ନୂଆଦିଲ୍ଲୀ,୨୧ା୯: ଦେଶର ପ୍ରମୁଖ ବାଣିଜି୍ୟକ ଯାନ ନିର୍ମାତା ‘ଟାଟା ମୋଟର୍ସ’ ପକ୍ଷରୁ ନୂତନ ଉତ୍ପାଦର ଉନ୍ମୋଚନ ହୋଇଯାଇଛି। ବିଶେଷକରି ଏହାର ନୂତନ ପିଢ଼ିର ବିଏସ୍-୬ ଡିଜେଲ ଇଞ୍ଜିନର କାର୍ଯ୍ୟଦକ୍ଷତା ବୃଦ୍ଧି କରିବା ପାଇଁ ସ୍ବତନ୍ତ୍ର ଭାବେ ବିକଶିତ ଅଲ୍ ନ୍ୟୁ ୫ଡବ୍ଲ୍ୟୁ୩୦ ସିନ୍ଥେଟିକ୍ ଇଞ୍ଜିନ ଅଏଲର ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଛି। ସେହିପରି ଉକ୍ତ ଇଞ୍ଜିନ ଅଏଲ ଉପରେ ୩ବର୍ଷରୁ ଅଧିକ ସମୟ ଧରି ବିଭିନ୍ନ ଏବଂ କଠିନ ପରିସ୍ଥିତିରେ ବ୍ୟାପକ ଭାବେ ପରୀକ୍ଷଣ କରାଯାଇଛି। ଏପରିକି ପାୱାର ଟ୍ରେନ୍ ପରୀକ୍ଷଣ ସୁବିଧାରେ ୩୫,୦୦୦ ଘଣ୍ଟାରୁ ଅଧିକ ସମୟ ଧରି କଠିନ ଅଞ୍ଚଳରେ ଏହା ୧୦ ଲକ୍ଷ କିଲୋମିଟରରୁ ଅଧିକ ଦୂରତା ପାଇଁ ଚାଳିତ ହୋଇଛି। ସେହିପରି ଏହା ଗ୍ରୁପ୍ ୩ବେସ୍ ଅଏଲରେ ମିଶ୍ରିତ ଏକ ଅତ୍ୟାଧୁନିକ ଉପଯୋଗୀ ପ୍ରଯୁକ୍ତିବିଦ୍ୟା ସହ ଉଚ୍ଚ କ୍ଷମତାସମ୍ପନ୍ନ ପଲିମରର ଏକ ମିଶ୍ରଣରେ ପ୍ରସ୍ତୁତ କରାଯାଇଛି। ଏ ସମ୍ପର୍କରେ ଟାଟା ମୋର୍ଟସର ସଭାପତି ତଥା ସିଟିଓ ରାଜେନ୍ଦ୍ର ପେଟକର କହିଛନ୍ତି,ସମ୍ପ୍ରତି ଦୀର୍ଘ ସ୍ଥାୟିତ୍ୱ ଏକ ଭଲ ଯୋଗଦାନରୁ ଏକ ସମ୍ପୂର୍ଣ୍ଣ ଆବଶ୍ୟକତାରେ ପରିଣତ ହୋଇଛି। ଟାଟା ମୋଟର୍ସରେ ଆମେ ବିକାଶ କରୁଥିବା ପ୍ରତ୍ୟେକ ଜିନିଷର ମୂଳ ଗଠନ ଉପରେ ଧ୍ୟାନ କେନ୍ଦ୍ରିତ କରିଥାଉ। ଇଞ୍ଜିନିୟରିଂ ରିସର୍ଚ୍ଚ ସେଣ୍ଟର (ଇଆର୍ସି)ରେ ଆମର ଇଞ୍ଜିନିୟରିଂ ଟିମ୍ ଏକ ଇନ୍ ହାଉସ ଲୁବ୍ରିକାଣ୍ଟ ଫର୍ମୁଲେସନ ବିକାଶ କରୁଥିବାବେଳେ ସହଯୋଗୀ ଉପତ୍ାଦନ କ୍ଷେତ୍ରର ଆଡିଟିଭ୍ ପ୍ରସ୍ତୁତକାରୀ ଅଂଶୀଦାରମାନଙ୍କ ସହ ଘନିଷ୍ଠ ଭାବେ କାର୍ଯ୍ୟ କରୁଛନ୍ତି। ଟାଟା ମୋଟର୍ସ ସାମଗ୍ରିକ ଦୀର୍ଘସ୍ଥାୟୀ ସ୍ଥିରତାକୁ ଦୃଷ୍ଟିରେ ରଖି ଇଏସ୍ଜି ଆବଶ୍ୟକତା ପୂରଣକରି ଏହାର ଯାତ୍ରା ଆରମ୍ଭ କରିଛି।
