ବଲିଉଡ ଅଭିନେତା ସୁଶାନ୍ତ ସିଂଙ୍କ ଆତ୍ମହତ୍ୟା ଧୀରେ ଧୀରେ ଜଟିଳ ହେବାରେ ଲାଗିଛି। ତଥାକଥିତ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ନାଁରେ ସୁଶାନ୍ତଙ୍କ ପିତା ବିହାର ଥାନାରେ ଏତଲା ଦେବାପରେ ମାମଲା ଆହୁରି ଜଟିଳ ହୋଇପଡିଛି। ରିୟା ମଧ୍ୟ ସୁପ୍ରିମକୋର୍ଟରେ ପହଞ୍ଚି ମାମଲାର ନିରପେକ୍ଷ ତଦନ୍ତ ପାଇଁ ଅପିଲ କରିଛନ୍ତି। ସେ ମାମଲାର ଦୁଇ ଯାଗାରେ ଯାଞ୍ଚ ହେବାକୁ ବିରୋଧ କରିଛନ୍ତି। ମାମଲାର ଯାଞ୍ଚ୍ ମୁମ୍ବାଇରେ ହିଁ କରାଯାଉ ବୋଲି ସେ ଦାବି କରିଛନ୍ତି। ରିୟା ସୁପ୍ରିମ କୋର୍ଟରେ ଦାଖଲ କରିଥିବା ଯାଚିକାରେ ମାନିଛନ୍ତି କି ମୁଁ ସୁଶାନ୍ତଙ୍କ ସହ ଲିଭ୍ ଇନ୍ ରିଲେସନଶିପ୍ରେ ଥିଲି। ସେ ସବୁବେଳେ ଡିପ୍ରେସନରେ ରହୁଥିଲେ । ତାଙ୍କ ପିତା ମୋ ନାଁରେ ଯେଉଁ ଅଭିଯୋଗ କରିଛନ୍ତି ତାହା ସମ୍ପୂର୍ଣ୍ଣ ମିଥ୍ୟା। ସୁଶାନ୍ତଙ୍କ ମୃତ୍ୟୁ ପରେ ମୋତେ ହତ୍ୟା ଆଉ ରେପ୍ ଧକ ଦିଆଯାଉଛି। ପୂର୍ବରୁ ଏନେଇ ମୁମ୍ବାଇ ପୋଲିସକୁ ଜଣାଇସାରିଛି ବୋଲି ସେ କହିଛନ୍ତି। ଗୁରୁବାର ସୁଶାନ୍ତଙ୍କ ମାମଲାର ସିବିଆଇ ଯାଞ୍ଚ ପାଇଁ କରାଯାଇଥିବା ଜନସ୍ବାର୍ଥ ମାମଲାକୁ ସୁପ୍ରିମୋର୍ଟ ଖାରଜ କରିଛନ୍ତି।
