ନୂଆଦିଲ୍ଲୀ,୧୯।୯: କ୍ରିକେଟ ପଡିଆରେ ବେଳେବେଳେ ଏକ ଛୋଟ ଭୁଲ ଦଳ ଏବଂ ଖେଳାଳିଙ୍କ ଉପରେ ଭାରୀ ପଡିଯାଏ। କେଣ୍ଟ ଏବଂ ସମମରସେଟ ମଧ୍ୟରେ ଭାଇଟାଲିଟି ବ୍ଲାଷ୍ଟର ଟାଇଟଲ ମ୍ୟାଚରେ ମଧ୍ୟ ସମାନ ଘଟଣା ଘଟିଥିଲା। ଯେତେବେଳେ ବାଉଣ୍ଡ୍ରି ଲାଇନ୍ରେ ଫିଲ୍ଡରଙ୍କ କ୍ଲିନ କ୍ୟାଚ ସତ୍ତ୍ୱେ ବ୍ୟାଟ୍ସମ୍ୟାନ ଆଉଟ ହୋଇ ନ ଥିଲେ ଏବଂ ଅପରପକ୍ଷେ ଅମ୍ପାୟାର ବ୍ୟାଟ୍ସମ୍ୟାନଙ୍କ ଆକାଉଣ୍ଟରେ ୬ ରନ ଯୋଡିଥିଲେ। ଭାଇଟାଲିଟି ବ୍ଲାଷ୍ଟର ଫାଇନାଲରେ କେଣ୍ଟ ସମରସେଟ ଆଗରେ ଜିତିବା ପାଇଁ ୨୦ ଓଭରରେ ୧୬୮ ରନ ଟାର୍ଗେଟ୍ ଦେଇଥିଲା। ଏହାକୁ ପଛରେ ପକାଇ ସମରସେଟ୍ ୧୦ ଓଭରରେ ୭୧ ରନ ସଂଗ୍ରହ କରି ୩ ଉଇକେଟ ହରାଇଥିଲା।
ସମରସେଟର ଇନିଂସର ଏକାଦଶ ଓଭର ବୋଲିଂ କରିବାକୁ କେଣ୍ଟ ପକ୍ଷରୁ ଜୋ ଡେନଲୀ ଆସିଥିଲେ। ୱିଲ ସ୍ମିଡ ଷ୍ଟ୍ରାଇକ୍ରେ ଥିଲେ। ଡେନଲୀଙ୍କ ପ୍ରଥମ ବଲରୁ ଗୋଟିଏ ବି ରନ ଆସି ନ ଥିଲା। କିନ୍ତୁ ତାଙ୍କର ଦ୍ୱିତୀୟ ବଲ ସ୍ମିଡ ମିଡଉଇକେଟ ଆଡକୁ ଖେଳିଥିଲ। କିନ୍ତୁ ବଲ ବ୍ୟାଟ ଉପରେ ସମ୍ପୂର୍ଣ୍ଣ ଭାବେ ଆସି ନ ଥିଲା ଏବଂ ମିଡୱିକେଟରେ ଫିଲ୍ଡିଂ କରୁଥିବା ଜୋର୍ଡାନ କକ୍ସ ଆଡକୁ ଗଲା । କକ୍ସ କୌଣସି ଭୁଲ ନ କରି ଏକ ଚମତ୍କାର କ୍ୟାଚ ନେଇଥିଲେ। କିନ୍ତୁ ତା’ପରେ ଏପରି କିଛି ଘଟିଗଲା ଯାହା ପୁରା ଖେଳକୁ ବଦଳାଇଦେଲା। ଯେତେବେଳେ କକ୍ସ କ୍ୟାଚ ନେଇଥିଲେ, ସେହି ସମୟରେ ସାଥୀ ଫିଲ୍ଡର ଡାନିଏଲ ବେଲ ମଧ୍ୟ କ୍ୟାଚ ଧରିବା ପାଇଁ ଡ୍ରାଇଭ୍ ମାରିଥିଲେ। କିନ୍ତୁ ସେ ନିଜକୁ ନିୟନ୍ତ୍ରଣ କରିପାରି ନ ଥିଲେ ଏବଂ କକ୍ସ ସହିତ ମୁହାଁମୁହିଁ ହୋଇ ବାଉଣ୍ଡ୍ରି ଦଉଡି ସଂସ୍ପର୍ଶରେ ଆସିଥିଲେ। ଏହା ପରେ, କ୍ୟାଚ ସଠିକ ଭାବରେ ଧରାଯାଇଛି କି ନାହିଁ ତାହା ଯାଞ୍ଚ କରିବା ପାଇଁ, ତୃତୀୟ ଅମ୍ପାୟାରଙ୍କୁ ପଚରା ଯାଇଥିଲା। ଭିଡିଓ ରିପ୍ଲେରେ ମଧ୍ୟ ଏହା ସ୍ପଷ୍ଟ ହୋଇନାହିଁ। ଏହା ପରେ ମ୍ୟାଚ ରେଫରି ଏବଂ ଚତୁର୍ଥ ଅମ୍ପାୟାରଙ୍କ ସହାୟତା ମଧ୍ୟ ନିଆଯାଇଥିଲା। ଭିଡିଓ ରିପ୍ଲାଏରେ ଦର୍ଶାଯାଇଛି ଯେ କକ୍ସ କ୍ୟାଚ୍ ଧରିଛନ୍ତି। କିନ୍ତୁ ସେ ନିଜ ଶରୀରକୁ ସଂପୂର୍ଣ୍ଣ ନିୟନ୍ତ୍ରଣ କରିପାରି ନ ଥିଲେ। ଏହି ସମୟରେ ସାଥୀ ଖେଳାଳି ଡାନିଏଲ ମଧ୍ୟ ତାଙ୍କ ସହ ମୁହାଁମୁହିଁ ହୋଇଥିଲେ। ଯେତେବେଳେ ଦୁହେଁ ସଂସ୍ପର୍ଶରେ ଆସିଲେ, ସେତେବେଳେ ଡାନିଏଲଙ୍କ ଗୋଡ ସୀମା ରେଖାକୁ ଧକ୍କା ଦେଇଥିଲା। ଏହି କାରଣରୁ ବ୍ୟାଟ୍ସମ୍ୟାନଙ୍କୁ ଆଉଟ୍ ଦେବା ପରିବର୍ତ୍ତେ ଅମ୍ପାୟାର ଏହାକୁ ୬ ବୋଲି କହିଥିଲେ।
Out or not? 🤔#Blast21 #FinalsDay pic.twitter.com/J8luyZMV6o
— Vitality T20 Blast (@VitalityBlast) September 18, 2021
