ସେଣ୍ଟପିଟର୍ସବର୍ଗ,୨।୫: ରୁଷିଆର ଏକ ବହୁତଳ ପ୍ରାସାଦର ବାଲକୋନି ଖସିପଡ଼ିଛି। ଠିକ୍ ଏହି ସମୟରେ ତଳେ ଠିଆ ହୋଇଥିବା ଦୁଇ ମହିଳା ପ୍ରାଣ ବିକଳରେ ଦୌଡ଼ିଥିଲେ। ସିସିଟିଭିରେ କଏଦର ହୋଇଥିବା ଏହାର ଏକ ଭିଡିଓ ସୋସିଆଲ ମିଡିଆରେ ଏବେ ଭାଇରାଲ ହେଉଛି।
ଭିଡଓରେ ଦେଖିବାକୁ ମିଳିଛ, ଦୁଇ ମହିଳା କୋଠା ସାମ୍ନାରେ ଥିବା ଶିଡ଼ି ଚଢୁଛନ୍ତି। ଯେମିତି ଘରର ଦ୍ୱାରମୁହଁରେ ପହଞ୍ଚିଛନ୍ତି, ଠିକ୍ ସେହି ସମୟରେ ଉପରୁ ବାଲ୍କୋନି ସ୍ଲାବ୍ ଖସିଲା। ଦୁଇ ମହିଳା ଏହା ଜାଣିପାରି ତୁରନ୍ତ ଦୌଡ଼ି ପଳାଇଥିଲେ। ଜଣେ ମହିଳାଙ୍କ ଗୋଡ଼ରେ ଏହି ସ୍ଲାବ୍ ପଡ଼ିଥିଲା। ମାତ୍ର ସେ ଏହାକୁ ପାଦରେ ଠେଲି ଦେଇ ଦୌଡ଼ି ପଳାଇଥିଲେ। ସୌଭାଗ୍ୟ ବଶତଃ ଉଭୟ ମହିଳା ବଞ୍ଚି ଯାଇଛନ୍ତି। ୧୦୦ ଫୁଟ ଉପରୁ ଏହି ସ୍ଲାବ୍ ପଡ଼ିଥିଲା ବୋଲି ପ୍ରତ୍ୟକ୍ଷଦର୍ଶୀମାନେ କହିଛନ୍ତି।
