ଏବେ ଚାଲିଛି ପ୍ରେମ ସପ୍ତାହ ବା ଭାଲେଣ୍ଟାଇନ୍ସ ଓ୍ବିକ୍। କେଉଁ ଦିନ ଗୋଲାପ ତ ଆଉ କେଉଁ ଦିନ ଟେଡି ଏବଂ ଚକୋଲେଟ୍ ଦେଇ ନିଜ ପାର୍ଟନରଙ୍କୁ ଖୁସି କରିବାରେ ଲାଗି ପଡ଼ିଛନ୍ତି ଅନେକେ । ତେବେ ଦିବସ ଅନୁଯାୟୀ ଏହିସବୁ ଗିଫ୍ଟ ତ ଜଣାଶୁଣା, ତେଣୁ ଭାଲେଣ୍ଟାଇନ୍ସ ଡେ’ରେ ନିଜ ପାର୍ଟନରଙ୍କୁ କ’ଣ ସରପ୍ରାଇଜ୍ ଗିଫ୍ଟ ଦେବେ ତା’କୁ ନେଇ ଅନେକେ ଦ୍ୱନ୍ଦ୍ୱରେ। ଯଦି ଆପଣ ବି ଏମିତି ଭାବୁଛନ୍ତି, ତେବେ ଜାଣିରଖନ୍ତୁ କିଛି ଗିଫ୍ଟ ଆଇଡିଆ…
ମ୍ୟାଜିକ୍ କଫି ମଗ୍: ଯଦି ଆପଣଙ୍କ ପାର୍ଟନର ଚା କିମ୍ବା କଫି ପିଇବାକୁ ଭଲପାଆନ୍ତି, ତେବେ ତାଙ୍କୁ କପଲ୍ ଫଟୋ ପ୍ରିଣ୍ଟ କଫି ମଗ୍ ଗିଫ୍ଟ କରନ୍ତୁ, ଦେଖିବେ ତାଙ୍କୁ ଖୁବ୍ ପସନ୍ଦ ଆସିବ। ଏହାକୁ ଆହୁରି ମଜାଦାର କରିବାକୁ ଚାହୁଁଥିଲେ ମ୍ୟାଜିକ୍ କଫି ମଗ୍ ଦିଅନ୍ତୁ, ଯାହାକି ଦେଖିବାକୁ ସିଙ୍ଗଲ୍ କଲରର ହୋଇଥିବା ବେଳେ ଏଥିରେ ଗରମ ଚା, କଫି ଭର୍ତ୍ତି ହେବା ମାତ୍ରେ ଧୀରେ ଧୀରେ ଫଟୋ ଦେଖାଯାଇଥାଏ।
ଫଟୋ ପ୍ରିଣ୍ଟ ଟି-ଶାର୍ଟ: ଉଭୟଙ୍କ ଫଟୋ ପ୍ରିଣ୍ଟ ଟି-ଶାର୍ଟ ସର୍ପ୍ରାଇଜ୍ ଭାଲେଣ୍ଟାଇନ୍ସ ଡେ ଗିଫ୍ଟ ପାଇଁ ବେଷ୍ଟ ଅପ୍ସନ। ଏହି ଗିଫ୍ଟ ପାଇବା ପରେ ଆପଣଙ୍କ ପାର୍ଟନର୍ଙ୍କୁ ଯେତିକି ଖୁସି ନ ମିଳିବ, ଏହାକୁ ପିନ୍ଧି କପଲ୍ ଫଟୋ ଶୁଟ୍ କରିବାରେ ତା’ଠୁ ଅଧିକ ଆନନ୍ଦ ମିଳିବ। ଯାହାକି ଆପଣଙ୍କ ଭାଲେଣ୍ଟାଇନ୍ସ ଡେ ସେଲିବ୍ରେଶନ୍କୁ ଆହୁରି ସ୍ପେଶାଲ କରିଦେବ।
କପଲ୍ ରିଙ୍ଗ୍/ ଲକେଟ୍: ଦିନକୁ ଦିନ ବିଭିନ୍ନ କପଲ୍ ଗିଫ୍ଟ ଆଇଟମ୍ର ବଢ଼ୁଥିବା ଡିମାଣ୍ଡକୁ ଆଖି ଆଗରେ ରଖି ଜୁଏଲେରି ଶପ୍ଗୁଡ଼ିକରେ ମଧ୍ୟ କପଲ୍ ରିଙ୍ଗ୍ ସେଟ୍ ଏବଂ ଲକେଟ୍ ବା ପେଣ୍ଡେଣ୍ଟ ଆଦିର ଏକାଧିକ କଲେକ୍ସନ ରଖୁଛନ୍ତି। ଯାହାକି ନିର୍ବନ୍ଧ, ବିବାହ ଆଦି ସମୟ ବ୍ୟତୀତ ଭାଲେଣ୍ଟାଇନ୍ସ ଡେ’ରେ ସର୍ବାଧିକ ବିକ୍ରି ହେଉଥିବା ଦେଖିବାକୁ ମିଳୁଛି। ହାର୍ଟସେପ୍ ପେଣ୍ଡେଣ୍ଟରେ ଫଟୋ ରଖିବାର ଅପ୍ସନ ଥିବାରୁ ଏହା ଆଇକ୍ୟାଚି ଲାଗିବା ସହ ସଭିଙ୍କୁ ଖୁବ୍ ପସନ୍ଦ ମଧ୍ୟ ଆସିବ। ପାର୍ଟନରଙ୍କୁ ଏଭଳି ଗିଫ୍ଟ ଦେଇ ଭାଲେଣ୍ଟାଇନ୍ସ ଡେକୁ ଅଧିକ ଖାସ୍ କରିପାରିବେ।
ଗିଫ୍ଟ ଭାଉଚର୍: ବେଳେବେଳେ କ’ଣ ଗିଫ୍ଟ ଦେଲେ ପାର୍ଟନର ଖୁସି ହେବେ ଭାବିବା ଭିତରେ ଭାଲେଣ୍ଟାଇନ୍ସ ଡେ’ ଆସି ପହଞ୍ଚତ୍ୟାଏ ଏବଂ ସବୁ ପ୍ଲାନିଂ ବେକାର ହୋଇଯାଏ। ହେଲେ ଏଭଳି କ୍ଷେତ୍ରରେ ଗିଫ୍ଟ ଭାଉଚର ଆପଣଙ୍କ ପାଇଁ ସବୁଠୁ ଭଲ ଆଇଡିଆ। କିଶୋରମାନେ କିଶୋରୀଙ୍କୁ ବ୍ୟୁଟିପାର୍ଲର, ସ୍ପା କିମ୍ବା ଶପିଂ ଆଦିରେ ସ୍ପେଶାଲ୍ ଭାଉଚର୍ ଗିଫ୍ଟ କରିପାରିବେ। ସେହିପରି ଯୁବତୀମାନେ ଗାର୍ମେଣ୍ଟ, ଶୁଜ୍, ଓ୍ବାଚ୍ କିମ୍ବା ଇ- ଗ୍ୟାଜେଟ୍ ଆଦିର ଭାଉଚର ଗିଫ୍ଟ କରିପାରିବେ। ଏହାଦ୍ୱାରା ପାର୍ଟନରଙ୍କୁ ନିଜେ ଉପହାର ଚୟନ କରିବାର ସୁଯୋଗ ମିଳିବା ସହ ମନ ଖୁସି ମଧ୍ୟ ହେବ।
