Odisha Elections 2024

ପଞ୍ଜଶିରରେ ପତାକା ଉଡ଼ାଇଲା ତାଲିବାନ୍‌

କାବୁଲ, ୭ା୯: ତାଲିବାନ୍‌ ପାଇଁ ଅଭେଦ୍ୟ ଦୁର୍ଗ ପାଲଟିଥିବା ଆଫଗାନିସ୍ତାନର ପଞ୍ଜଶିର ଉପତ୍ୟକା ସମ୍ପୂର୍ଣ୍ଣ ଭାବେ ନିୟନ୍ତ୍ରଣକୁ ନିଆଯାଇଥିବା ଘୋଷଣା କରିଛିି ତାଲିବାନ୍‌। ଏହି ପ୍ରଦେଶ ଉପରେ ବିଜୟ ହାସଲ ହୋଇଥିବା ତାଲିବାନ୍‌ ମୁଖପାତ୍ର ଜାବିହୁଲ୍ଲା ମୁଜାହିଦ୍‌ ସୋମବାର ଦାବି କରିବା ସହ ଆଫଗାନିସ୍ତାନରେ ଯୁଦ୍ଧ ଶେଷ ହେଲା ବୋଲି କହିଛନ୍ତି। ପଞ୍ଜଶିର ରାଜ୍ୟପାଳ ଅଫିସ୍‌ରେ ତାଲିବାନୀ ନେତା ସେମାନଙ୍କ ପତାକା ଉଡ଼ାଇଛନ୍ତି। ଏହାର ଭିଡିଓ ଏବଂ ଫଟୋ ସୋସିଆଲ ମିଡିଆରେ ଜାରି ହୋଇଛି। ଅନ୍ୟପକ୍ଷରେ ତାଲିବାନ୍‌ର ଏହି ଦାବିକୁ ପୁଣି ଖଣ୍ଡନ କରିଛି ନ୍ୟାଶନାଲ ରେଜିଷ୍ଟାନ୍ସ ଫୋର୍ସ (ଏନ୍‌ଆର୍‌ଏଫ୍‌)। ପ୍ରତିରୋଧୀ ବଳ ଅପରାଜେୟ ଏବଂ ଶେଷ ରକ୍ତବିନ୍ଦୁ ଥିବା ପର୍ଯ୍ୟନ୍ତ ତାଲିବାନ୍‌ ବିରୋଧରେ ଲଢ଼େଇ ଜାରି ରହିବ ବୋଲି ଏନ୍‌ଆର୍‌ଏଫ୍‌ର ନେତୃତ୍ୱ ନେଉଥିବା ପଞ୍ଜଶିରର ସିଂହ ଅହମ୍ମଦ ମାସୁଦ୍‌ ଏକ ଫେସ୍‌ବୁକ୍‌ ପୋଷ୍ଟରେ କହିଛନ୍ତି। ପ୍ରତିରୋଧୀ ବଳ ବିରୋଧରେ ତାଲିବାନ୍‌ ଯୁଦ୍ଧ ନ କରି ପାକିସ୍ତାନ ସେନା ଏବଂ ଆଇଏସ୍‌ଆଇକୁ ଏଥିପାଇଁ ନିୟୋଜିତ କରିଛି ବୋଲି ସେ ପ୍ରକାଶ କରିଛନ୍ତି। ଯୁଦ୍ଧ ବିରତି ଓ ଆଲୋଚନା ପାଇଁ ପ୍ରତିରୋଧୀ ବଳ ପକ୍ଷରୁ ତାଲିବାନ୍‌କୁ ପ୍ରସ୍ତାବ ଦିଆଯାଇଥିଲା। ହେଲେ ତାଲିବାନ୍‌ ଏହାକୁ ଅଗ୍ରାହ୍ୟ କରିଦେଇଥିଲା। ତାଲିବାନ୍‌ ଲଢ଼ୁଆମାନେ ପଞ୍ଜଶିରକୁ ଘେରାଉ ଜାରି ରଖିଥିବାବେଳେ ରବିବାର ରାତିରେ ଉଭୟ ପକ୍ଷ ମଧ୍ୟରେ ଜୋରଦାର ଲଢ଼େଇ ହୋଇଥିଲା। ଏଥିରେ ଏନ୍‌ଆରଏଫ୍‌ର
ଚିଫ୍‌ କମାଣ୍ଡର ସାଲେହ ମହମ୍ମଦ ରେଗିସ୍ତାନିଙ୍କ ମୃତ୍ୟୁ ଘଟିଛି। ଏହା ପୂର୍ବରୁ ପ୍ରତିରୋଧୀ ବଳର ମୁଖପାତ୍ର ଫହିମ୍‌ ଦାସ୍ତି ଏବଂ ମାସୁଦ୍‌ଙ୍କ ଭାଇ ସାହିବ୍‌ ଅବଦୁଲ୍‌ ଓ୍ବାଦୁଦ୍‌ ଜୋହର୍‌ ନିହତ ହୋଇଛନ୍ତି। ପ୍ରତିରୋଧୀ ବଳ ପାଇଁ ଏହା ଏକ ବଡ଼ କ୍ଷତି। ପଞ୍ଜଶିରରୁ ପ୍ରମୁଖ ଅପ୍‌ଡେଟ୍‌ ଦେବା ସହ ତାଲିବାନ୍‌ ବିରୋଧରେ ଲଢ଼େଇ ଜାରି ରହିବ ବୋଲି ଫହିମ୍‌ ଟୁଇଟ କରିଆସୁଥିଲେ। ପଞ୍ଜଶିରରେ ତାଲିବାନ୍‌ ବିରୋଧରେ ଲଢ଼ୁଥିବା ମାସୁଦ୍‌ ଏବଂ ପୂର୍ବତନ ଉପରାଷ୍ଟ୍ରପତି ଅମରୁଲ୍ଲା ସାଲେହ ମଧ୍ୟ ଦେଶ ଛାଡ଼ି ତାଜିକିସ୍ତାନ ପଳାଇ ଯାଇଥିବା ଜାବିହୁଲ୍ଲା କହିଛନ୍ତି। ଏହାକୁ ମଧ୍ୟ ସାଲେହ ଖଣ୍ଡନ କରିଛନ୍ତି। ସେ ପଞ୍ଜଶିରରେ ଅଛନ୍ତି ଏବଂ ତାଲିବାନ୍‌ ସହ ଲଢ଼େଇ ଚାଲିଛି ବୋଲି ସାଲେହ କହିଛନ୍ତି। ମାସୁଦ୍‌ଙ୍କ ଘରକୁ ମଧ୍ୟ ତାଲିବାନ୍‌ ନିୟନ୍ତ୍ରଣକୁ ନେବା ସହ ତାଙ୍କ ପରିବାରର ଅନେକଙ୍କୁ ହତ୍ୟା କରିଛି। ସେପଟେ ପଞ୍ଜଶିରରେ ୧୯୯୬ରୁ ୨୦୦୧ ପର୍ଯ୍ୟନ୍ତ ଇସ୍‌ଲାମିଷ୍ଟ ବିରୋଧରେ ଯୁଦ୍ଧକୁ ଓହ୍ଲାଇଥିବା ଲୋକଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯିବ ନାହିଁ ବୋଲି ଜାବିହୁଲ୍ଲା ପ୍ରତିଶ୍ରୁତି ଦେଇଛନ୍ତି। ଏଣିକି ଆଫଗାନିସ୍ତାନରେ କୌଣସି ପ୍ରକାର ଯୁଦ୍ଧକୁ ଅନୁମତି ମିଳିବ ନାହିଁ। ଯଦି ଏହା ବିରୋଧରେ ଯାଇ କେହି ଅସ୍ତ୍ରଶସ୍ତ୍ର ଉଠାନ୍ତି ତେବେ ସେମାନଙ୍କୁ ଦେଶର ଶତ୍ରୁ ବୋଲି ବିବେଚନା କରାଯାଇ ଦଣ୍ଡବିଧାନ ହେବ ବୋଲି ସେ ଚେତାବନୀ ଦେଇଛନ୍ତି।
ସୂଚନାଯୋଗ୍ୟ, ଅଗଷ୍ଟ ୧୫ରେ ତାଲିବାନ୍‌ ଆଫଗାନିସ୍ତାନ ରାଜଧାନୀ କାବୁଲକୁ ଦଖଲ କରିବା ସହ ପଞ୍ଜଶିରକୁ ଛାଡ଼ି ଅନ୍ୟ ସମସ୍ତ ପ୍ରଦେଶକୁ ନିଜ ଅକ୍ତିଆରକୁ ନେଇଥିଲା। କିନ୍ତୁ ପଞ୍ଜଶିରରେ ତାଲିବାନ୍‌କୁ ଘୋର ବିରୋଧର ସାମ୍‌ନା କରିବାକୁ ପଡ଼ିଛି। ପ୍ରତିରୋଧୀ ବଳ ସହ ଲଢ଼େଇରେ ତାଲିବାନ୍‌ର ଶତାଧିକ ଲଢ଼ୁଆ ନିହତ ହୋଇଛନ୍ତି।


Enter your email to get our daily news in your inbox.

All Right Reserved By Dharitri.Com

ଇରାନ ରାଷ୍ଟ୍ରପତିଙ୍କ ମୃତ୍ୟୁ ଭାରତକୁ ପାଇଁ କାହିଁକି ଝଟ୍‌କା? ଜାଣନ୍ତୁ କାହାକୁ ହେବ ଲାଭ…

ଦୁବାଇ,୨୧।୫: ଇରାନ ରାଷ୍ଟ୍ରପତି ଇବ୍ରାହିମ ରଇସିଙ୍କର ହେଲିକପ୍ଟର ଦୁର୍ଘଟଣାରେ ମୃତ୍ୟୁ ଘଟିଛି। ଆଜରବୈଜାନ ସୀମାନ୍ତ ପ୍ରାର୍ବତ୍ୟାଞ୍ଚଳରେ ରଇସିଙ୍କ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା। ଏହାପଛରେ ଘନ କୁହୁଡ଼ି...

ଇରାନ ରାଷ୍ଟ୍ରପତିଙ୍କ ସମ୍ମାନାର୍ଥେ ଆଜି ଭାରତରେ ଶୋକ: ଅର୍ଦ୍ଧନମିତ ରହିବ ଜାତୀୟ ପତାକା

ନୂଆଦିଲ୍ଲୀ,୨୧।୫: ଇରାନ ରାଷ୍ଟ୍ରପତି ଇବ୍ରାହିମ ରଇସିଙ୍କର ହେଲିକପ୍ଟର ଦୁର୍ଘଟଣାରେ ମୃତ୍ୟୁ ଘଟିଛି। ସୋମବାର ଦୁର୍ଘଟଣାସ୍ଥଳରୁ ରଇସିଙ୍କ ମୃତଦେହ ମିଳିଥିବା ସରକାରୀ ଗଣମାଧ୍ୟମରେ ସ୍ପଷ୍ଟ କରାଯାଇଛି। ରବିବାର...

ଚାଇନାକୁ ନାଲିଆଖି ଦେଖାଇଲେ ତାଇଓ୍ବାନ୍‌ର ନୂଆ ରାଷ୍ଟ୍ରପତି

ତାଇପେଇ ,୨୧ା୫: ତାଇଓ୍ବାନ୍‌ର ନୂଆ ରାଷ୍ଟ୍ରପତି ଭାବେ ଲାଇ ଚିଙ୍ଗ୍‌-ଟେ ଶପଥ ଗ୍ରହଣ କରିଛନ୍ତି। ସ୍ବୟଂଶାସିତ ତାଇଓ୍ବାନକୁ ଚାଇନା ସେନା ଧମକ ଦେବା ବନ୍ଦ କରିବାକୁ...

ଆସ୍ଥାଭୋଟ ଜିତିଲେ ପ୍ରଚଣ୍ଡ

କାଠମାଣ୍ଡୁ ,୨୧ା୫:ନେପାଳ ପ୍ରଧାନମନ୍ତ୍ରୀ ପୁଷ୍ପ କମଲ ଦହଲ ‘ପ୍ରଚଣ୍ଡ’ ସୋମବାର ପାର୍ଲାମେଣ୍ଟରେ ଆସ୍ଥାଭୋଟ ଜିତିଛନ୍ତି। ଦେଶରେ କ୍ଷମତା କନ୍ଦଳ ଲାଗିରହିଥିବାବେଳେ ପ୍ରଚଣ୍ଡଙ୍କ ପାଇଁ ରାଜନୈତିକ ସ୍ଥିରତା...

ପ୍ରତ୍ୟର୍ପଣକୁ ଚ୍ୟାଲେଞ୍ଜ କରିପାରିବେ ଅସାଞ୍ଜ

ଲଣ୍ଡନ,୨୧ା୫: ଆମେରିକାକୁ ପ୍ରତ୍ୟର୍ପଣ ବିରୋଧରେ ଓ୍ବିକିଲିକ୍ସ ଓ୍ବେବ୍‌ସାଇଟ୍‌ର ପ୍ରତିଷ୍ଠାତା ଜୁଲିଅନ୍‌ ଅସାଞ୍ଜ ଅପିଲ୍‌ କରିପାରିବେ ବୋଲି ଲଣ୍ଡନର ଏକ ଅଦାଲତ ସୋମବାର ଅନୁମତି ପ୍ରଦାନ କରିଛନ୍ତି। ଫଳରେ...

ନେତାନ୍ୟାହୁ, ହମାସ୍‌ ନେତାଙ୍କ ନାଁରେ ଗିରଫ ପରଓ୍ବାନା ଜାରି କରିବ ଆଇସିସି

ହେଗ୍‌,୨୧ା୫: ଯୁଦ୍ଧ ଅପରାଧରେ ସମ୍ପୃକ୍ତ ଇସ୍ରାଏଲ୍‌ ପ୍ରଧାନମନ୍ତ୍ରୀ ବେଞ୍ଜାମିନ୍‌ ନେତାନ୍ୟାହୁ, ପ୍ରତିରକ୍ଷା ମନ୍ତ୍ରୀ ୟୋଆଭ୍‌ ଗାଲାଣ୍ଟ, ହମାସ୍‌ ନେତା ୟାହୟା ସିନ୍‌ଓ୍ବାର, ମହମ୍ମଦ ଡିଆବ ଇବ୍ରାହିମ ଅଲ୍‌-ମସ୍ରି...

ମହମ୍ମଦ ମୋଖବେର ଇରାନର କାର୍ଯ୍ୟକାରୀ ରାଷ୍ଟ୍ରପତି

ଦୁବାଇ,୨୦ା୫: ହେଲିକପ୍ଟର ଦୁର୍ଘଟଣାରେ ଇରାନ ରାଷ୍ଟ୍ରପତି ଇବ୍ରାହିମ ରଇସିଙ୍କର ମୃତ୍ୟୁ ଘଟିବା ପରେ ଦେଶର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମନେଇ ସୋମବାର ପ୍ରଥମ ଉପରାଷ୍ଟ୍ରପତି...

ଶେଷ ହେଉଛି ଜେଲନସ୍କିଙ୍କ ଟର୍ମ, ଏବେ ପ୍ରଶ୍ନ କ’ଣ ହେବ ୟୁକ୍ରେନରେ

କ୍ୱିଭ,୨୦।୫: ୟୁକ୍ରେନର ରାଷ୍ଟ୍ରପତି ଭୋଲୋଡେମିର ଜେଲେନସ୍କିଙ୍କ କାର୍ଯ୍ୟକାଳ ନିୟମ ଅନୁଯାୟୀ ଆଜି ବା ସୋମବାର ଶେଷ ହେଉଛି, କିନ୍ତୁ ସେ ତାଙ୍କ ପଦରେ ରହିବେ। ତେବେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri