ନୂଆଦିଲ୍ଲୀ,୧୫।୧୧: ସୂର୍ଯ୍ୟକୁମାର ଯାଦବଙ୍କ ଅଧିନାୟକତ୍ୱରେ ଭାରତ ୨୦୨୬ ଟି-୨୦ ବିଶ୍ୱକପ ଜିତିଥିଲା। ଏହି ଟୁର୍ନାମେଣ୍ଟ ପରେ ତାଙ୍କୁ ଭାରତୀୟ ଦଳରୁ ବାହାର କରିଦିଆଗଲା ଏବଂ ଶ୍ରେୟସ ଆୟରଙ୍କୁ ନୂତନ ଅଧିନାୟକ କରାଗଲା। ସୂର୍ଯ୍ୟ ମାସ ମାସର ବ୍ରେକ ପରେ ବର୍ତ୍ତମାନ ପ୍ରତ୍ୟାବର୍ତ୍ତନର ପ୍ରସ୍ତୁତି ଆରମ୍ଭ କରିଦେଇଛନ୍ତି। ସେ ସୟଦ ମୁସ୍ତାକ ଅଲି ଟ୍ରଫିର ପ୍ରଥମ ମ୍ୟାଚରେ ୨୧ ବଲରୁ ୬୦ ରନର ଏକ ଦମଦାର୍ ଇନିଂସ ଖେଳିଥିଲେ। ମ୍ୟାଚ ପରେ ଟିମ ଇଣ୍ଡିଆରୁ ବାହାର ହେବା ନେଇ ସୂର୍ଯ୍ୟଙ୍କ ଦୁଃଖ ପ୍ରକାଶ ପାଇବା ସହ ସେ ଶୀଘ୍ର ପ୍ରତ୍ୟାବର୍ତ୍ତନ କରିବାର ଦୃଢ଼ ସଙ୍କଳ୍ପ ମଧ୍ୟ ନେଇଛନ୍ତି।
ସୂର୍ଯ୍ୟକୁମାର ଯାଦବ ହାଇଦ୍ରାବାଦ ବିପକ୍ଷରେ ଧୂଆଁଧାର ଇନିଂସ ଏବଂ ‘ପ୍ଲେୟାର୍ ଅଫ ଦ ମ୍ୟାଚ’ ଜିତିବା ପରେ ଏକ ବଡ଼ ବୟାନ ଦେଇଛନ୍ତି। କ୍ରିକଇନଫୋ ସହ କଥା ହେଉଥିବାବେଳେ ସୂର୍ଯ୍ୟ କହିଛନ୍ତି ଯେ ଟିମ ଇଣ୍ଡିଆରୁ ବାହାର ହେବା ପରେ ସେ ଅତ୍ୟନ୍ତ ନିରାଶ ଥିଲେ, କିନ୍ତୁ ବର୍ତ୍ତମାନ ସେ ପ୍ରତ୍ୟାବର୍ତ୍ତନ କରିବା ପାଇଁ ମନସ୍ଥ କରିସାରିଛନ୍ତି। ପୂର୍ୱତନ ଭାରତୀୟ ଅଧିନାୟକ କହିଛନ୍ତି, ‘ଘରେ ଆଇସିସି ଇଭେଣ୍ଟ ଜିତିବା ସହଜ ନୁହେଁ ଏବଂ ଏହି କାମ ପୂର୍ୱରୁ କେହି କରିନଥିଲେ। ଟୁର୍ଣ୍ଣାମେଣ୍ଟ ଜିତି ବହୁତ ଭଲ ଲାଗିଲା। ତଥାପି, ଚୟନକର୍ତ୍ତାମାନେ କିଛି ଅନ୍ୟକିଛି ଚିନ୍ତା କଲେ ଏବଂ ଏହି ପରିବର୍ତ୍ତନ କଲେ। ମୁଁ ନିଶ୍ଚିତ ଭାବରେ ନିରାଶ ଥିଲି। ଯଦି ଆପଣ ଏହିସବୁ ପରିସ୍ଥିତି ସତ୍ତ୍ୱେ ଅସନ୍ତୁଷ୍ଟ ନୁହଁନ୍ତି, ତେବେ ଆପଣ ଏହାକୁ ନିଜର ଜୋସ (ପ୍ୟାସନ) କିପରି ବନାଇବେ? ବର୍ତ୍ତମାନ ମୋ ଭିତରେ ଭାରତ ପାଇଁ ପୁଣିଥରେ ଖେଳିବାର ଭୋକ ଜାଗିଉଠିଛି।’
ସୂର୍ଯ୍ୟ ଆହୁରି ମଧ୍ୟ କହିଛନ୍ତି, ‘ମୁଁ ଦେଶ ପାଇଁ ପୁଣିଥରେ ଖେଳିବାକୁ ଚାହେଁ। ଏହି କାରଣରୁ ମୋତେ ବର୍ତ୍ତମାନ ଚୟନକର୍ତ୍ତାମାନଙ୍କ ଦ୍ୱାରା କରାଯାଇଥିବା କଟକଣା ବା ଦ୍ୱାରକୁ ଖଟଖଟାଇବାକୁ ପଡ଼ିବ। ମୋର ଲକ୍ଷ୍ୟ ସ୍ପଷ୍ଟ ଅଛି- ମୋତେ କମବ୍ୟାକ (ପ୍ରତ୍ୟାବର୍ତ୍ତନ) କରିବାକୁ ହେବ।’
‘ଏମ.ଏସ. ଧୋନୀ: ଦ ଅନଟୋଲ୍ଡ ଷ୍ଟୋରୀ’ ଫିଲ୍ମରେ ମହେନ୍ଦ୍ର ସିଂହ ଧୋନୀଙ୍କୁ ଚୟନକର୍ତ୍ତାମାନଙ୍କୁ ପ୍ରଭାବିତ କରିବା ପାଇଁ ସେମାନଙ୍କ ସାମ୍ନାରେ ଛକା ମାରିବାକୁ ପରାମର୍ଶ ଦିଆଯାଇଥାଏ। ସୂର୍ଯ୍ୟ ମଧ୍ୟ ମଜାକିଆ ଅନ୍ଦାଜରେ ସେହି ଉପାୟ ଆପଣାଇବା ଏବଂ ଚୟନକର୍ତ୍ତାଙ୍କ ମନରେ ନିଜ କମବ୍ୟାକ କଥା ପକାଇବାର ଚେଷ୍ଟା କରିଛନ୍ତି। ସୂର୍ଯ୍ୟକୁମାର ଯାଦବ କହିଛନ୍ତି, ‘ଧୋନୀଙ୍କ ଫିଲ୍ମରେ ତାଙ୍କର ସାଙ୍ଗମାନେ ତାଙ୍କୁ ଚୟନକର୍ତ୍ତାଙ୍କ ସାମ୍ନାରେ ଛକା ମାରିବାକୁ କୁହନ୍ତି। ଆଜି ମୋର କିଛି ଏହିଭଳି ପ୍ଲାନ ଥିଲା। ଯଦି ଚୟନକର୍ତ୍ତାମାନେ ସିଧାସଳଖ ବାଉଣ୍ଡ୍ରି ସାମ୍ନାରେ ବସିଥା’ନ୍ତେ, ତେବେ ବହୁତ ଭଲ ହୋଇଥା’ନ୍ତା। ମୋର ଲକ୍ଷ୍ୟ ହେଉଛି କ୍ରମାଗତ ଭାବରେ ରନ କରିବା ଏବଂ ଦଳକୁ ଜିତାଇବା। ମୁଁ ଏହି ମନୋରଞ୍ଜନକାରୀ ଫର୍ମାଟ୍ର ଆନନ୍ଦ ଉଠାଉଛି ଏବଂ କୌଣସି ଚାପ ବିନା ଖେଳିବାକୁ ଚାହେଁ।’
ସୂଚନାଯୋଗ୍ୟ ଯେ ଅଧିନାୟକ ସୂର୍ଯ୍ୟକୁମାର ଯାଦବଙ୍କ ଇନିଂସ ଏବଂ ମୁଶୀର ଖାନଙ୍କ ଅର୍ଦ୍ଧଶତକ ବଳରେ ମୁମ୍ୱାଇ ଟିମ ସୟଦ ମୁସ୍ତାକ ଅଲି ଟ୍ରଫିର ନିଜର ପ୍ରଥମ ମ୍ୟାଚ ଜିତି ନେଇଛି। ହାଇଦ୍ରାବାଦ ଦ୍ୱାରା ଦିଆଯାଇଥିବା ୧୭୩ ରନ୍ର ଲକ୍ଷ୍ୟକୁ ସେମାନେ ୧୩.୧ ଓଭରରେ ସଫଳତାର ସହ ପିଛା କରିନେଇଥିଲେ ଏବଂ ୭ ଓୱିକେଟ୍ରେ ବିଜୟ ହାସଲ କରିଥିଲେ।
