ନୂଆଦିଲ୍ଲୀ,୧୩।୧୨: ସୁପ୍ରିମକୋର୍ଟ ବୁଧବାର ବୁଲଡୋଜର କାର୍ଯ୍ୟାନୁଷ୍ଠାନ ଉପରେ ଶୁଣାଣି ସମୟରେ ଏକ ବଡ଼ ମନ୍ତବ୍ୟ ଦେଇଛନ୍ତି। ସରକାରୀ କ୍ଷମତାର ଅପବ୍ୟବହାର କରାଯିବା ଉଚିତ୍ ନୁହେଁ ବୋଲି କୋର୍ଟ କହିଛନ୍ତି। ବିଚାରପତି ଏହି ରାୟ ପଢୁଛନ୍ତି। ଜଷ୍ଟିସ ଗାଭାଇ କବି ପ୍ରଦୀପଙ୍କ ଏକ କବିତାକୁ ଉଦ୍ଧୃତ କରି କହିଛନ୍ତି ଯେ ଘର ଏକ ସ୍ବପ୍ନ, ଯାହା କେବେ ଭାଙ୍ଗି ପାରିବ ନାହିଁ। ଶୁଣାଣି ସମୟରେ ଜଜ୍ କହିଛନ୍ତି, ଆମେ ସମସ୍ତ ଯୁକ୍ତି ଶୁଣିଛୁ। ଗଣତାନ୍ତ୍ରିକ ନୀତିକୁ ବିଚାର କରିଛୁ। ନ୍ୟାୟର ନୀତିକୁ ବିଚାର କରିଛୁ।
ବିଚାରପତି ଆହୁରି କହିଛନ୍ତି ଯେ ଲୋକମାନେ ଅନୁଭବ କରିବା ଉଚିତ୍ ଯେ ସେମାନଙ୍କର ଅଧିକାର ସେହିଭଳି ଛଡ଼ାଇ ନିଆଯାଇପାରିବ ନାହିଁ । ସରକାରୀ କ୍ଷମତାର ଅପବ୍ୟବହାର କରାଯାଇପାରିବ ନାହିଁ । ଆମେ ନିର୍ଦ୍ଦେଶାବଳୀ ଦେବା ଉଚିତ କି ନାହିଁ ଆମେ ବିଚାର କରିଛୁ। ବିନା ବିଚାରରେ ଘର ଭାଙ୍ଗି କାହାକୁ ଦଣ୍ଡ ଦିଆଯାଇପାରିବ ନାହିଁ। ଆମର ସିଦ୍ଧାନ୍ତ ହେଉଛି ଯଦି ପ୍ରଶାସନ ମନଇଚ୍ଛା ଘର ଭାଙ୍ଗେ, ତା’ହେଲେ ଅଧିକାରୀମାନଙ୍କୁ ଏଥିପାଇଁ ଜବାବ ଦେବାକୁ ପଡ଼ିବ। ସୁପ୍ରିମକୋର୍ଟ ଦୁଇ ଜଣ ବିଚାରପତିଙ୍କ ବେଞ୍ଚ ସରକାରଙ୍କ ମନମୁଖୀ କାର୍ଯ୍ୟାନୁଷ୍ଠାନ ଉପରେ ରୋକ ଲଗାଇଛନ୍ତି। ଘରଗୁଡ଼ିକୁ ମନଇଚ୍ଛା ଭାଙ୍ଗିବା ଆଇନର ଉଲ୍ଲଂଘନ ବୋଲି କହିଛନ୍ତି। ଏ ମାମଲାରେ ରାଜ୍ୟ ସରକାରଙ୍କୁ ତାଗିଦ କରିଛନ୍ତି ସର୍ବୋଚ୍ଚ ଅଦାଲତ। ମାମଲାରେ ଗାଇଡଲାଇନ ଜାରି କରି ସୁପ୍ରିମକୋର୍ଟ କହିଛନ୍ତି କାର୍ଯ୍ୟପାଳିକା, ନ୍ୟାୟପାଳିକାର ଭୂମିକା ନେଇପାରିବନି।
ଅପରାଧ ପାଇଁ ଦଣ୍ଡ ଦେବା କୋର୍ଟର କାମ ପ୍ରଶାସନର ନୁହେଁ। ଅଧିକାରୀମାନେ ଅଦାଲତ ଭଳି କାମ କରିପାରିବେ ନାହିଁ। କାହାର ବି ମୁଣ୍ଡ ଉପରୁ ଛାତ ଛ ନେବା ଠିକ ନୁହେଁ। ଅଭିଯୁକ୍ତ ଏବଂ ଦୋଷୀଙ୍କର ମଧ୍ୟ କିଛି ଅଧିକାର ରହିଛି। କେବଳ ଅଭିଯୁକ୍ତ ଦର୍ଶାଇ ତାଙ୍କ ଘର ଭାଙ୍ଗିବା ଆଇନର ଉଲ୍ଲଂଘନ ଅଟେ ଅଦାଲତ କହିଛନ୍ତି।
