ବିଷେଷକରି ମଦ୍ୟପଙ୍କ ଯୋଗୁ ବହୁସମୟରେ ଅପ୍ରିିତିକର ଘଟଣାମାନ ଘଟୁଥିବାକୁ ଦୃଷ୍ଟିରେ ରଖି କଡା ପଦକ୍ଷେପ ନିଆଯାଇଛି। ସେ ଭକ୍ତ ହୁଅନ୍ତୁ କି ସେବାୟତ, ଯିଏବି ମଦ୍ୟପାନ କରି ଆସିଲେ ମନ୍ଦିର ମଧ୍ୟକୁ ପ୍ରବେଶ ସହ ଦର୍ଶନ ଉପରେ ସମ୍ପୂର୍ଣ୍ଣ ରୂପେ ରୋକ ଲାଗାଯାଇଛି। ଭକ୍ତଙ୍କ ଗହଳିକୁ ଦୃଷ୍ଟିରେ ରଖି ମନ୍ଦିର ପରିସରରେ ଦୀପ ଲଗାଇବାକୁ କରିବାକୁ ବାରଣ କରାଯାଇଛି, ମନ୍ଦିର ପରିସସର ସିସି କ୍ୟାମେରା ସୁଚାରୁ ରୂପେ ଚାଲିବା ନେଇ ନିଷ୍ପତ୍ତିନିଆଯାଇଛି। ସେବାୟତ ମାନେ ଭକ୍ତଙ୍କୁ ଉତ୍ତମ ବ୍ୟବହାର କରିବା ସହ ଭକ୍ତମାନଙ୍କଠାରୁ ଦର୍ଶନ ଓ ନଡିଆ ଭାଙ୍ଗିବାରେ ଦକ୍ଷିଣା ସଂଗ୍ରହକୁ ବାରଣ କରାଯାଇଛ। ପିକନିକ ଲାଗି ଆସୁଥିବା ପର୍ଯ୍ୟଟକଙ୍କ ପାନୀୟଜଳର ସୁବିଧାଲାଗି ନିରୁପମା ହୋଟେଲଠାରୁ ପାହାଡ ଉପର ରାସ୍ତା ପର୍ଯ୍ୟନ୍ତ ବିଭିନ୍ନସ୍ଥାନରେ ପାଣିଟ୍ୟାପ୍ମାନ ତୁରନ୍ତ ଲଗାଇବା, ମନ୍ଦିରର ସୁରକ୍ଷା ଦୃଷ୍ଟିରୁ ମନ୍ଦିର ପରିସର ମଧ୍ୟକୁ ମୋବାଇଲ ନେବା ଓ ଫଟୋ ଉଠାଇବାକୁ ବାରଣ କରାଯାଇଛି। ଏହାକୁ ଉଲଙ୍ଘନ କଲେ ସଂପୃକ୍ତ ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ନିଷ୍ପତ୍ତି ନିଆଯାଇଛି। ମନ୍ଦିର ଗର୍ଭଗୃହରେ ସର୍ବସାଧାରଣଙ୍କ ପ୍ରବେଶ ଉପରେ ରୋକ ଲଗାଯାଇଛି। ପାହାଡ ଉପରକୁ ଯାଉଥିବା ବସରେ ଛାତ୍ରଛାତ୍ରୀଙ୍କୁ ରିହାତି ଦେବା, ପାହାଡ ଉପର ମନ୍ଦିରକୁ ଯିବାଲାଗି ରହିଥିବା ଜଙ୍ଗଲପୁର୍ଣ୍ଣ ରାସ୍ତାଟି ଅନ୍ଧକାର ରହୁଥିବାରୁ ଆଲୋକିକରଣ କରିବା ଲାଗି ପଦକ୍ଷେପ ନିଆଯିବା ସହ ମନ୍ଦିରର ତଳ ଭାଗରେ ଏକ ସ୍ଥାୟୀ ହେଲିପ୍ୟାଡ ନିର୍ମାଣ କରିବା ଭଳି ଅନେକ ପଦକ୍ଷେପମାନ ପ୍ରଶାସନ ପକ୍ଷରୁ ନିଆଯାଇଛି। ଏଥିରେ ବିଦ୍ୟୁତ ବିଭାଗୀୟ ନିର୍ବାହୀ ଯନ୍ତ୍ରୀ ବିଶ୍ବରଞ୍ଜନ ମହାପାତ୍ର, ଅଗ୍ନିଶମ ଅଧିକାରୀ ଆଲୋକ କୁମାର ଦଳାଇ, ପୂର୍ତ୍ତ ବିଭାଗୀୟ ଯନ୍ତ୍ରୀ ସୁରେଶ କୁମାର ମିଶ୍ରଙ୍କ ସମେତ ବହୁଅଧିକାରୀ ମାନେ ଯୋଗଦେଇଥିଲେ।
