ଭୁବନେଶ୍ୱର,୨୫।୯: ଦେଶର ପ୍ରମୁଖ ଅଳଙ୍କାର ପ୍ରତିଷ୍ଠାନ ତନିସ୍କ ପକ୍ଷରୁ ଚଳିତ ପାର୍ବଣ ଉପଲକ୍ଷେ ଏକ ସ୍ବତନ୍ତ୍ର ପୂଜା କଲେକ୍ସନ ‘ଆଲେଖ୍ୟ’ ର ଉନ୍ମୋଚନ କରାଯାଇଛି। ବିଶେଷକରି ଏହା ଜରିଆରେ ଭାରତର ପୁରୁଣା ତଥା ସମୃଦ୍ଧକଳାକୁ ଗ୍ରାହକମାନେ ସ୍ମରଣ କରିପାରିବେ। କାରଣ ‘ଆଲେଖ୍ୟ’ କଲେକ୍ସନ ଭାରତର ଖ୍ୟାତନାମା ମିନିଏଚର ଏବଂ ପିଚ୍ୱାଇ ପେଣ୍ଟିଙ୍ଗ୍ସରୁ ପ୍ରେରିତ ହୋଇଛି। ଏପରିକି ଉକ୍ତ କଲେକ୍ସନରେ ମହିଳାଙ୍କ ପାଇଁ ଚତ୍ମକାର ନେକ୍ଲେସ, ଇୟରିଂ ଏବଂ ହାତତିଆରି ବିଭିନ୍ନ ଗହଣା ପିସ୍ ସାମିଲ ରହିଛି। ଏହାର ପ୍ରାରମ୍ଭକି ମୂଲ୍ୟ ୭୦,୦୦୦ ଟଙ୍କା ରହିଛି। ଅପରପକ୍ଷରେ ପାର୍ବଣ ପାଇଁ ଗ୍ରାହକଙ୍କ ପାଇଁ ଆକର୍ଷଣୀୟ ଅଫର ଓ ସୁବିଧା ସାଙ୍ଗକୁ ରିହାତି ମଧ୍ୟ ପ୍ରଦାନ କରାଯାଉଛି। ଏହି ସ୍ବତନ୍ତ୍ର ଅଫର ଅକ୍ଟୋବର ୪ ପର୍ଯ୍ୟନ୍ତ ଉପଲବ୍ଧ ରହିଛି।
ସେହିଭଳି ରାଜକୀୟ ଜୀବନଚର୍ଯ୍ୟାର ପୁନଃ କଳ୍ପନା ସହ ଏହି ଚମତ୍କାର ପୂଜା କଲେକ୍ସନକୁ ପ୍ରସ୍ତୁତ କରାଯାଇଛି। ଭାରତୀୟ ଚିତ୍ରକଳାରୁ ପ୍ରେରିତ ହୋଇ ଆକର୍ଷଣୀୟ ସମସାମୟିକ ଗହଣାର ସମ୍ଭାର ବଜାରକୁ ଅଣାଯାଇଛି। ସେହିପରି ପିଚ୍ୱାଇ ପେଣ୍ଟିଙ୍ଗ୍, ଯାହାକି ଭଗବାନ କୃଷ୍ଣଙ୍କ ଜୀବନକୁ ଚିତ୍ରଣ କରିଥାଏ। ମିନିଏଚର ପେଣ୍ଟିଙ୍ଗ୍ସ, ଯାହାକି ମୋଗଲ, ରାଜସ୍ଥାନୀ ଏବଂ ପହାରି କୋର୍ଟର ପ୍ରସିଦ୍ଧ ପରମ୍ପରା, ତାହାର ପ୍ରତିଫଳନ ଏଥିରେ ଦେଖିବାକୁ ମିଳିବ। ଏ ସମ୍ପର୍କରେ କମ୍ପାନୀର ଡିଜାଇନ ମୁଖ୍ୟ ଅଭିଷେକ ରସ୍ତୋଗୀ କହିଛନ୍ତି, ଅତି ସୁନ୍ଦର ଭାବେ ଡିଜାଇନ ହୋଇଥିବା ଗହଣାକୁ ଗ୍ରାହକଙ୍କ ନିକଟକୁ ଆଣିବା ଲାଗି ଆମର ପ୍ରାଥମିକତା ବଜାୟ ରହିଛି। ଆମର ପାର୍ବଣ ସମ୍ଭାର ‘ଆଲେଖ୍ୟ’ ପୂଜା ସେଲିବ୍ରେସନର ପ୍ରତି ମୁହୂର୍ତ୍ତକୁ ତାଜା କରିବ। ଭାରତୀୟ କଳା ପିଚ୍ୱାଇ ଏବଂ ମିନିଏଚର ପେଣ୍ଟିଙ୍ଗ୍ସରୁ ଉଦ୍ଧୃତ ଏହି କଲେକ୍ସନରେ ପ୍ରାଚୀନ କଳାକୁ ନୂତନ ପିଢ଼ି ମୀନାକାରୀ ମୋଟିଫ୍ ଏବଂ ରଙ୍ଗ ସହ ପାଳନ କରାଯାଉଛି। ଆଲେଖ୍ୟର ଏକ୍ସକ୍ଲୁସିଭ୍ ପ୍ରଡକ୍ଟଗୁଡ଼ିକୁ ଗ୍ରାହକ ତନିସ୍କର ଓ୍ବେବ୍ସାଇଟରେ ମଧ୍ୟ ବ୍ରାଉଜ କରିପାରିବେ।
