ନୂଆଦିଲ୍ଲୀ,୨୯।୫: ବିଶ୍ୱର ପ୍ରମୁଖ ସୌଖିନ କାର୍ ନିର୍ମାତା କମ୍ପାନୀ ଟେସ୍ଲା ଭାରତରେ କାରବାର ଓ ପ୍ଲାଣ୍ଟ ନିର୍ମାଣ ପାଇଁ ଆଗ୍ରହୀ ଥିବାବେଳେ କେବଳ ସରକାରୀ ଅନୁମତିକୁ ଅପେକ୍ଷା କରିଛି। ଏପରିକି ଯେପର୍ଯ୍ୟନ୍ତ ସରକାର ଇଲେକ୍ଟ୍ରିକ୍ ଯାନ ବିକ୍ରି ଏବଂ ସେବା ପ୍ରଦାନ ନେଇ ଅନୁମତି ପ୍ରଦାନ କରିନାହାନ୍ତି, ସେ ପର୍ଯ୍ୟନ୍ତ ଟେସ୍ଲା ଭାରତରେ କାର୍ ନିର୍ମାଣ କରିବ ନାହିଁ ବୋଲି ଏଲନ୍ ମସ୍କ ଶୁକ୍ରବାର ବିଳମ୍ବିତ ରାତିରେ ଟୁଇଟ୍ କରି କହିଛନ୍ତି, ଆମକୁ ପ୍ରଥମେ କାର୍ ବିକ୍ରି ଏବଂ ସର୍ଭିସ୍ ପ୍ରଦାନ କରିବାକୁ ଅନୁମତି ପ୍ରଦାନ କରି ନ ଥିବା ଦେଶଗୁଡ଼ିକରେ ଟେସ୍ଲା ପ୍ଲାଣ୍ଟ ସ୍ଥାପନ କରାଯିବ ନାହିଁ। ଏହାଛଡ଼ା ଜଣେ ଟୁଇଟର ୟୁଜର ଭାରତରେ ଟେସ୍ଲା ନିର୍ମାଣ ସମ୍ପର୍କିତ ପଚାରିଥିବାଥ ପ୍ରଶ୍ନର ଜବାବ ଦେଇ ସେ କହିଛନ୍ତି, ଆମେ ସରକାରଙ୍କ ମଞ୍ଜୁରୀକୁ ଅପେକ୍ଷା କରିଛୁ।
