ବଢୁଛି କଳାହୀରାର କଳାବଜାର

ଯାଜପୁର,୧୫ା୧୦(ହର୍ଷବର୍ଦ୍ଧନ ବେହେରା)ଯାଜପୁର ଜିଲାରେ କଳାହୀରା (କୋଇଲା)ର କଳାବଜାର ବଢ଼ିବାରେ ଲାଗିଛି। କଳିଙ୍ଗନଗର ଶିଳ୍ପାଞ୍ଚଳର ମେସ୍କୋ ରେଲୱେ ସାଇଡିଂରେ କୋଇଲା ଅପମିଶ୍ରଣ ଘଟଣା ପଦାକୁ ଆସିବା ପରେ ଖଣି ବିଭାଗ ପକ୍ଷରୁ କୋଇଲାର ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଛି। ଅନ୍ୟପକ୍ଷେ ହରିଦାସପୁର-ପାରାଦୀପ ରେଳଲାଇନର ବିଭିନ୍ନ ଷ୍ଟେଶନ ନିକଟବର୍ତ୍ତୀ ଅଞ୍ଚଳରୁ ପ୍ରତିଦିନ ରେଳଗାଡ଼ି ଓ ରେଳଧାରଣାରୁ କୋଇଲା ଚୋରି ଏକ ନିୟମିତ ଘଟଣାରେ ପରିଣତ ହୋଇଥିବା ଅଭିଯୋଗ ହୋଇଛି।
ଖୋର୍ଦ୍ଧାରୋଡ୍‌ ରେଳ ଡିଭିଜନ ଅନ୍ତର୍ଗତ ହରିଦାସପୁର-ପାରାଦୀପ ସେକ୍ସନ୍‌ରେ ରେଳଗାଡ଼ି ଚଳାଚଳକୁ ଇତିମଧ୍ୟରେ ୩ ବର୍ଷ ଅତିକ୍ରମ କରିସାରିଛି। କିନ୍ତୁ ବିଭିନ୍ନ ସମୟରେ ସ୍ଥାନୀୟ ଜନସାଧାରଣ, ଲୋକପ୍ରତିନିଧିମାନଙ୍କ ଦାବି ସତ୍ତ୍ୱେ ଯାଜପୁର, କେନ୍ଦ୍ରାପଡ଼ା ଓ ଜଗତ୍‌ସିଂହପୁର ଜିଲା ଦେଇ ନିର୍ମିତ ଏହି ରେଳପଥରେ ଏଯାବତ୍‌ ଯାତ୍ରୀବାହୀ ରେଳଗାଡ଼ି ଚଳାଚଳ କରିପାରିନାହିଁ। ଏହି ରେଳପଥରେ ଯାଜପୁର ଜିଲାର ହରିଦାସପୁର, ଚଣ୍ଡୀଖୋଲ, ଉଦୟଗିରି-ରତ୍ନଗିରି ରୋଡ୍‌ ଓ ଲଳିତଗିରି ରେଳଷ୍ଟେଶନ ରହିଛି। ସେହିପରି କେନ୍ଦ୍ରାପଡ଼ା ଜିଲାର ବାଜିପଡ଼ା, କେନ୍ଦ୍ରାପଡ଼ା, ମାର୍ଶାଘାଇ ରୋଡ୍‌, କଳାଘର, ନୂଆଗାଁ ଏବଂ ଜଗତ୍‌ସିଂହପୁର ଜିଲାର ସିଜୁ ଓ ପାରାଦୀପ ରେଳଷ୍ଟେଶନ ରହିଛି। ଦେଶର ଗୁରୁତ୍ୱପୂର୍ଣ୍ଣ ପାରାଦୀପ ବନ୍ଦର ସହିତ ଯୋଡ଼ି ହୋଇଥିବା ଏହି ରେଳପଥରେ ବିଭିନ୍ନ ପ୍ରକାରର ଖଣିଜ ସମ୍ପଦ ପରିବହନ କରାଯାଉଛି। ମୁଖ୍ୟତଃ କୋଇଲା, ଜିପସମ୍‌, ସିମେଣ୍ଟ, ରାସାୟନିକ ସାର, ଲୁହା ପ୍ଲେଟ, ଷ୍ଟିଲ ପ୍ଲେଟ, ଲୁହାପଥର ଏବଂ ବିଭିନ୍ନ ପେଟ୍ରୋଲିୟମ୍‌ଜାତ ସାମଗ୍ରୀ ଏହି ରେଳପଥରେ ପଠାଯାଉଛି। ଭାରତ ଭିତରୁ ଏବଂ ଭାରତ ବାହାରୁ ମଧ୍ୟ ବିଭିନ୍ନ ସାମଗ୍ରୀର ଆମଦାନି ଓ ରପ୍ତାନି କରାଯାଉଥିବାରୁ ଏହି ରେଳପଥର ଗୁରୁତ୍ୱ ବେଶ୍‌ ବଢ଼ି ଯାଇଛି। ବର୍ତ୍ତମାନ ଏହି ରେଳପଥରେ ଦୈନିକ ୩୪/୩୫ଟି ମାଲବାହୀ ରେଳଗାଡ଼ି ଯିବାଆସିବା କରୁଥିଲେ ହେଁ ହରିଦାସପୁର-ପାରାଦୀପ ରେଳ ସେକ୍ସନ୍‌ର ଅଧିକାଂଶ ଷ୍ଟେଶନ ଏବଂ ସଂଲଗ୍ନ କୋଠାବାଡ଼ିଗୁଡ଼ିକ ଏଯାବତ୍‌ ପୂର୍ଣ୍ଣଭାବେ କାର୍ଯ୍ୟକ୍ଷମ ହୋଇପାରିନାହିଁ। ଏହି ରେଳପଥରେ ପ୍ରତ୍ୟହ ପାରାଦୀପ ବନ୍ଦରରୁ ବିଭିନ୍ନ ଶିଳ୍ପାଞ୍ଚଳକୁ ଯାଉଥିବା କୋକ୍‌-କୋଇଲାଗୁଡ଼ିକୁ ବିଭିନ୍ନ ଷ୍ଟେଶନରେ ସ୍ଥାନୀୟ ଲୋକମାନେ ରେଳଡ଼ବା ଓ ରେଳଧାରଣାରୁ ବିପଜ୍ଜନକ ଭାବେ ସଂଗ୍ରହ କରୁଥିବା ଦେଖିବାକୁ ମିଳୁଛି। ରେଳ ସୁରକ୍ଷାବଳ ପକ୍ଷରୁ ଏ ଦିଗରେ କୌଣସି ପଦକ୍ଷେପ ଗ୍ରହଣ କରାଯାଉ ନାହିଁ ବୋଲି ମତପ୍ରକାଶ ପାଇଛି। ଏହାବାଦ ୩/୪ ବର୍ଷ ତଳୁ ନିର୍ମିତ ରେଳଷ୍ଟେଶନକୁ ସଂଯୋଗ କରୁଥିବା ପକ୍କା ସଡ଼କଗୁଡ଼ିକ ଏବେ ଫାଟି ଆଁ କଲାଣି। ଏହି ସଂଯୋଗୀକରଣ ରାସ୍ତା ପାର୍ଶ୍ୱରେ ଲଗାଯାଇଥିବା ବିଦ୍ୟୁତଖୁଣ୍ଟଗୁଡ଼ିକ ଅଚଳ ହୋଇପଡ଼ିଛି। ଏହାର ସୁଯୋଗରେ କୋଇଲା ଚୋରି ବଢ଼ିବାରେ ଲାଗିଛି।
୪ ବର୍ଷ ହେଲା ମେସ୍କୋ କାରଖାନା ବନ୍ଦ ରହିଛି। ଫଳରେ ଶ୍ରମିକ, କର୍ମଚାରୀମାନଙ୍କୁ ବକେୟା ଅର୍ଥ ମିଳିନି। ଅନ୍ୟପକ୍ଷେ ରେଳସାଇଡିଂ ଚଳାଇ ମାଲିକ ମାଲାମାଲ ହେଉଛନ୍ତି। ଏଥିରେ କେତେଜଣ ପ୍ରଭାବଶାଳୀ ବ୍ୟକ୍ତିଙ୍କ ସହଯୋଗ ରହିଥିବା ଚର୍ଚ୍ଚା ହେଉଛି। ଫଳରେ ରେଳସାଇଡିଂ ଦାୟିତ୍ୱରେ ଥିବା ଅଧିକାରୀମାନେ ଅନାୟାସରେ କୋଇଲା ସହ କଳା ପାଉଁଶ, ଚାରକୋଲ ଆଦି ମିଶାଇ ଅପମିଶ୍ରଣ କରୁଥିବା ଅଭିଯୋଗ ପରେ ଏବେ ତଦନ୍ତ ଚାଲିଛି। ଏହି ଅସାଧୁ କାରବାରରେ ପରିବେଶ ବିଭାଗ, ରେଲଓ୍ବେ, ଖଣି ଓ କାରଖାନାଗୁଡିକର ଅଧିକାରୀ, କର୍ମଚାରୀମାନେ ସମ୍ପୃକ୍ତ ଥିବା କୁହାଯାଉଛି। ତେଣୁ ଏହି ତଦନ୍ତ ପ୍ରକ୍ରିୟାରେ ସ୍ବଚ୍ଛତା ରହିବା ନେଇ ସାଧାରଣରେ ସନ୍ଦେହ ଦେଖାଦେଇଛି। ଅନ୍ୟପକ୍ଷେ ଯାଜପୁର ରୋଡ୍‌ ଡିଡିଏମ ବିଭୂତିଭୂଷଣ ବେହେରା କହିଛନ୍ତି, ଅଭିଯୋଗର ସତ୍ୟାସତ୍ୟ ଜାଣିବାକୁ ଏକ ୬ ଜଣିଆ ଟିମ୍‌ କରାଯାଇ ତଦନ୍ତ ଚାଲିଛି। ତଦନ୍ତ ରିପୋର୍ଟ ମିଳିବା ପରେ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?