ଉଦଳା,୨୭ା୧(ଡି.ଏନ.ଏ.): ମୟୂରଭଞ୍ଜ ଜିଲା ଉଦଳା-ବଡ଼ସାହି ରାସ୍ତାର ଶ୍ମଶାନକାଳୀ ଛକଠାରେ ନିର୍ମାଣାଧିନ ଏକ ପୋଲରୁ ତଳକୁ ବାଇକ୍ ଖସି ୩ ଯୁବକ ଗୁରୁତର ହୋଇଛନ୍ତି। ଚିକିତ୍ସା ନିମନ୍ତେ ସେମାନଙ୍କୁ ଉଦଳା ଡାକ୍ତରଖାନାରେ ଭର୍ତ୍ତି କରାଯାଇଛି। ଆହତମାନେ ହେଲେ ବେତନଟୀ ଥାନା ପାଇକପଡ଼ା ଅଞ୍ଚଳର ପ୍ରଶାନ୍ତ ବିଶ୍ୱାଳ, ରଞ୍ଜିତ ପାତ୍ର ଏବଂ ବାଦଲ ନାଏକ।
ସୂଚନା ଅନୁଯାୟୀ, ଶୁକ୍ରବାର ସନ୍ଧ୍ୟାରେ ଡାଇଭର୍ଶନ ଜାଣି ନ ପାରି ନିର୍ମାଣାଧିନ ପୋଲ ଉପରକୁ ବାଇକ୍ ସହିତ ଚଢ଼ି ଯାଇଥିଲେ ୩ ଯୁବକ। ଫଳରେ ୧୦ଫୁଟ ପୋଲ ତଳକୁ ଖସି ପଡ଼ିଥିଲେ। ଦୁର୍ଘଟଣାରେ ବାଇକ୍ ଭାଙ୍ଗିରୁଜି ଯାଇଥିବା ବେଳେ ଯୁବକ ୩ଜଣ ଗୁରୁତର ଅବସ୍ଥାରେ ପଡ଼ିରହିଥିଲେ। ସ୍ଥାନୀୟ ଲୋକେ ପହଞ୍ଚତ୍ ସେମାନଙ୍କୁ ଉଦ୍ଧାର କରି ଡାକ୍ତରଖାନା ପଠାଇଥିଲେ। ଉଦଳା ପୋଲିସ ତଦନ୍ତ ଜାରି ରଖିଛି।
