ବମ୍ବେ: ଅଭିନେତା ହିମାଂଶୁ ସୋନୀଙ୍କ ସ୍ତ୍ରୀ ଶୀତଲ ସିଂ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଏବେ ସେ ସୁସ୍ଥ ଥିବା ଜଣାପଡ଼ିଛି। ହେଲେ ସଂକ୍ରମିତ ହେବା ମଧ୍ୟରେ ଏଭଳି ଏକ ସମୟ ଆସିଥିଲା ଯେଉଁ ସମୟରେ ହିମାଂଶୁ ଶୀତଲଙ୍କୁ ହରାଇ ଦେବା ଭଳି ମନେ କରିଥିଲେ। ଡାକ୍ତରମାନେ ଶୀତଲ ଗୁରୁତର ଥିବା ନେଇ ହିମାଂଶୁଙ୍କୁ କହିଥିଲେ। ଏହା ଶୁଣିବା ପରେ ସେ ସାରା ରାତି କାନ୍ଦି ଥିଲେ। ଚିନ୍ତାରେ ମୁଣ୍ଡ ଫାଟି ଯିବା ପରି ମନେ ହୋଇଥିଲା। ହେଲେ ପରେ ସେ ନିଜକୁ ଦୃଢ଼ କରିଥିଲେ। ଶୀତଲ ମଧ୍ୟ ଧିରେ ଧିରେ ସୁସ୍ଥ ଅବସ୍ଥାକୁ ଫେରିଥିଲେ।
ଏକ ସାକ୍ଷାତକାରରେ ହିମାଂଶୁ କହିଛନ୍ତି, ଶୀତଲ କୌଣସି କାମରେ ହୃଷିକେଶ ଯାଇଥିଲେ। ସେଠାରେ ହିଁ ସେ ସଂକ୍ରମିତ ହୋଇଯାଇଥିଲେ। ତାଙ୍କୁ ଏମ୍ସରେ ଭର୍ତ୍ତି କରାଯାଇଥିଲା। ପର୍ଯ୍ୟପ୍ତ ସ୍ବାସ୍ଥ୍ୟ ସୁବିଧା ନ ଥିବାରୁ ଶୀତଲଙ୍କ ଅବସ୍ଥା ଗୁରୁତର ହୋଇଯାଇଥିଲା। ହିମାଂଶୁ ପହଞ୍ଚିବା ପରେ ଡାକ୍ତର ଏନେଇ ତାଙ୍କୁ ରୋକଠୋକ ଶୁଣାଇ ଦେଇଥିଲେ। ଏହାଶୁଣି ହିମାଂଶୁ ତାଙ୍କୁ ଦିଲ୍ଲୀ ଆଣିବାକୁ ନିଶ୍ଚିତ କରିଥିଲେ। ହେଲେ ହଠାତ କ’ଣ କରିବେ ତାହା ଭାବି ପାରୁ ନ ଥିଲେ। ସାରା ରାତି କାନ୍ଦିଥିଲେ। ହେଲେ ପରେ ସବୁକିଛି ଠିକ୍ ହୋଇଥିଲା। ସମସ୍ତଙ୍କ ପ୍ରାର୍ଥନା ପାଇଁ ଏହା ହୋଇପାରିଛି। ଏବେ ଶୀତଲଙ୍କୁ ସୁସ୍ଥ ହେବାକୁ ଆହୁରୀ ୨୦ ଦିନ ଲାଗିବ ବୋଲି ହିମାଂଶୁ କହିଛନ୍ତି।
