Advertisement

ଛବି ସୁଧାରୁଛି ତାଲିବାନ୍‌

କାବୁଲ/ଓ୍ବାଶିଂଟନ/ନୂଆଦିଲ୍ଲୀ,୧୮ା୮: ୨୦୨୧ ଅଗଷ୍ଟ ୧୫ରେ ଭାରତୀୟମାନେ ୭୫ତମ ସ୍ବାଧୀନତା ଦିବସ ପାଳନ କରୁଥିବାବେଳେ ଯୁଦ୍ଧ ପ୍ରଭାବିତ ଆଫଗାନିସ୍ତାନରେ ଲେଖାଯାଇଥିଲା କ୍ଷମତା ପରିବର୍ତ୍ତନର ଭିନ୍ନ ଏକ କାହାଣୀ। ତାଲିବାନ୍‌ ହାତରେ ଆଫଗାନିସ୍ତାନର ଭାଗ୍ୟ ବନ୍ଧକ ଦେବା ପରିବର୍ତ୍ତେ ଲଢ଼ିବା ପାଇଁ ଯେଉଁ ଶକ୍ତି ଜରୁରୀ ହୋଇପଡ଼ିଥିଲା, ଆମେରିକୀୟ ସୈନ୍ୟ ସ୍ବଦେଶକୁ ଫେରିଯିବା ପରେ ସେଥିରୁ ବଞ୍ଚତ୍ତ ହୋଇ ଦେଶ ଛାଡ଼ି ପଳାୟନ କରିଥିଲେ ରାଷ୍ଟ୍ରପତି ଅଶ୍ରଫ ଗନି। ଫଳରେ ତାଲିବାନ୍‌ ଯୁଦ୍ଧ ବିରତି ଘୋଷଣା କରି କାବୁଲସ୍ଥିତ ରାଷ୍ଟ୍ରପତି ଭବନ ଦଖଲ କଲା। ଏବେ ସେଠାରେ ତାଲିବାନ୍‌ ୨.୦ ରାଜୁତି। ଆଫଗାନମାନେ ୨୫ ବର୍ଷ ତଳର ତାଲିବାନ ବର୍ବରତାକୁ ସ୍ମରଣ କରି ଶିହରି ଉଠୁଥିବାବେଳେ ଏହି ସ୍ଥିତି ପାଇଁ ଆମେରିକା ରାଷ୍ଟ୍ରପତି ଜୋ ବାଇଡେନ୍‌ଙ୍କୁ ଦାୟୀ କରିଛନ୍ତି ଅନେକେ। ସୋମବାର ମଧ୍ୟରାତ୍ରିରେ ବାଇଡେନ୍‌ ନିଜ ଦୋଷ ଛଡ଼ାଇବାକୁ ଯାଇ ସାମ୍ପ୍ରତିକ ସ୍ଥିତି ପାଇଁ ଗନିଙ୍କ ମୁଣ୍ଡରେ ଲଦି ଦେଇଛନ୍ତି ସବୁ ଦୋଷ। ସେପଟେ ପୁନର୍ବାର କ୍ଷମତାର ସ୍ବାଦ ଚାଖିବା ପାଇଁ ଲାଳାୟିତ ତାଲିବାନ ନେତାମାନେ ଟିଭି ଚ୍ୟାନେଲଗୁଡ଼ିକରେ ସାକ୍ଷାତ୍‌କାର ଦେଇ ନିଜ ମୁହଁରୁ କଳଙ୍କର କାଳିମା ଲିଭାଇବାରେ ଲାଗିଛନ୍ତି। ସରକାରୀ କର୍ମଚାରୀମାନଙ୍କୁ ସର୍ବକ୍ଷମା ଘୋଷଣା କରି କର୍ମସ୍ଥଳକୁ ଫେରିବା ପାଇଁ ତାଲିବାନ ଅନୁରୋଧ କରିଛି। ଏହା ହେଉଛି ୧୯୯୬ ସେପ୍ଟେମ୍ବରରେ ଆଫଗାନିସ୍ତାନକୁ ଦଖଲ କରି ଶାରିଆ ଆଇନ ପ୍ରଚଳନ କରିଥିବା ତାଲିବାନର ନୂଆ ରୂପ। ବର୍ତ୍ତମାନ ତାଲିବାନକୁ ପଡ଼ୋଶୀ ପାକିସ୍ତାନ ଓ ଚାଇନା ଖୋଲାଖୋଲି ସମର୍ଥନ କରିଥିବାବେଳେ ରୁଷିଆ ମଧ୍ୟ ପଛରେ ପଡ଼ିନାହିଁ। ଆମେରିକାର କଥା ମାନି ଭାରତ ଯେଉଁ ଆଫଗାନିସ୍ତାନରେ ୩୦୦ କୋଟି ଡଲାରରୁ ଊର୍ଦ୍ଧ୍ୱ ଅର୍ଥ ଖର୍ଚ୍ଚ କରିଛି ତାହା ଏବେ ଇସ୍‌ଲାମିକ ଏମିରେଟ୍ସ ଅଫ୍‌ ଆଫଗାନିସ୍ତାନରେ ପରିଣତ ହୋଇଛି। ରାଷ୍ଟ୍ରମୁଖ୍ୟ ହୋଇ କ୍ଷମତାର ଡୋର ଧରିବାକୁ ଯାଉଛନ୍ତି ଦୁର୍ଦ୍ଧର୍ଷ ଆତଙ୍କବାଦୀ ସଙ୍ଗଠନର ମୁଖିଆ ମୁଲ୍ଲା ଅବ୍‌ଦୁଲ ଗନି ବରାଦର ଓରଫ ମୁଲ୍ଲା ବ୍ରଦର।
ମତରେ ତାଲିବାନ ଏବେ ନିଜର ମହିଳା ବିରୋଧୀ ଛବି ବଦଳାଇବା ପାଇଁ ସାମୟିକ ଭାବେ କେତେକ ପ୍ରସଙ୍ଗରେ ନରମ ହୋଇପାରେ। କିନ୍ତୁ ଯେଉଁମାନେ ଅଢ଼େଇ ଦଶନ୍ଧି ତଳର ତାଲିବାନକୁ ଚିହ୍ନିଛନ୍ତି, ସେମାନେ ଜାଣିଛନ୍ତି ଏହାର ରକ୍ତରଞ୍ଜିତ ଇତିହାସ। ସେମାନେ କେମିତି ବିଶ୍ୱାସ କରିପାରିବେ କଥା ଓ କାମରେ ପ୍ରଭେଦ ରଖୁଥିବା ଏଇ ରକ୍ତପିପାସୁ ଆତଙ୍କବାଦୀ ସଙ୍ଗଠନକୁ। ଜାତିସଂଘ କହୁଛି, ଆଫଗାନ ଜନତାଙ୍କୁ ଏହି ସଙ୍କଟ ଭିତରେ ଏକୁଟିଆ ଛାଡ଼ି ଦିଆଯାଇପାରିବ ନାହିଁ। ଅର୍ଥାତ୍‌ ଏବେ ଅନ୍ତର୍ଜାତୀୟ ସମୁଦାୟର ଦାୟିତ୍ୱ ବହୁଗୁଣିତ ହୋଇଛି। ସବୁଠୁ ବଡ଼ ପ୍ରଶ୍ନ ହେଉଛି, ୟୁଏନ୍‌ଏସ୍‌ସିର ଅଗଷ୍ଟ ମୁଖ୍ୟ ଦାୟିତ୍ୱ ତୁଲାଉଥିବା ଭାରତ ସେତେବେଳେ କ’ଣ କରିବ ଯେତେବେଳେ ତାଲିବାନ ଅନ୍ତର୍ଜାତୀୟ ସ୍ବୀକୃତି ପାଇଁ ନୂଆଦିଲ୍ଲୀକୁ ଆଲୋଚନା ଲାଗି ନିମନ୍ତ୍ରଣ କରିବ। ଆମେରିକା କ’ଣ କରିବ, ଯାହାର ପୂର୍ବତନ ପରରାଷ୍ଟ୍ର ସଚିବ ମାଇକ୍‌ ପମ୍ପିଓ ଆଫଗାନିସ୍ତାନରେ ଶାନ୍ତି ଓ ସ୍ଥିରତା ପାଇଁ ତାଲିବାନ ସହ ଟେବୁଲରେ ଡିଲ୍‌ କରୁଥିଲେ। ଭାରତକୁ ପାନେ ଦେବା ପାଇଁ କୂଟନୀତିର ଗୋଟି ବଦଳାଉଥିବା ପାକିସ୍ତାନର ଆଭିମୁଖ୍ୟ କ’ଣ ରହିବ, ଯିଏ ଆତଙ୍କବାଦୀଙ୍କୁ ସ୍ବାଧୀନତା ସଂଗ୍ରାମୀ ବୋଲି ଅଭିହିତ କରୁଛି। ଆଗକୁ କ’ଣ କରିବେ ବିସ୍ତାରବାଦୀ ଚାଇନାର ଶି ଜିନ୍‌ପିଙ୍ଗ୍‌ ସରକାର, ଯିଏ ଉଭୟ କ୍ଷମତା ଓ ବେପାର ପାଇଁ ବ୍ୟାକୁଳ। ଏହାଠୁ ବି ବଡ଼ ପ୍ରଶ୍ନ ହେଲା, ଏକଦା ଅସ୍ପୃଶ୍ୟ ତାଲିବାନକୁ ଏବେ ଏକ ‘ପଲିଟିକାଲ ଫୋର୍ସ’ କୁହାଯାଇପାରିବ କି? ୩.୮ କୋଟି ଆଫଗାନ ଏବେ ଯାହା ପାଇଛନ୍ତି ତାକୁ କ’ଣ କୁହାଯାଇପାରିବ ଆଉ ଏକ ‘ସ୍ବାଧୀନତା’?

ତାଲିବାନ୍‌କୁ ଫେସ୍‌ବୁକ୍‌ ମନା

ଆମେରିକା ଭିତ୍ତିକ ସୋସିଆଲ ମିଡିଆ କମ୍ପାନୀ ଫେସ୍‌ବୁକ୍‌ ତାଲିବାନକୁ ଆତଙ୍କବାଦୀ ଦର୍ଶାଇବା ସହ ଏହାକୁ ସମର୍ଥନ କରୁଥିବା ସମସ୍ତ ପ୍ରକାର କଣ୍ଟେଣ୍ଟ ତଥା ସାମଗ୍ରୀକୁ ନିଜ ପ୍ଲାଟଫର୍ମରେ ନିଷିଦ୍ଧ ଘୋଷଣା କରିଛି। ଏହି ଗୋଷ୍ଠୀ ସହ ଜଡ଼ିତ କଣ୍ଟେଣ୍ଟଗୁଡ଼ିକ ଉପରେ ନଜର ରଖି ତାହାକୁ ହଟାଇବା ପାଇଁ ଫେସ୍‌ବୁକ୍‌ ଏକ ସ୍ବତନ୍ତ୍ର ଆଫଗାନ୍‌ ଏକ୍ସପର୍ଟ ଟିମ୍‌ ଗଠନ କରିଛି। ବର୍ଷ ବର୍ଷ ଧରି ତାଲିବାନ ନିଜର ବାର୍ତ୍ତା ପ୍ରେରଣ ପାଇଁ ସୋସିଆଲ ମିଡିଆକୁ ବ୍ୟବହାର କରିଆସୁଛି।
ନିୟମ ଅନୁସାରେ ତାଲିବାନ୍‌କୁ ଏକ ଆତଙ୍କବାଦୀ ସଙ୍ଗଠନ ଦର୍ଶଯାଇଛି। ତେଣୁ ଏହି ସଙ୍ଗଠନକୁ ଫେସ୍‌ବୁକ୍‌ ବିପଜ୍ଜନକ ସଙ୍ଗଠନ ନୀତି ଆଧାରରେ ନିଷିଦ୍ଧ କରିଥିବା କମ୍ପାନୀ ମୁଖପାତ୍ର କହିଛନ୍ତି। ତାଲିବାନ କିମ୍ବା ଏହାକୁ ସମର୍ଥନ କରୁଥିବା ସମସ୍ତ କଣ୍ଟେଣ୍ଟକୁ ଫେସ୍‌ବୁକ୍‌ ପ୍ଲାଟଫର୍ମରୁ ହଟାଯିବ ବୋଲି ସେ ପ୍ରକାଶ କରିଛନ୍ତି। ସେହିପରି ହ୍ବାଟ୍ସଆପ୍‌ ମାଧ୍ୟମରେ ମଧ୍ୟ ତାଲିବାନ ଆତଙ୍କବାଦୀ ପରସ୍ପର ସହ ଯୋଗାଯୋଗ କରୁଛନ୍ତି। ଏହି ପଲିସି ହ୍ବାଟ୍ସଆପ୍‌, ଇନ୍‌ଷ୍ଟାଗ୍ରାମ ସମେତ ସମସ୍ତ ଫ୍ଲାଗଶିପ୍‌ ସୋସିଆଲ ମିଡିଆ ନେଟ୍‌ଓ୍ବର୍କ ପାଇଁ ଲାଗୁ ହେବ। ବ୍ୟାନ୍‌ ସତ୍ତ୍ୱେ ଏହି ପ୍ଲାଟଫର୍ମରେ ତାଲିବାନ ସହ ଜଡ଼ିତ କୌଣସି ଆକାଉଣ୍ଟ ନଜରକୁ ଆସିଲେ ପଦକ୍ଷେପ ନିଆଯିବ।


Enter your email to get our daily news in your inbox.

All Right Reserved By Dharitri.Com

ଅନ୍ନଦାତାଙ୍କୁ ସମର୍ଥନ: ପୁରସ୍କାର ଫେରାଇଲେ ନବ ଭାଟିଆ

ଟରୋଣ୍ଟୋ,୩୦।୧୨: ଭାରତରେ ଜାରି ରହିଥିବା ଅନ୍ନଦାତାଙ୍କୁ ସମର୍ଥନ ବିଦେଶରୁ ମଧ୍ୟ ମିଳିବାରେ ଲାଗିଛି। ଏହି ସମର୍ଥନ ତାଲିକାରେ ବ୍ରିଟେନ୍‌ ଏବଂ କାନାଡ଼ା ଶୀର୍ଷରେ ରହିଛନ୍ତି। ଭାରତୀୟ...

‘ଭାରତ ନିକଟରେ ପାକିସ୍ତାନ ବିଭାଜନ ଯୋଜନା’

ଇସଲାମାବାଦ,୩ା୬: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍‌ ପୁଣି ଥରେ ଚର୍ଚ୍ଚାକୁ ଆସିଛନ୍ତି। ଏକ ବିବାଦୀୟ ବିବୃତ୍ତି ଦେଇ ସେ ଏହି ଚର୍ଚ୍ଚାକୁ ଆସିଛନ୍ତି। ଯାହାକୁ...

ଶନିବାର ଜାତୀୟ ଶୋକ ପାଳନ କରିବ ଚାଇନା

ବେଜିଂ,୩।୪: ଚାଇନାରେ ପ୍ରଥମ କରି କରୋନା ଭାଇରସ ଦେଖାଦେଇଥିବା ବେଳେ ସେଠାରେ ତାଣ୍ଡବ ରଚିଥିଲା। ଏହି କରୋନା ଭାଇରସ ସଂକ୍ରମଣରେ ଚାଇନାରେ ୩ ମାସ ମଧ୍ୟରେ...

କ୍ଷେପଣାସ୍ତ୍ର ପରୀକ୍ଷା ପାଇଁ ଯୋଜନା କରୁଛି ପାକିସ୍ତାନ: ଭୟରେ ଯୁଦ୍ଧ ପ୍ରସ୍ତୁତି

ଇସ୍‌ଲାମାବାଦ,୨୯ା୮: କଶ୍ମୀର ସମ୍ପର୍କିତ ଭାରତର ନିଷ୍ପତ୍ତି ପରେ ପାକିସ୍ତାନର ନିଦ ହଜିଯାଇଛି। ନିୟନ୍ତ୍ରଣରେଖା (ଏଲ୍‌ଓସି)ରେ ସୈନ୍ୟ ଠୁଳ କରି ଥରକୁ ଥର ଆଣବିକ ଅସ୍ତ୍ର ବ୍ୟବହାର...

କିମ୍‌ଙ୍କ କ୍ରୁରତା ମାନବିକତା ଲଂଘିଲା: ଜେନେରାଲଙ୍କୁ ପିରାନ୍ନା ମାଛ ଟ୍ୟାଙ୍କ୍‌ରେ ପିଙ୍ଗିଲେ

ପୋୟଙ୍ଗ୍‌ୟାଙ୍ଗ୍‌,୧୨।୬: ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍‌ ଜୋଙ୍ଗ୍‌ ଉନ୍‌ଙ୍କ କ୍ରୁରତା ମାନବିକତା ଲଂଘିଛି। ସେ ତାଙ୍କ ଜେନେରାଲଙ୍କୁ ମଣିଷକୁ ମାରି ଖାଉଥିବା ପିରାନ୍ନା ମାଛ...

ନୱାଜ ସରିଫଙ୍କ ସ୍ବାସ୍ଥ୍ୟବସ୍ଥା ଗୁରୁତର: ଇମ୍ରାନ କହିଲେ, କାହା ଜୀବନ ବଞ୍ଚାଇବା ଗ୍ୟାରେଣ୍ଟି ଦେଇପାରିବି ନାହିଁ

ଇସଲାମାବାଦ,୨୯।୧୦: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ସ୍ବାସ୍ଥ୍ୟବସ୍ଥା ଗୁରୁତର ରହିଛି। ପାନାମା ଦୁର୍ନୀତି ମାମଲାରେ ଜେଲ ଦଣ୍ଡାଦେଶ ଭୋଗୁଥିବା ନୱାଜଙ୍କ ସ୍ବାସ୍ଥ୍ୟାବସ୍ଥା ଖରାପ ହେବାରୁ...

ଶ୍ରାଦ୍ଧ ବାଷିର୍କୀରେ ପ୍ରସ୍ତୁତ ହେଲା ମୃତଦେହ ଭଳି କେକ୍‌

ବିଶ୍ୱର କେତେକ ଦେଶରେ ଲୋକଙ୍କ ରହଣି-ସହଣି ଓ ଖାଦ୍ୟ-ପାନୀୟ ମଧ୍ୟ ଭିନ୍ନ ହୋଇଥାଏ। ଜୀବନ ଜିଇଁବାଠାରୁ ଆରମ୍ଭ କରି ମରଣ ପର୍ଯ୍ୟନ୍ତ ସବୁ ଧର୍ମର ପ୍ରଥା...

ମାଛି ମାରୁ ମାରୁ ଘର ଜାଳିଦେଲେ ବୃଦ୍ଧ

ନୂଆଦିଲ୍ଲୀ, ୭।୯: ଜଣେ ୮୦ ବର୍ଷୀୟ ବୃଦ୍ଧ ରାତ୍ରୀ ଭୋଜନ ପାଇଁ ବସିଥିଲେ। ଏହି ସମୟରେ ଗୋଟିଏ ମାଛି ତାଙ୍କ ଖାଇବା ଚାରିପାଖେ ଘୂରି ବୁଲିବା...

Advertisement
Archives

Model This Week