Posted inଖେଳ

କ୍ରିକେଟ୍‌ ଇତିହାସରେ ଏମିତି ରେକର୍ଡ: ୮୪ ବର୍ଷ ପରେ ବି ଭାଙ୍ଗିନି

ଆଜି ଅର୍ଥାତ୍‌ ୨୩ ଅଗଷ୍ଟ ଟେଷ୍ଟ କ୍ରିକେଟ ଇତିହାସରେ ଏକ ବିଶେଷ ଦିନ। ୧୯୩୮ ମସିହାରେ ଏହି ଦିନ ଇଂଲଣ୍ଡ ପ୍ରଥମ ଥର ପାଇଁ ଏକ ଟେଷ୍ଟର ଗୋଟିଏ ଇନିଂସରେ ୯୦୦ ରନ କରିବାରେ ସଫଳତା ହାସଲ କରିଥିଲା। ଏହି ମ୍ୟାଚ ଓଭାଲରେ ଅନୁଷ୍ଠିତ ହୋଇଥିଲା। ଇଂଲଣ୍ଡ ଅଧିନାୟକ ୱାଲି ହାମଣ୍ଡ ୯୦୩/୩ ସ୍କୋରରେ ଇନିଂସ ଘୋଷଣା କରିଥିଲେ। ନଚେତ୍‌ ସେହି ଦିନ ଇଂରାଜୀ ଦଳ ୧୦୦୦ ରନ ମାର୍କ ଅତିକ୍ରମ କରିଥାନ୍ତେ। କାରଣ ଯେତେବେଳେ ଇଂଲଣ୍ଡ ଅଧିନାୟକ ହାମଣ୍ଡ ଇନିଂସ ଘୋଷଣା କରିଥିଲେ, ଜୋ ହାର୍ଡ଼ଷ୍ଟାଫ ୧୬୯ ରେ ଅପରାଜିତ ରହିଥିଲେ ଏବଂ ଇଂଲଣ୍ଡ ପାଖରେ ୩ ଉଇକେଟ ବାକି ଥିଲା। ଇଂଲଣ୍ଡ ପାଇଁ ଲେନ ହାଟନ ୩୬୪ ରନ ସ୍କୋର କରିଥିଲେ। ଇଂଲଣ୍ଡର ଏହି ରେକର୍ଡ ୫୯ ବର୍ଷ ପର୍ଯ୍ୟନ୍ତ ଅକ୍ଷୁର୍ଣ୍ଣ ରହିଲା। ୧୯୯୭ ରେ ଶ୍ରୀଲଙ୍କା ଭାରତ ବିପକ୍ଷରେ ୯୫୨ ରନ ସ୍କୋର କରି ଏହି ରେକର୍ଡ ଭାଙ୍ଗିଥିଲା। ଟେଷ୍ଟ କ୍ରିକେଟରେ ଏହା ଏପର୍ଯ୍ୟନ୍ତ ସର୍ବାଧିକ ଇନିଂସ ସ୍କୋର କରିଛି। ୧୯୩୮ ମସିହାରେ ଅଷ୍ଟ୍ରେଲିଆ ଦଳ ଇଂଲଣ୍ଡ ଗସ୍ତରେ ଆସିଥିଲେ। ଦୁଇ ଦେଶ ମଧ୍ୟରେ ଚାଲିଥିବା ୫ ଟେଷ୍ଟ ସିରିଜର ଶେଷ ମ୍ୟାଚ ଅଗଷ୍ଟ ୨୦ ରୁ ଓଭାଲରେ ଖେଳାଯାଇଥିଲା। ସିରିଜର ପ୍ରଥମ ୨ ଟେଷ୍ଟ ଡ୍ର ହୋଇଥିବାବେଳେ ତୃତୀୟ ମ୍ୟାଚ ବାତିଲ ହୋଇଥିଲା। ହେଡିଙ୍ଗଲିରେ ଚତୁର୍ଥ ଟେଷ୍ଟ ଜିତିବା ପରେ ଅଷ୍ଟ୍ରେଲିଆ ସିରିଜରେ ୧-୦ରେ ଆଗୁଆ ହୋଇଥିଲା। ଏଭଳି ପରିସ୍ଥିତିରେ ଇଂଲଣ୍ଡ ପାଇଁ ଓଭାଲ ଟେଷ୍ଟ ଜିତିବା ଆବଶ୍ୟକ ଥିଲା।
ଇଂଲଣ୍ଡ ଟସ ଜିତି ପ୍ରଥମେ ବ୍ୟାଟିଂ କରିଥିଲା। ପ୍ରଥମ ଦିନର ଖେଳ ଶେଷ ହେଲା ବେଳକୁ ଇଂଲଣ୍ଡ ସ୍କୋର ୧ ଉଇକେଟ ହରାଇ ୩୪୭ ରନ କରିଥିଲା। ହାଟନ (୧୬୦) ଏବଂ ଲେଲ୍ୟାଣ୍ଡ (୧୫୬) ଅପରାଜିତ ଥିଲେ। ଦ୍ୱିତୀୟ ଦିନର ଖେଳ ଶେଷ ହେବା ପରେ ଇଂଲଣ୍ଡ ସ୍କୋରବୋର୍ଡରେ ୬୩୪ ରନ ରଖିଥିଲା ଏବଂ ମାତ୍ର ୫ ଉଇକେଟ ଯାଇଥିଲା। ୨୨ ବର୍ଷୀୟ ହାଟନ ୩୦୦ରେ ଅପରାଜିତ ରହିଥିଲେ। ତୃତୀୟ ଦିନରେ ମଧ୍ୟ ସମସ୍ତ ଆଖି ହାଟନ ଉପରେ ଥିଲା। ସେ ଡନ ବ୍ରାଡମ୍ୟାନ ଆଶେସରେ ସର୍ବାଧିକ ୩୩୪ ସ୍କୋର ଏବଂ ତା’ପରେ ନିଜ ଅଧିନାୟକ ହାମଣ୍ଡଙ୍କ ସ୍କୋର ୩୩୬ ରନକୁ ପଛରେ ପକାଇ ସେ ୮୬୭ ବଲରେ ୩୬୪ ରନ ସ୍କୋର କରିଥିଲେ। ଏହି ଇନିଂସରେ ହାଟନ ୩୫ ଚୌକା ମାରିଥିଲେ। ଏକ ସମୟରେ ଲାଗୁଥିଲା ଯେ ଟେଷ୍ଟ ଇନିଂସରେ ୧୦୦୦ ରନ ପୂରଣ କରିବାରେ ଇଂଲଣ୍ଡ ପ୍ରଥମ ଦଳ ହେବ। କିନ୍ତୁ ଅଧିନାୟକ ହାମଣ୍ଡ ୯୦୩/୭ ରେ ଇନିଂସ ଘୋଷଣା କରିଥିଲେ। ତେବେ ସେତେବେଳକୁ ଇଂଲଣ୍ଡ ୯୦୦ ରନ ସ୍କୋର କରିବାରେ ପ୍ରଥମ ଦଳ ହୋଇପାରିଥିଲା।
ଇଂଲଣ୍ଡ ପାଇଁ ପ୍ରଥମ ଇନିଂସରେ ଗୋଟିଏ ତ୍ରିଗୁଣ ଶତକ, ଦୁଇ ଶତକ ଏବଂ ଅର୍ଦ୍ଧଶତକ ହାସଲ କରାଯାଇଥିଲା। ଅଷ୍ଟ୍ରେଲିଆ ପାଇଁ ରନ ପାହାଡ ପଛରେ ଗୋଡ଼ାଇବା ସହଜ ନ ଥିଲା। କାରଣ ଏହି ସିରିଜରେ ସର୍ବାଧିକ ରନ ସଂଗ୍ରହ କରିଥିବା ଅଧିନାୟକ ଡନ ବ୍ରାଡମ୍ୟାନ ଆହତ କାରଣରୁ ବ୍ୟାଟିଂ କରିବାକୁ ମଧ୍ୟ ଆସି ନଥିଲେ। ଅଷ୍ଟ୍ରେଲିଆର ଦଳ ପ୍ରଥମ ଇନିଂସରେ ମାତ୍ର ୨୦୧ ରନରେ ୨୦୧ ରନ୍‌ରେ ଅଲଆଉଟ୍‌ ହୋଇଥିଲା। ଏବେ ଅଷ୍ଟ୍ରେଲିଆ ଫଲୋଅନ ଖେଳିବା ପାଇଁ ପଡିଆକୁ ଓହ୍ଲାଇ ଥିଲା। ଦ୍ୱିତୀୟ ଇନିଂସରେ ମଧ୍ୟ ଅଷ୍ଟ୍ରେଲିଆ ଦଳ ୧୨୩ ରନ୍‌ରେ ଅଲଆଉଟ୍‌ ହୋଇଯାଇଥିଲା। କୌଣସି ବ୍ୟାଟ୍ସମ୍ୟାନ ୫୦ ରନ ମାର୍କ ଅତିକ୍ରମ କରିପାରି ନ ଥିଲେ ଏବଂ ଭ୍ରମଣକାରୀ ଦଳ ଗୋଟିଏ ଇନିଂସ ଏବଂ ୫୭୯ ରନ୍‌ରେ ମ୍ୟାଚ ହାରିଥିଲେ। ଏହା ସହିତ ୫ଟି ଟେଷ୍ଟର ସିରିଜ ୧-୧ ଡ୍ରରେ ଶେଷ ହୋଇଥିଲା । ଆଜି ପର୍ଯ୍ୟନ୍ତ ଟେଷ୍ଟ କ୍ରିକେଟ ଇତିହାସରେ କୌଣସି ଦଳ ଇନିଂସ ଏବଂ ଏତେ ବଡ଼ ବ୍ୟବଧାନରେ ହାରି ନାହାଁନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଫିଲ୍ଡରେ କୋଚ୍‌ଙ୍କ ସହ ଯୁକ୍ତିତର୍କ: ମୁହଁ ଖୋଲିଲେ ଶ୍ରୀଲଙ୍କା ଅଧିନାୟକ

କଲମ୍ବୋ,୨୨।୭: ଟିମ୍‌ ଇଣ୍ଡିଆ ଠାରୁ ଦ୍ୱିତୀୟ ଦିନିକିଆରେ ପରାସ୍ତ ହେବା ପରେ ଫିଲ୍ଡରେ ମୁହଁାମୁହିଁ ହୋଇଥିଲେ ଶ୍ରୀଲଙ୍କାର ଅଧିନାୟକ ଦାସୁନ ଶାନାକା ଓ କୋଚ୍‌ ମିକି...

୪୦ ବର୍ଷ ପରେ ଆଇଓସିର ୧୪୦ତମ ବୈଠକ ମୁମ୍ବାଇରେ…

ବେଜିଂ/ନୂଆଦିଲ୍ଲୀ,୧୯।୨ : ଅନ୍ତର୍ଜାତୀୟ ଅଲିମ୍ପିକ କମିଟି(ଆଇଓସି)ର ୧୪୦ତମ ବୈଠକ ମୁମ୍ବାଇରେ ଅନୁଷ୍ଠିତ ହେବ। ଶନିବାର ବେଜିଂରେ ଅନୁଷ୍ଠିତ ୧୩୯ତମ ଅଲିମ୍ପିକ କମିଟି ବୈଠକରେ ଭାରତ ପରବର୍ତ୍ତୀ...

ଏପଟେ ଆଉଟ୍‌ କଲେ ସେପଟେ ଟିପ୍ସ ନେଲେ

ଭାରତୀୟ କ୍ରିକେଟ୍‌ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ୧୬ ବର୍ଷର ଦୀର୍ଘ କ୍ରିକେଟ୍‌ କ୍ୟାରିୟର ମଧ୍ୟରେ ୫୩୮ ଆନ୍ତର୍ଜାତୀୟ ମ୍ୟାଚ ଖେଳିବାର ଅଭିଜ୍ଞତା...

ଭବିଷ୍ୟବାଣୀ କଲେ ଏହି ପ୍ରସିଦ୍ଧ କ୍ରିକେଟର୍‌!

ସିଡନୀ,୪।୧: ଭାରତ ଏବଂ ଅଷ୍ଟ୍ରେଲିଆର ମଧ୍ୟ ଚାଲିଥିବା ବର୍ଡର-ଗାଭାସ୍କର ସିରିଜ ମଧ୍ୟରେ ଏକ ବିବାଦ ସାମ୍ନାକୁ ଆସିଛି। ଟିମ ଇଣ୍ଡିଆର କିଛି ଖେଳାଳି ମେଲବୋର୍ନର ହୋଟେଲରେ...

ଏନ୍‌ଏସ୍‌ଏଫ୍‌ଗୁଡିକର ସ୍ବାୟତ୍ତତା ବଜାୟ ରହିବ: ରିଜିଜୁ

ନୂଆଦିଲ୍ଲୀ, ୧୮।୪(ପି.ଟି.)- ଦେଶରେ ଥିବା ସବୁ ଜାତୀୟ କ୍ରୀଡ଼ା ଫେଡେରେଶନ (ଏନ୍‌ଏସ୍‌ଏଫ୍‌) ପରିଚାଳନାରେ ସରକାର ହସ୍ତକ୍ଷେପ କରିବାର ପ୍ରଶ୍ନ ଉଠୁନାହିଁ ବୋଲି କେନ୍ଦ୍ର କ୍ରୀଡ଼ାମନ୍ତ୍ରୀ କିରେନ...

ଅନ୍ତିମ ଟେଷ୍ଟରେ ରୋହିତଙ୍କ ଶତକ : ବର୍ଷା, ଖରାପ ଆଲୋକ ଯୋଗୁ ଖେଳ ବାଧାପ୍ରାପ୍ତ

ରାଞ୍ଚି,୧୯।୧୦(ପି.ଟି.):  ସ୍ଥାନୀୟ ଝାଡଖଣ୍ଡ ଷ୍ଟେଟ୍‌ କ୍ରିକେଟ ଆସୋସିଏଶନ ଷ୍ଟାଡିୟମ କମ୍ପେକ୍ସରେ ଶନିବାରଠାରୁ ଭାରତ ଓ ଭ୍ରମଣକାରୀ ଦକ୍ଷିଣ ଆଫ୍ରିକା ମଧ୍ୟରେ ତୃତୀୟ ତଥା ଅନ୍ତିମ ଟେଷ୍ଟ...

୧୦୯ ରନ୍‌ରେ ଅଲଆଉଟ୍‌ ଶ୍ରୀଲଙ୍କା

ବେଙ୍ଗାଲୁରୁ,୧୩।୩: ଭାରତ ଏବଂ ଶ୍ରୀଲଙ୍କା ମଧ୍ୟରେ ଚାଲିଥିବା ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଶେଷ ମ୍ୟାଚ ବେଙ୍ଗାଲୁରୁରେ ଖେଳାଯାଉଛି। ଦିନିକିଆ ଟେଷ୍ଟରେ ପ୍ରଥମେ ବ୍ୟାଟିଂ...

କୋହଲିଙ୍କ କମାଲ: ବାଙ୍ଗାଲୋର ବିଜୟୀ

କୋଲକାତା,୨୦।୪ (ପି.ଟି.)-ଅଧିନାୟକ ବିରାଟ କୋହଲିଙ୍କ ଧୂଆଁଧାର ଶତକ ବଳରେ ଚଳିତ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ୩୫ତମ ମ୍ୟାଚ୍‌ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୧୦ ରନରେ...

Advertisement
Archives

Model This Week