ନିରାକାରପୁର,୬ା୧୨(ଡି.ଏନ୍.ଏ.): ଖୋର୍ଦ୍ଧା ଜିଲା ଟାଙ୍ଗୀ ଥାନା ଭୁଷଣ୍ଡପୁର ଫାଣ୍ଡି ଅଧୀନ ଅଭିମାନପୁର ଗ୍ରାମରେ ରବିବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଗୋଟିଏ ଘରର ବାରିପଟରେ ଥିବା ଏକ ଅଖାବସ୍ତାରୁ ଜଣେ ମହିଳା ଓ ତାଙ୍କ ୧୦ମାସର ଝିଅର ମୃତଦେହକୁ ପୋଲିସ ଜବତ କରିଛି। ମୃତା ହେଲେ ସେହି ଗ୍ରାମର ପ୍ରମୋଦ ସ୍ବାଇଁଙ୍କ ସ୍ତ୍ରୀ ଝରଣା ଓ ଝିଅ ମାମା। ତେବେ ଏହି ଘଟଣାରେ ମୃତାଙ୍କ ବାପା ଗୋକୁଳ ପରିଡ଼ା ଝିଅ ଓ ନାତୁଣୀଙ୍କୁ ହତ୍ୟା କରାଯାଇଥିବା ନେଇ ଟାଙ୍ଗୀ ଥାନାରେ ୫ଜଣଙ୍କ ନଁାରେ ଅଭିଯୋଗ କରିଛନ୍ତି। ଅଭିଯୋଗକ୍ରମେ ପୋଲିସ ଏକ ମାମଲା(ନଂ.୨୭୫/୨୦) ରୁଜୁ କରି ଶାଶୁ, ଶ୍ୱଶୁରଙ୍କୁ ଅଟକ ରଖିଥିବାବେଳେ ସ୍ବାମୀ ସମେତ ୩ଜଣ ଫେରାର ହୋଇଯାଇଛନ୍ତି। ଅନ୍ୟପଟେ ପୋଲିସ ମା, ଝିଅଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ଖୋର୍ଦ୍ଧା ମେଡିକାଲ ପଠାଇଥିବାବେଳେ ବ୍ୟବଚ୍ଛେଦ ପରେ ମୃତଦେହକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।
