ଆଇନ୍‌ଷ୍ଟାଇନ୍‌ଙ୍କ ସହ ବାର୍ତ୍ତାଳାପ

ଯୁଗସ୍ରଷ୍ଟା ବୈଜ୍ଞାନିକ ଆଇନ୍‌ଷ୍ଟାଇନ୍‌ଙ୍କ ମୃତ୍ୟୁ ଘଟି ସାରିଲାଣି ଆଜକୁ ପ୍ରାୟ ୬୬ବର୍ଷ ପୂର୍ବେ। ତା’ହେଲେ ତାଙ୍କ ସହିତ ବାର୍ତ୍ତାଳାପ କରିବା କିପରି? ତେବେ, ତାହା ହୋଇପାରନ୍ତା ଯଦି ଯୁଗ ଯୁଗ ଧରି ଚଳିଆସିଥିବା ଆମର ଗୋଟିଏ ବିଶ୍ୱାସ (ବରଂ, ଅନ୍ଧବିଶ୍ୱାସ) ସତ ହୋଇପାରନ୍ତା ତାହା ହେଲା ଆମ ତାନ୍ତ୍ରିକମାନଙ୍କ ଦାବି ଯେ ସେମାନେ ମୃତ ବ୍ୟକ୍ତିମାନଙ୍କ ଆତ୍ମାକୁ ଆହ୍ବାନ କରି ଆମ ସମ୍ମୁଖକୁ ଆଣିପାରିବେ ଏବଂ ତାଙ୍କ ସହିତ ବାର୍ତ୍ତାଳାପ କରାଇ ପାରିବେ।
ଏ କଥାକୁ ଆମେ କେଉଁ ଅନାଦି କାଳରୁ ବିଶ୍ୱାସ କରିଆସିଛୁ। କିନ୍ତୁ, ବିଜ୍ଞାନର ପ୍ରଗତି ସଙ୍ଗେ ସଙ୍ଗେ ଏହାର ଅସାରତାକୁ ଅଧିକରୁ ଅଧିକ ଲୋକ ଗ୍ରହଣ କରିବାକୁ ଲାଗିଲେଣି। ଆତ୍ମାର ସତ୍ତା ସମ୍ପର୍କରେ ରହିଆସିଥିବା ପୌରାଣିକ ତଥା ଆଧ୍ୟାତ୍ମିକ ଆଖ୍ୟାନକୁ ନେଇ ସେମାନେ ଉଠାଇଲେଣି ବିବିଧ ବିଜ୍ଞାନଭିତ୍ତିକ ପ୍ରଶ୍ନ। ଏସବୁର ଜବାବ ତାନ୍ତ୍ରିକ ଅଥବା ଆତ୍ମାରେ ବିଶ୍ୱାସ କରୁଥିବା ଲୋକଙ୍କ ନିକଟରେ ନାହିଁ। ତଥାପି ଆମ ମନ ଭିତରେ ଆମ ମୃତ ପୂର୍ବପୁରୁଷ କିମ୍ବା କୌଣସି ମହାନ୍‌ ବ୍ୟକ୍ତିଙ୍କ ଆତ୍ମା ସହିତ ବାର୍ତ୍ତାଳାପ କରିବାର ଇଚ୍ଛା ମରିନାହିଁ। ଏକ ଭିନ୍ନ ବାଟରେ ଏହାକୁ ପୂରଣ କରିବା ଲାଗି ଏବେ ଆଗେଇ ଆସିଛି ନ୍ୟୁଜିଲାଣ୍ଡର ୟୁନି-କ୍ୟୁ ନାମକ ଏକ କମ୍ପାନୀ। ଏହାର ପ୍ରଯୁକ୍ତି ବିଜ୍ଞାନୀମାନେ ଡିଜିଟାଲ ମଣିଷ ତିଆରି କ୍ଷେତ୍ରରେ ସଫଳତା ହାସଲ କରିଛନ୍ତି ଏବଂ ଏହାର ପ୍ରାଥମିକ ତଥା ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ବରୂପ ତିଆରି କରିଛନ୍ତି ଆଇନ୍‌ଷ୍ଟାଇନ୍‌ଙ୍କର ଏକ କୃତ୍ରିମ ମେଧା ବା ‘ଆର୍ଟିଫିସିଆଲ୍‌ ଇଣ୍ଟେଲିଜେନ୍ସି’ ରୂପ। ଆଇନ୍‌ଷ୍ଟାଇନ୍‌ ନୋବେଲ ପୁରସ୍କାର ଲାଭ କରିବାର ଚଳିତ ବର୍ଷ ୧୦୦ ବର୍ଷ ପୂରଣ ହୋଇଛି। ଏହି ଅବସରରେ ସେମାନେ ଏହାକୁ ତିଆରି କରିଛନ୍ତି।
ୟୁନି-କ୍ୟୁ ଦ୍ୱାରା ଡିଜିଟାଲ ମଣିଷ ବ୍ୟବହାରକାରୀକୁ ଦେଖିପାରିବ ଏବଂ ଶୁଣିପାରିବ। ଏପରିକି ସେ ଉଚ୍ଚାରଣ କରୁଥିବା ଶବ୍ଦଗୁଡ଼ିକର ଅର୍ଥ ମଧ୍ୟ ବୁଝିପାରିବ ଏବଂ ତଦନୁଯାୟୀ ନିଜର ସ୍ବରକୁ ସମନ୍ବିତ କରି କଥୋପକଥନ କରିବା ସଙ୍ଗେ ସଙ୍ଗେ ମଣିଷସୁଲଭ ଅଙ୍ଗଭଙ୍ଗୀ ମଧ୍ୟ ପ୍ରଦର୍ଶନ କରିପାରିବ। କେହି ତାଙ୍କ ସହିତ ବାର୍ତ୍ତାଳାପ କରିବାକୁ ଚାହିଁଲେ ସେ ଦିନର ଯେ କୌଣସି ସମୟରେ ତାହା କରିପାରିବ। ଏପରିକି ଏହି ଡିଜିଟାଲ ରୂପଟି ଆଇନ୍‌ଷ୍ଟାଇନ୍‌ଙ୍କ ଭଳି ବିଭିନ୍ନ ପ୍ରଶ୍ନ ମାଧ୍ୟମରେ ଜଣେ ଲୋକର ବୁଦ୍ଧି ପରୀକ୍ଷା କରିପାରିବ।
ଓ୍ବେବସାଇଟ୍‌ର ସୂଚନା ଅନୁସାରେ ଡିଜିଟାଲ ଆଇନ୍‌ଷ୍ଟାଇନ୍‌ ତିଆରି କରିବା ମୂଳରେ ଥିବା ମୁଖ୍ୟ କାରଣଟି ହେଲା ବିଜ୍ଞାନରେ ରୁଚି ରଖୁଥିବା ଲୋକଙ୍କୁ ତାଙ୍କ ସହିତ ପ୍ରତ୍ୟକ୍ଷ ଭାବେ ବାର୍ତ୍ତାଳାପ କଲାଭଳି ଅନୁଭବ କରିବାର ସୁଯୋଗ ପ୍ରଦାନ କରିବା। ପୁନଶ୍ଚ କୋଭିଡ୍‌-୧୯ ସମୟରେ ବିଜ୍ଞାନ ଛାତ୍ରୀଛାତ୍ର ଏବଂ ଅନ୍ୟମାନେ ଏହାଦ୍ୱାରା ବିଶେଷ ଉପକୃତ ହୋଇପାରିବେ। ଡିଜିଟାଲ ଆଇନ୍‌ଷ୍ଟାଇନ୍‌ ବାର୍ତ୍ତାଳାପ, ମାନବସୁଲଭ ଅଙ୍ଗଭଙ୍ଗୀ ଏବଂ ଭାବପ୍ରବଣ ପ୍ରତିକ୍ରିୟା ମାଧ୍ୟମରେ ପ୍ରତିଦିନ ଲୋକଙ୍କ ସହିତ ଯୋଗାଯୋଗ ଏବଂ ଭାବର ଆଦାନପ୍ରଦାନ କରିପାରିବ। ଆପଣ ଚାହିଁଲେ ବ୍ୟକ୍ତିଗତ ଭାବେ ଆଇନ୍‌ଷ୍ଟାଇନ୍‌ ଡିଜିଟାଲ ମଣିଷଟିଏ ପାଇପାରିବେ। ଏଥିପାଇଁ କମ୍ପାନୀର ଓ୍ବେବ୍‌ସାଇଟ୍‌ରେ ମିଳୁଥିବା ଏକ ଫର୍ମ ପୂରଣ କରିବାକୁ ହେବ ଏବଂ ଆବଶ୍ୟକ ପରିମାଣରେ ଅର୍ଥ ଅନ୍‌ଲାଇନରେ ଦେବାକୁ ପଡ଼ିବ।

ପ୍ର. ରମେଶ ଚନ୍ଦ୍ର ପରିଡ଼ା
-ଉଷା ନିବାସ, ୧୨୪/୨୪୪୫, ଖଣ୍ଡଗିରି ବିହାର, ଭୁବନେଶ୍ୱର-୩୦
ମୋ: ୯୯୩୭୯୮୫୭୬୭


Enter your email to get our daily news in your inbox.

All Right Reserved By Dharitri.Com

ଚିକେନ୍‌ ଅଙ୍ଗାରା

ସମ୍ବଲପୁର ସହର ବୀର ସୁରେନ୍ଦ୍ର ସାଏ ମାର୍ଗସ୍ଥିତ ହୋଟେଲ ଅପ୍‌ସରା ପରିସରରେ ଅର୍ବାନ ତଡକା ରେଷ୍ଟୁରାଣ୍ଟ ରହିଛି। ଆଜିର ଗ୍ରାହକଙ୍କ ମନ ମୁତାବକ ଡିଶ୍‌ ପ୍ରସ୍ତୁତିରେ...

ପ୍ରାକୃତିକ ଉପାୟରେ କେଶ କଳା କରିବାକୁ ଚାହୁଁଥିଲେ

କେଶ ଧଳା ହେବା ଏକ ସାଧାରଣ ସମସ୍ୟାରେ ପରିଣତ ହେଲାଣି। ବର୍ତ୍ତମାନ ଏହି ସମସ୍ୟା ବୟସ୍କଙ୍କଠାରୁ ଆରମ୍ଭ କରି ଛୋଟ ପିଲାଙ୍କଠାରେ ମଧ୍ୟ ଦେଖାଯାଉଛି। ତେବେ...

ଡାଇବେଟିସ୍‌ରୁ ଦୂରେଇ ରହିବାକୁ ଚାହୁଁଛନ୍ତି, ଖାଆନ୍ତୁ ଏହି ପତ୍ରର ଚଟଣି…

ଧନିଆ ପତ୍ର ଚଟଣି ଶରୀର ପାଇଁ ବହୁ ଉପକାରୀ। ନିୟମିତ ଏହାକୁ ଖାଇଲେ ଶରୀରରେ ଇନସୁଲିନ କ୍ଷରଣ ସ୍ବାଭାବିକ ହେବା ସହ ସୁଗାର ଲେବଲ୍‌ କମ...

ପିଲା ରହିବେ ଫିଟ୍‌

ପିଲାମାନଙ୍କଠାରେ ସାଧାରଣତଃ ଏଣେ ତେଣେ ହାତ ମାରିବା, ଯେକୌଣସି ଜିନିଷ ପାଟିରେ ପୂରାଇବା, ପାଣିରେ ଓଦା ହେବା ଭଳି ବିଭିନ୍ନ କାରଣରୁ ସ୍ବାସ୍ଥ୍ୟ ସମସ୍ୟା ଦେଖା...

କଦଳୀ କିଣିବା ସମୟରେ ଏସବୁ ଦିଗ ପ୍ରତି ଧ୍ୟାନ ଦେବା ଜରୁରୀ

ପ୍ରତ୍ୟେକ ଋତୁରେ କଦଳୀ ସହଜରେ ମିଳିଥାଏ। ଏହା ସ୍ବାସ୍ଥ୍ୟ ଉପକାରୀ। ଡାକ୍ତର ପ୍ରତିଦିନ କଦଳୀ ଖାଇବାକୁ ପରାମର୍ଶ ଦେଇଥାନ୍ତି। ଏହା ଶରୀରକୁ ତୁରନ୍ତ ଶକ୍ତି ଯୋଗାଇଥାଏ।...

ଶ୍ୱେତପ୍ରଦରର ଉପଚାର

ଶ୍ୱେତପ୍ରଦର ରୋଗ ନାରୀମାନଙ୍କୁ ହୋଇଥାଏ। ଅସାମଞ୍ଜସ୍ୟ ଆହାର, ବିହାର, ଦୂଷିତ ପରିବେଶ, ଅତ୍ୟଧିକ ପରିଶ୍ରମ, ମାସିକ ଋତୁସ୍ରାବ ସମୟରେ ପରିଷ୍କାର ନ ରହିବା ଦ୍ୱାରା ଏହି...

ସପ୍ତରଙ୍ଗୀ ଇନ୍ଦ୍ରଧନୁ ଓ ଗ୍ୟାସ୍‌ର ନୀଳଶିଖା

ଋଙ୍ଗିନ ଆଲୁଅ ଓ ଛାଇର ସମାହାର ହେଉଛି ଇନ୍ଦ୍ରଧନୁ । ସକାଳେ କିମ୍ବା ଉପରଓଳି ଝିପିଝିପି ବର୍ଷା ହେଉଥିବା ସମୟରେ ଖରା ପଡ଼ିଲେ ନାଲି-ନେଳି-ସବୁଜ ରଙ୍ଗର...

କିଡ୍‌ନୀ ଷ୍ଟୋନ୍‌ରୁ ମୁକ୍ତି ଚାହୁଁଥିଲେ

ପଇଡ଼ ପାଣି ସ୍ବାସ୍ଥ୍ୟ ଲାଗି ଅନେକ ଉପକାରୀ। କେବଳ ସେତିକି ନୁହେଁ, ଏଥିରେ ଥିବା ଆଣ୍ଟି ଅକ୍ସିଡାଣ୍ଟ ଗୁଣ ରହିଥାଏ। ଏହା ରୋଗ ପ୍ରତିରୋଧ ଶକ୍ତିକୁ...

Advertisement
Archives

Model This Week