ନୂଆଦିଲ୍ଲୀ,୪।୧୦: ଆସନ୍ତା ଅକ୍ଟୋବର ୧୭ରୁ ୟୁଏଇ ଏବଂ ଓମାନରେ ଆରମ୍ଭ ହେବାକୁ ଥିବା ଟି -୨୦ ବିଶ୍ୱକପ ବିଷୟରେ ଏକ ଖୁସି ଖବର ଅଛି। ଏହି ଟୁର୍ନାମେଣ୍ଟ ସମୟରେ ୭୦ ଦର୍ଶକଙ୍କୁ ଷ୍ଟାଡିୟମରେ ବସି ମ୍ୟାଚ୍ ଦେଖିବାକୁ ଅନୁମତି ଦିଆଯିବ। ଆଇସିସି ଏବଂ ଟୁର୍ନାମେଣ୍ଟର ଆୟୋଜକ ବିସିସିଆଇ ୟୁଏଇ ସରକାରଙ୍କ ଅନୁମୋଦନ ଲାଭ କରିଛି। ଏଥି ସହିତ ଆଇସିସି ଟି -୨୦ ବିଶ୍ୱକପ ପାଇଁ ଟିକେଟ ବିକ୍ରି ଆରମ୍ଭ ହୋଇଛି। ଏହି ଟୁର୍ନାମେଣ୍ଟ ଅକ୍ଟୋବର ୧୭ରେ ମସ୍କଟରେ ଆରମ୍ଭ ହୋଇଥିବାବେଳେ ଫାଇନାଲ ନଭେମ୍ବର ୧୪ରେ ଦୁବାଇରେ ଅନୁଷ୍ଠିତ ହେବ।
ଆଇସିସି କାର୍ଯ୍ୟକାରୀ ସିଇଓ ଜିଓଫ ଆଲାର୍ଡାଇସ ଏକ ବିବୃତ୍ତିରେ କହିଛନ୍ତି ଯେ, ଓମାନ ଏବଂ ୟୁଏଇରେ ଅନ୍ତର୍ଜାତୀୟ କ୍ରିକେଟରେ ପ୍ରଶଂସକଙ୍କୁ ସ୍ବାଗତ କରି ଆମେ ଆନନ୍ଦିତ। ପ୍ରଶଂସକମାନେ ଟି -୨୦ ବିଶ୍ୱକପ ଦେଖିବାର ସୁଯୋଗ ପାଇବେ। ପ୍ରଶଂସକମାନେ ସୁରକ୍ଷିତ ପରିବେଶରେ କ୍ରିକେଟ ଦେଖିବା ନିଶ୍ଚିତ କରିଥିବାରୁ ଆମର ଆୟୋଜକ ବିସିସିଆଇ, ଏମିରେଟ୍ସ କ୍ରିକେଟ ବୋର୍ଡ (ଇସିବି) ଏବଂ ଓମାନ କ୍ରିକେଟ ତଥା ଏହି ଅଞ୍ଚଳର ସ୍ଥାନୀୟ ସରକାରଙ୍କୁ ଧନ୍ୟବାଦ। ସେ ଆହୁରି ମଧ୍ୟ କହିଛନ୍ତି ଯେ ସବୁ ସମୟର ସବୁଠାରୁ ବଡ କ୍ରୀଡା ଇଭେଣ୍ଟ ଏହି ସ୍ଥାନରେ ଅନୁଷ୍ଠିତ ହେବାକୁ ଯାଉଛି। ଏଭଳି ପରିସ୍ଥିତିରେ, ଆମେ ଚାହୁଁ ଯେ ଏହି ଟୁର୍ନାମେଣ୍ଟରେ ଅଂଶଗ୍ରହଣ କରୁଥିବା ସମସ୍ତ ୧୬ଟି ଦେଶର ଉତ୍ସାହୀ ପ୍ରଶଂସକମାନେ ଏହି ଖେଳକୁ ଉପଭୋଗ କରିପାରିବେ। ଏହି ଟୁର୍ନାମେଣ୍ଟକୁ ସମସ୍ତଙ୍କ ପାଇଁ ସୁରକ୍ଷିତ କରିବା ପାଇଁ ଆମେ ସବୁକିଛି କରୁଛୁ। ଗତ ଟି -୨୦ ବିଶ୍ୱକପ ହେବାର ପାଞ୍ଚ ବର୍ଷ ବିତିଗଲାଣି ଏବଂ ଆମେ ବିଶ୍ୱର ଶ୍ରେଷ୍ଠ ଖେଳାଳିମାନଙ୍କୁ ଓମାନ ଏବଂ ୟୁଏଇକୁ ଆସିବା ଏବଂ ଟି -୨୦ କ୍ରିକେଟରେ ନିଜର ଶ୍ରେଷ୍ଠ ପ୍ରଦର୍ଶନ ପାଇଁ ଆଉ ଅପେକ୍ଷା କରାଇପାରିବୁ ନାହିଁ। ଅକ୍ଟୋବର୧୭ରେ ମସ୍କାଟରେ ଓମାନ ଏବଂ ପାପୁଆ ନ୍ୟୁ ଗିନି ମଧ୍ୟରେ ଟି -୨୦ ବିଶ୍ୱକପର ପ୍ରଥମ ମ୍ୟାଚ ଖେଳାଯିବ। ସେହି ଦିନ ବାଂଲାଦେଶ ଏବଂ ସ୍କଟଲ୍ୟାଣ୍ଡ ମଧ୍ୟ ଭେଟ ହେବ। ୟଏଥି ସହିତ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ମଧ୍ୟରେ ସୁପର -୧୨ର ପ୍ରଥମ ମ୍ୟାଚ ୨୩ଅକ୍ଟୋବରରେ ଆବୁଧାବିରେ ଅନୁଷ୍ଠିତ ହେବ। ଅକ୍ଟୋବର ୨୪ରେ ଦୁବାଇରେ ଭାରତ ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚ ଖେଳିବ।
