ମୁମ୍ବାଇ,୪।୧୦: ଅଭିନେତା ଗାୟତ୍ରୀ ଯୋଶୀଙ୍କ କାର୍ ଧକ୍କାରେ ୨ ଜଣଙ୍କ ମୃତ୍ୟୁ ଘଟିଛି। ଇଟାଲୀରେ ଯାତ୍ରା କରୁଥିବା ସମୟରେ ଗାୟତ୍ରୀ ଏବଂ ତାଙ୍କ ସ୍ବାମୀ ବିକାଶ ଓବରୟଙ୍କ କାର ଏକ ଦୁର୍ଘଟଣାର ସମ୍ମୁଖୀନ ହୋଇଛି। ଦୁର୍ଘଟଣା ସମୟରେ ଉଭୟ ସାର୍ଡିନାରେ ଛୁଟି କାଟୁଥିଲେ। ଏହି ଦୁର୍ଘଟଣାରେ ଉଭୟ ସ୍ବାମୀ-ସ୍ତ୍ରୀ ସୁରକ୍ଷିତ ଥିବା ବିକାଶଙ୍କ ମ୍ୟାନେଜର ସୂଚନା ଦେଇଛନ୍ତି।
ଖବର ମୁତାବକ, ଗାୟତ୍ରୀ ଏବଂ ବିକାଶଙ୍କ ଲମ୍ବୋର୍ଗିନି କାର ସାର୍ଡିନାରେ ଫେରାରି ଏବଂ କ୍ୟାମ୍ପର୍ ଗାଡି ସହିତ ମୁହାଁମୁହିଁ ଧକ୍କା ହୋଇଥିଲା। ଧକ୍କା ହେବା ଫଳରେ ଫେରେରି କାରରେ ନିଆଁ ଲାଗିଯିବାରୁ ଏଥିରେ ଥିବା ୬୩ ବର୍ଷିୟା ମେଲିସା କ୍ରଟଲି ଏବଂ ୬୭ ବର୍ଷିୟ ମାର୍କସ କ୍ରୋଟଲି ପ୍ରାଣ ହରାଇଥିଲେ। କ୍ରଟଲି ଦମ୍ପତି ମୂଳତଃ ସ୍ବିଜରଲ୍ୟାଣ୍ଡର ବାସିନ୍ଦା ଥିଲେ।
ମହାରାଷ୍ଟ୍ରର ନାଗପୁରରେ ଜନ୍ମଗ୍ରହଣ କରିଥିବା ଗାୟତ୍ରୀ ଯୋଶୀ ଏକ ଭିଡିଓ ଜକି ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ ଏବଂ ପରେ ଫେମିନା ମିସ ଇଣ୍ଡିଆ ଜିତିବା ଲକ୍ଷ୍ୟରେ କଠିନ ପରିଶ୍ରମ ଆରମ୍ଭ କରିଥିଲେ। ୨୦୦୦ରେ ଗାୟତ୍ରୀ ଫେମିନା ମିସ ଇଣ୍ଡିଆ ଇଣ୍ଟରନ୍ୟାଶନାଲ୍ ଟାଇଟଲ ଜିତିଥିଲେ ଏବଂ ମିସ ଇଣ୍ଟରନ୍ୟାଶନାଲ ୨୦୦୦ ପ୍ରତିଯୋଗିତାରେ ଭାରତର ପ୍ରତିନିଧିତ୍ୱ କରିଥିଲେ। ଏହା ପରେ ଗାୟତ୍ରୀ ୨୦୦୪ରେ ଫିଲ୍ମ ‘ସ୍ବଦେଶ’ରେ ଅଭିନୟ କରିଥିଲେ।
Two deaths on a Ferrari in Sardina, Italy pic.twitter.com/skT3CaXg0T
— Globe Clips (@globeclip) October 3, 2023
