ଭଦ୍ରକ,୧୩।୧୧(ସନାତନ ରାଉତ): ଭଦ୍ରକ ବ୍ଲକ ବନ୍ଧଗାଁ ପୂର୍ବତନ ସରପଞ୍ଚ ତଥା ଆମ୍ବରୋଳି ସମବାୟ ସମିତିର ସଭାପତି ଚିତ୍ତ ରଞ୍ଜନ ରାଉତ (ନାଲୁ)ଙ୍କୁ ମଙ୍ଗଳବାର ରାତିରେ ହତ୍ୟା କରାଯାଇଛି । ତାଙ୍କ ରକ୍ତ ଜୁଡୁବୁଡୁ ମୃତଦେହ ବାନ୍ଧଗାଁ ରାସ୍ତା କଡ଼ ବିଲରେ ପଡିଥିବା ବୁଧବାର ସକାଳେ ଲୋକେ ଦେଖିତିଲେ। ପରେ ଘଟଣାସ୍ଥଳକୁ ଲୋକଙ୍କ ଭିଡ଼ ଲାଗିଛି । ତାଙ୍କ ମୁଣ୍ଡରେ ୩ ଟି କ୍ଷତ ଥିବାରୁ ମରଣାସ୍ତ୍ରରେ ହାଣିଥିବା ସନ୍ଦେହ କରାଯାଉଛି । ମଙ୍ଗଳବାର ରାତିରେ ସେ ଏକ ଅଷ୍ଟମପ୍ରହରୀରେ ଯୋଗ ଦେଇ ଗାଁକୁ ଫେରୁଥିବା ବେଳେ ବିଳମ୍ବିତ ରାତିରେ ତାଙ୍କୁ ହତ୍ୟା କରାଯାଇଥିବା କୁହାଯାଉଛି। ରାତିରେ ଘରକୁ ଫେରିବାରେ ବିଳମ୍ବ ହେବାରୁ ଘର ଲୋକ ତାଙ୍କଉ ଫୋନ କରିଥିଲେ କିନ୍ତୁ ମୋବାଇଲବନ୍ଦ ଥିଲା । ଗ୍ରାମାଞ୍ଚଳ ପୋଲିସ ପହଞ୍ଚି ମୃତଦେହ ଉଦ୍ଧାର କରି ଭଦ୍ରକ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି l ତେବେ କିଏ କାହିଁକି ହତ୍ୟା କରିଛି କାରଣ ଜଣା ପଡି ନଥିବା ବେଳେ ରାଜନୈତିକ ଶତ୍ରୁତାରୁ ହତ୍ୟା କରାଯାଇ ଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି । ସେ ଜଣେ ଭଲ ରାଜ ନେତା ଓ ଲୋକପ୍ରିୟତା ଥିବାରୁ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
