍ତ୍ତି କରାଯାଇଛି।
ସୂଚନାନୁସାରେ, ଉଦୟପୁର ପୋଲିସ ଷ୍ଟେଶନ ଅଞ୍ଚଳର ଏକ ଗାଁର ଜଣେ ୨୧ ବର୍ଷୀୟା ଯୁବତୀ ଉକ୍ତ ଅଞ୍ଚଳର ଅଜୟ (୨୧)ଙ୍କ ସହ ପ୍ରେମ ସମ୍ପର୍କ ରଖିଥିଲେ। କିଛି ଦିନ ପୂର୍ବରୁ ଝିଅର ପରିବାର ସଦସ୍ୟ ଏହା ବିଷୟରେ ଜାଣିବାକୁ ପାଇଥିଲେ। ଏହା ପରେ ଝିଅର ପରିବାର ସଦସ୍ୟ ଶୀଘ୍ର ଅନ୍ୟତ୍ର ବିବାହ ସ୍ଥିର କରିଥିଲେ। ଘରେ ବିବାହ କାର୍ଯ୍ୟକ୍ରମ ପାଇଁ ପ୍ରସ୍ତୁତି ଆରମ୍ଭ ହୋଇଥିଲା। ତେବେ ହଠାତ୍ ପ୍ରେମିକାଙ୍କ ବାହାଘର ଦେଖି ଅଜୟ ଆଶ୍ଚର୍ଯ୍ୟ ହୋଇଯାଇଥିଲେ।
ପୋଲିସର ସୂଚନାନୁସାରେ, ରାତି ପ୍ରାୟ ୧୨ଟା ବେଳେ ବରଣମାଳା କାର୍ଯ୍ୟକ୍ରମ ଚାଲିଥିଲା। ତା’ପରେ ଅଜୟ ମଞ୍ଚ ଉପରକୁ ଚଢିଗଲେ। ବର ସହିତ ବସିଥିବା ଗର୍ଲଫ୍ରେଣ୍ଡ ପାଖରେ ଠିଆ ହୋଇ ସେ ବ୍ଲେଡ ସହିତ ତାଙ୍କ ଗଳା କାଟିଲେ। ଏହା ପରେ ଗର୍ଲଫ୍ରେଣ୍ଡର ମୁଣ୍ଡରେ ରକ୍ତରେ ସିନ୍ଦୁର ଦେଇଥିଲେ। ସେଠାରେ ଉପସ୍ଥିତ ଲୋକମାନେ ଏହା ଦେଖି ଆଶ୍ଚର୍ଯ୍ୟ ହୋଇଗଲେ। ଏହାପରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ପୋଲିସ ଘଟଣାସ୍ଥଳରେ ପହଞ୍ଚି ଅଜୟଙ୍କୁ ଲୋକଙ୍କ ନିକଟରୁ ଉଦ୍ଧାର କରି ସାଙ୍ଗିପୁର ସିଏଚ୍ଏସ୍କୁ ନେଇଥିଲା। ପୋଲିସର ଉପସ୍ଥିତିରେ ବିବାହ ରୀତିନୀତି ସମ୍ପନ୍ନ ହୋଇଥିଲା।
