ଘୋଡ଼ା ପିଠି ଉପରେ ବସି ଲୋକେ ଯାଆନ୍ତି। ଅନେକେ ସଉକରେ ବି ଘୋଡ଼ା ଚଢ଼ନ୍ତି। ତେବେ ଏମିତି ଜଣେ ବ୍ୟକ୍ତି ଅଛନ୍ତି, ଯିଏ କି ଘୋଡ଼ା ପିଠିରେ ବସନ୍ତି ନାହିଁ। ବରଂ ଘୋଡ଼ାକୁ ନିଜ କାନ୍ଧରେ ବସାନ୍ତି ଆଉ ନିଜେ ଦୌଡ଼ନ୍ତି। ଏହି ଶକ୍ତିଶାଳୀ ବ୍ୟକ୍ତିଜଣକ ହେଉଛନ୍ତି ଦିମିତ୍ରୀ ଖଲାଦ୍ଜୀ। ସେ ୟୁକ୍ରେନ୍ ନିବାସୀ ଅଟନ୍ତି। ଦିମିତ୍ରୀଙ୍କୁ ପୃଥିବୀର ସବୁଠାରୁ ଶକ୍ତିଶାଳୀ ବ୍ୟକ୍ତିଙ୍କ ମଧ୍ୟରେ ଗଣନା କରାଯାଏ। ସେ ଏତେ ଶକ୍ତିଶାଳୀ ଯେ, ଏକାସାଙ୍ଗରେ ୬ଜଣ ବ୍ୟକ୍ତିଙ୍କୁ ଉଠାଇପାରନ୍ତି। ଆଉ ଘୋଡ଼ାକୁ ତ ସେ କାନ୍ଧରେ ଉଠାଇ ଦୌଡ଼ି ପାରନ୍ତି। ଦିମିତ୍ରୀ ପୂର୍ବରୁ ସର୍କସରେ କାମ କରୁଥିଲେ। ଲୁହା ରଡ୍କୁ ଦାନ୍ତରେ ମୋଡ଼ି ଦେଉଥିଲେ। ଗୋଟିଏ ହାତରେ ସେ ୧୫୨ କି.ଗ୍ରା. ଓଜନ ଟେକି ପାରନ୍ତି। ତାଙ୍କ ହାତ ଏତେ ମଜଭୁତ ଯେ, ହାତରେ କଣ୍ଟା ବି ବାଡ଼େଇପାରନ୍ତି। ତାଙ୍କ ଉପରେ ଲୋକ ବସିଥିବା ଏସ୍ୟୁଭି ଗାଡ଼ି ଚଢ଼ିଗଲେ ବି କିଛି କ୍ଷତି ହୁଏନା। ଏଭଳି ଅଜବ କାରନାମା ପାଇଁ ତାଙ୍କ ନାମ ୬୦ ଥର ଗିନିଜ୍ ଓ୍ବାର୍ଲଡ ରେକର୍ଡସ୍ରେ ସ୍ଥାନ ପାଇଛି। ଦିମିତ୍ରୀ ଘୋଡ଼ା ବ୍ୟତୀତ ଓଟ, ମଇଁଷି ବି କାନ୍ଧରେ ଉଠାଇପାରନ୍ତି।
