ଜେଲ୍ ନାଁ ଶୁଣିଲେ ମନକୁ ଆପଣାଛାଏଁ ଆସିଯାଏ କି ଏହା ଅପରାଧୀମାନଙ୍କ ପାଇଁ ସ୍ଥାନ। ମାତ୍ର ଉତ୍ତରପ୍ରଦେଶର ଫତେପୁର ଜିଲା କାରାଗାରରେ ଥିବା ବିଚାରାଧୀନ କଏଦୀମାନେ ପାଠ ପଢୁଛନ୍ତି। ଏମାନଙ୍କୁ ପଢ଼ାଉଛନ୍ତି ଜଣେ ଅପରାଧୀ। ଯିଏ କି ଜଣେ ଗ୍ରାଜୁଏଟ୍। ସାକ୍ଷରତା ମିଶନ ଅଭିଯାନରେ ଜେଲରେ ବନ୍ଦ ହୋଇରହିଥିବା ପ୍ରାୟ ୩୨୫ ବିଚାରାଧୀନ ନିରକ୍ଷର କଏଦୀଙ୍କୁ ସାକ୍ଷର କରିବା ପାଇଁ ପ୍ରଥମେ ଆରମ୍ଭ କରାଯାଇଥିଲା। ଏଥିପାଇଁ ୧୫ ବନ୍ଦୀ ଶିକ୍ଷକଙ୍କୁ ନିଯୁକ୍ତ କରାଯାଇଥିଲା। ସମସ୍ତ ଶିକ୍ଷକ ୨୫ ଟଙ୍କା ହିସାବରେ ପାଠ ପଢ଼ାଉଥିଲେ।
ଜେଲ୍ ଅଧୀକ୍ଷକ ମହମ୍ମଦ ଅକରମ ଖାନ କୁହନ୍ତି, ଏହି ଜେଲ୍ରେ ପ୍ରାୟ ୧୭୧୬ ଜଣ ବନ୍ଦୀ ରହିଛନ୍ତି। ଏହା ବ୍ୟତୀତ ୭୦ ମହିଳା ବନ୍ଦୀ ଏବଂ ୧୧ ପିଲା ଅଛନ୍ତି। ଏଥିରେ ୩୨୫ କଏଦୀଙ୍କୁ ପଢ଼ାଯାଉଛି। ସମସ୍ତ କଏଦୀ ନିରକ୍ଷକ। ଏମାନଙ୍କୁ ସାକ୍ଷର କରିବା ପାଇଁ ବାହାରୁ ଶିକ୍ଷକ ନୁହଁ, ଏହି ଜେଲ୍ରେ ବନ୍ଦୀ ଥିବା ଶିକ୍ଷକମାନେ ପାଠ ପଢ଼ାଉଛନ୍ତି। ସେ ଆହୁରି କହିଛନ୍ତି, ଏଠାରେ ବ୍ଲାକବୋର୍ଡ ଲଗାଯାଇ ନିରକ୍ଷର କଏଦୀଙ୍କୁ ସାକ୍ଷର କରିବା ପାଇଁ ପ୍ରତିଦିନ ୧୨ଟାରୁ ଅପରାହ୍ନ ୨ଟା ପର୍ଯ୍ୟନ୍ତ ପାଠପଢ଼ା ଚାଲିଥାଏ। ପାଠପଢ଼ା ବ୍ୟତୀତ ବନ୍ଦୀମାନଙ୍କୁ ହନୁମାନ ଚାଳିଶା, ଗୀତା, ରାମାୟଣ, କୋରାନ ଆଦି ପାଠ କରାଯାଏ।
