Posted inଖେଳ

୫ମ ବିଶ୍ୱକପ୍ ଜିତିଲା ଭାରତ

  1. ଆଣ୍ଟିଗୁଆ, ୬|୨: ପୁଣି ଥରେ ଭାରତୀୟ ଦଳ ହତେଇଛି ୧୯ ବର୍ଷରୁ କମ୍ ବିଶ୍ୱକପ୍। ଫାଇନାଲରେ ଭାରତ ୪ ଉଇକେଟରେ ଇଂଲଣ୍ଡକୁ ହରାଇ ଦେଇଛି। ଏହି ବୟସ ବର୍ଗରେ ଏହା ହେଉଛି ଭାରତୀୟ ଦଳ ପାଇଁ ୫ମ ଟ୍ରଫି। ପୁରା ଟୁର୍ନାମେଣ୍ଟ ଭଳି ଶନିବାର ଖେଳା ଯାଇଥିବା ମ୍ୟାଚରେ ଆରମ୍ଭରୁ ଶେଷ ପର୍ଯ୍ୟନ୍ତ ସବୁ କିଛି ଭାରତ ନିୟନ୍ତ୍ରଣରେ ଥିଲା। ପ୍ରଥମେ ରାଜ ବାୱା ଓ ରବି କୁମାରଙ୍କ ଘାତକ ପେସ ବୋଲିଂ ଇଂଲଣ୍ଡର ବ୍ୟାଟିଂ ଲାଇନକୁ ବିଗାଡି ଦେଇଥିଲା। ତା’ ପରେ ୧୯୦ ରନର ବିଜୟ ଲକ୍ଷ୍ୟକୁ ଭାରତୀୟ ବ୍ୟାଟର ହାସଲ କରି ନେଇଥିଲେ।

ଟସ ଜିତି ବ୍ୟାଟିଂ ନିଷ୍ପତ୍ତି ନେଇଥିବା ଇଂଲଣ୍ଡ ଆରମ୍ଭରୁ ହିଁ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ରାଜ ବାୱା ଓ ରବି କୁମାରଙ୍କ ଘାତକ ପେସ ବୋଲିଂ ଆଗରେ ଇଂଲଣ୍ଡର ବ୍ୟାଟର ଛିଡା ହୋଇପାରି ନ ଥିଲେ। ମାତ୍ର ୯୧ ରନ ମଧ୍ୟରେ ୭ ଉଇକେଟ୍ ପଡ଼ି ସାରିଥିଲା। ଲାଗୁଥିଲା ଖୁବ୍ ଶୀଘ୍ର ଇଂଲଣ୍ଡର ପାଳି ଶେଷ ହୋଇଯିବ। ମାତ୍ର ଜେମ୍ସ ରିଉ (୯୫ ରନ, ୧୨ ଚୌକା) ଏବଂ ଜେମ୍ସ ସେଲ୍ସ (୩୪*) ୮ମ ଉଇକେଟ୍ ୯୩ ରନ ଯୋଡ଼ିଥିଲେ। ଶତକ ଆଡ଼କୁ ଅଗ୍ରସର ହେଉଥିବା ରିଉ ଛକା ମାରିବାକୁ ଉଦ୍ୟମ କରିଥିଲେ। ମାତ୍ର କୌଶଳ ତମ୍ବେଙ୍କ ଚମତ୍କାର କ୍ୟାଚ ସହ ଶେଷ ହୋଇଥିଲା ରିଉଙ୍କ ପାଳି। ସେ ଆଉଟ୍ ହେବାର ଦୁଇ ଓଭର ମଧ୍ୟରେ ଇଂଲଣ୍ଡ ୧୮୯ ରନରେ ଅଲଆଉଟ୍ ହୋଇ ଯାଇଥିଲା। ଭାରତ ପାଇଁ ରବି ୫ ଉଇକେଟ୍ ସଫଳତା ହାସଲ କରିଥିବା ବେଳେ ବାୱା ୪ ଉଇକେଟ୍ ନେଇଥିଲେ।

ଭାରତ ପ୍ରଥମ ଓଭରରେ ହରାଇଥିଲା ଅଙ୍ଗକ୍ରିଶ ରଘୁବଂଶୀଙ୍କ ଉଇକେଟ୍। ଅନ୍ୟତମ ଓପନର ହାରନୁର ଖାନ (୨୧) ମଧ୍ୟ ବିଫଳ ହୋଇଥିଲେ। ତା’ ପରେ ଅଧିନାୟକ ୟଶ ଧୂଲ୍ (୧୭) ଓ ଶେଖ୍ ରଶିଦ୍ (୫୦ ରନ୍, ୬ ଚୌକା)ଙ୍କ ଯୋଡି ଦଳୀୟ ସ୍କୋରକୁ ୧୦୦ ପାଖକୁ ନେଇଥିଲା। ମାତ୍ର କ୍ରମାଗତ ବ୍ୟବଧାନରେ ପଡ଼ିଥିଲା ଦୁହିଁଙ୍କ ଉଇକେଟ୍। ନିଶାନ୍ତ ସିନ୍ଧୁ (୫୦ରନ,୫ ଚୌକା, ୧ ଛକା)ଏବଂ ବାୱା (୩୫ ରନ, ୫ ଚୌକା, ୧ ଛକା)ଙ୍କ ଉପଯୋଗୀ ପ୍ରଦର୍ଶନ ବଳରେ ଟିମ୍ ଇଣ୍ଡିଆ ୪୭.୪ ଓଭରରେ ୬ ଉଇକେଟରେ ବିଜୟ ଲକ୍ଷ୍ୟ ହାସଲ କରି ନେଇଥିଲା।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

କ୍ରିକେଟର, ଅମ୍ପାୟର, ସ୍କୋରରଙ୍କୁ ସାହାଯ୍ୟ କରିବାକୁ ପିସିବିର ଘୋଷଣା

କରାଚି,୪।୫(ପି.ଟି.): କରୋନା ଭାଇରସ ସଂକ୍ରମଣ ଓ ଦେଶରେ ଚାଲିଥିବା ଲକ୍‌ଡାଉନ୍‌ କାରଣରୁ ସମସ୍ୟାର ସମ୍ମୁଖୀନ ହୋଇଥିଲା ପ୍ରଥମଶ୍ରେଣୀ କ୍ରିକେଟର, ସ୍କୋରର, ଅମ୍ପାୟର ଓ ଗ୍ରାଉଣ୍ଡ ଷ୍ଟାଫ୍‌ଙ୍କୁ...

ଭାରତୀୟ ଦଳକୁ ଝଟକା: ୩ ସପ୍ତାହ ପର୍ଯ୍ୟନ୍ତ ଖେଳିପାରିବେନି ଧାଓ୍ବନ

ଲଣ୍ଡନ, ୧୧।୬: ଇଂଲଣ୍ଡରେ ଚାଲିଥିବା ବିଶ୍ୱକପରେ ଭାରତୀୟ ଦଳକୁ ବଡ ଝଟକା ଲାଗିଛି। ଦଳର ଓପନର୍‌ ଶିଖର ଧାଓ୍ବନ ଆହତ ଯୋଗୁ ୩ ସପ୍ତାହ ପର୍ଯ୍ୟନ୍ତ...

ମୁମ୍ବାଇ ସିଟି ଏଫ୍‌ସି ସହ ରହିବେ ବିପିନ ସିଂ

ମୁମ୍ବାଇ, ୨୦ା୪ (ପି.ଟି.)- ଭାରତର ଅନ୍ତର୍ଜାତୀୟ ଫୁଟ୍‌ବଲ ଖେଳାଳି ବିପିନ ସିଂଙ୍କ ସହିତ ଚୁକ୍ତି ମିଆଦ ବୃଦ୍ଧି କରାଯାଇଥିବା ମୁମ୍ବାଇ ସିଟି ଏଫ୍‌ସି ତରଫରୁ ସୋମବାର...

କୁଜନେଶୋଭା – କେଜ୍‌ ଫାଇନାଲ

ସିନ୍‌ସିନାଟି, ୧୮।୮(ଏଏଫ୍‌ପି):  ସିନ୍‌ସିନାଟି ଓପନ୍‌ ଟେନିସ ଟୁର୍ନାମେଣ୍ଟର ମହିଳା ସିଙ୍ଗଲ୍ସ ଇଭେଣ୍ଟର ଫାଇନାଲ ମୁକାବିଲା ସ୍ପଷ୍ଟ ହୋଇଛି। ଟାଇଟଲ ପାଇଁ ଫାଇନାଲରେ ୧୬ତମ ସିଡ ଖେଳାଳି...

ଟି୨୦ରେ ମହାନ ବ୍ୟାଟ୍ସମ୍ୟାନଙ୍କ କ୍ଲବରେ ଓ୍ବାର୍ନର

ନୂଆଦିଲ୍ଲୀ,୨୮।୪ : ଅରୁଣ ଜେଟଲି ଗ୍ରାଉଣ୍ଡରେ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ବିପକ୍ଷରେ ୫୭ ରନ୍‌ର ଇନିଂସ ଅବସରରେ ସ୍ବତନ୍ତ୍ର କ୍ଲବରେ ସାମିଲ ହୋଇଛନ୍ତି ଡେଭିଡ୍‌...

ମୁଁ ଜଣେ ସାଧାରଣ ମଣିଷ, ମୋତେ ବି ରାଗ ଆସେ

ନୂଆଦିଲ୍ଲୀ,୧୭।୧୦:ଭାରତୀୟ ଦଳର ପୂର୍ବତନ ମହେନ୍ଦ୍ର ସିଂ ଧୋନୀ ସାଧାରଣତଃ ନିଜ ଭାବନା ବୟାନ କରନ୍ତି ନାହିଁ। ସେ ‘କ୍ୟାପଟେନ୍‌ କୁଲ୍‌’ ଭାବେ ମଧ୍ୟ ଜଣାଶୁଣା। ଦଳର...

କ୍ରିକେଟ୍‌ ଗ୍ରାଉଣ୍ଡରୁ ମ୍ୟୁଜିକ ଷ୍ଟୁଡିଓ : ଦୁଇ ଓପନର: ଏବେ କମ୍ପୋଜର, ସିଙ୍ଗର୍‌

ଲିଟିଲ ମାଷ୍ଟର ସଚିନ ତେନ୍ଦୁଲକରଙ୍କ ‘କ୍ରିକେଟ ୱାଲି ବିଟ୍‌’ ହେଉ କି ଅଲରାଉଣ୍ଡର ସୁରେଶ ରାଇନାଙ୍କ ‘ବିଟିୟା ରାନୀ କିମ୍ବା ଅଷ୍ଟ୍ରେଲୀୟ ପେସ୍‌ ତାରକା ବ୍ରେଟ୍‌...

ବ୍ରଡ ଦଣ୍ଡିତ

ଜୋହାନ୍ସବର୍ଗ,୨୮।୧: ଇଂଲଣ୍ଡ ପେସର ଷ୍ଟୁଆର୍ଟ ବ୍ରଡଙ୍କୁ ଅର୍ଥ ଦଣ୍ଡରେ ଦଣ୍ଡିତ କରାଯାଇଛି। ସେ ଦକ୍ଷିଣ ଆଫ୍ରିକା ବିପକ୍ଷ ଚତୁର୍ଥ ତଥା ଅନ୍ତିମ ଟେଷ୍ଟର ଦ୍ୱିତୀୟ ଇନିଂସବେଳେ...

Advertisement
Archives

Model This Week