ନୂଆଦିଲ୍ଲୀ,୧୦ ।୯: ବୁଲା କୁକୁର କାମୁଡା ଘଟଣାରେ ସୁପ୍ରିମକୋର୍ଟ କହିଛନ୍ତି, ଯେଉଁ ବ୍ୟକ୍ତିମାନେ ବୁଲା କୁକୁରଙ୍କୁ ଖାଇବାକୁ ଦେଉଛନ୍ତି, ସେମାନଙ୍କ ଟିକାକରଣର ଦାୟିତ୍ୱ ମଧ୍ୟ ସେହିମାନେ ନେବେ । ସେହି କୁକର ଯଦି କାହାକୁ କାମୁଡିଲା ତେବେ ତାଙ୍କର ଚିକିତ୍ସା ଓ କ୍ଷତି ପୁରଣ ମଧ୍ୟ କୁକୁରକୁ ଖାଇବାକୁ ଦେଉଥିବା ବ୍ୟକ୍ତି ବହନ କରିବା କଥା ।
ଜଷ୍ଟିଶ ସଞ୍ଜିବ ଖାନ୍ନା ଓ ଜଷ୍ଟିଶ ଜେକେ ମାହେଶ୍ୱରିଙ୍କ ଖଣ୍ଡପିଠ ଏହି ମାମଲାର ଶୁଣାଣି କରି ଶୁକ୍ରବାର କହିଛନ୍ତି, ଆମକୁ ଏହି ସମସ୍ୟାର ସମଧାନ ବାହାର କରିବାକୁ ପଡିବ । ଜଷ୍ଟିଶ ଖାନ୍ନା କହିଛନ୍ତି, ଆମ ମଧ୍ୟରୁ ଅଧିକାଂଶ ଲୋକେ କୁକୁରକୁ ଭଲ ପାଆନ୍ତି ଖାଇବାକୁ ଦିଅନ୍ତି । ଲୋକେ ଚାହିଁଲେ ସେହି କୁକୁରମାନଙ୍କୁ ପାଳନ ବି କରିପାରିବେ, ହେଲେ ସେମାନଙ୍କୁ ଚିହ୍ନଟ କରିବା ଦରକାର । ହେଲେ ଚିପ ଜରିଆରେ ଚିହ୍ନଟ କରିବା ସପକ୍ଷରେ ସେ ନୁହଁନ୍ତ ବୋଲି କହିଛନ୍ତି । ଏହି ମାମଲାର ପରବର୍ତ୍ତି ଶୁଣାଣି ୨୮ ସେପ୍ଟେମ୍ବରରେ ହେବ ।
