ଭୁବନେଶ୍ୱର, ୨୨।୧୦: ମିଳିତ ଜାତିସଂଘ ଏବଂ ଇଜିପ୍ଟର ରେଡ କ୍ରିସେଣ୍ଟରୁ ୨୦ ଟ୍ରକ ଖାଦ୍ୟ ଏବଂ ଔଷଧ ନେଇ ଶନିବାର ରା଼ଫା ଫ୍ରାଂସିସ୍ ବାଟ ଦେଇ ଗାଜାରେ ପହଞ୍ଚିଛି। ଏହି ସାମଗ୍ରୀ ସବୁ ଯୁଦ୍ଧ ପ୍ରଭାବିତ ଲୋକମାନଙ୍କର ତତ୍କାଳ ଆବଶ୍ୟକତା ପୁରଣ କରିବ, ଯେଉଁମାନଙ୍କ ମଧ୍ୟରେ ଅଧିକାଂଶ ମହିଳା ଏବଂ ଶିଶୁ ରହିଛନ୍ତି।
ଯୁଏନଡିପି, ଯୁଏନଏଫପିଆଇ, ୟୁନିସେଫ, ଡବ୍ଲ୍ୟୁଏଫପି ଏବଂ ବିଶ୍ୱ ସ୍ୱାସ୍ଥ୍ୟ ସଂଗଠନ(ଡବ୍ଲ୍ୟୁଏଚଓ) ଏକ ମିଳିତ ବୟାନରେ କହିଛନ୍ତି ଯେ, ଏହା କେବଳ ଏକ ଛୋଟିଆ ଆରମ୍ଭ, ବର୍ତ୍ତମାନ ଆହୁରି ସହାୟତାର ଆବଶ୍ୟକ ରହିଛି। ଶିଶୁ, ଗର୍ଭବତୀ ମହିଳ ଏବଂ ବୟସ୍କ ଲୋକମାନେ ଅଧିକ ଅସୁରକ୍ଷିତ ଅଟନ୍ତି। ଗାଜାର ଅଧିକାଂଶ ବାସିନ୍ଦା ଶିଶୁ ଅଟନ୍ତି।
ଗାଜାରେ ସପ୍ତାହ ଧରି ଚାଲିଥିବା ବୋମା ମାଡ଼ରେ ସୁରକ୍ଷା ଗୃହ, ସ୍ୱାସ୍ଥ୍ୟ ସୁବିଧା ସହିତ ସମସ୍ତ ସାଧାରଣ ସୁବିଧା ଧ୍ୱଂସ ହୋଇଯାଇଛି। ବିଭିନ୍ନ ବେମାରୀ ପ୍ରକୋପ ଏବଂ ଅଭାବୀ ସ୍ୱାସ୍ଥ୍ୟବସ୍ଥା କାରଣରୁ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି। ଡାକ୍ତରଖାନାରେ ଆହତ ଏବଂ ମୃତକଙ୍କ ଭିଡ଼ ଲାଗିଛି। ଲୋକମାନେ ସାମାନ୍ୟ ଖାଦ୍ୟ ପାଇବା ପାଇଁ ନାନା ସମସ୍ୟାର ସମ୍ମୁଖୀନ ହେଉଛନ୍ତି।
ଜଳ, ଖାଦ୍ୟ, ସ୍ୱାସ୍ଥ୍ୟ ଏବଂ ଇନ୍ଧନର ନିରାପଦ ଏବଂ ନିରନ୍ତର ଯୋଗାଣ ପାଇଁ ଆମେ ଆହ୍ବାନ କରୁଛୁ ବୋଲି ସଂଗଠନଗୁଡିକ କହିଛନ୍ତି। ଅତ୍ୟାବଶ୍ୟକ ସେବା ପାଇଁ ଏହା ଆବଶ୍ୟକ। ତେଣୁ ଗାଜାରେ ମାନବିକ ଶ୍ରମିକଙ୍କ ସୁରକ୍ଷା ପାଇଁ, ଯେଉଁମାନେ ଅନ୍ୟମାନଙ୍କ ସେବାରେ ନିଜ ଜୀବନକୁ ବିପଦରେ ପକାଉଛନ୍ତି ସେମାନଙ୍କ ପାଇଁ ଆନ୍ତର୍ଜାତୀୟ ମାନବିକତା ଆଇନ ପ୍ରତି ସର୍ବାଧିକ ସମ୍ମାନ ଦେଇ ଏହି ଯୁଦ୍ଧକୁ ବନ୍ଦ କରିଦିଅନ୍ତୁ ବୋଲି ସଂଗଠନ ଗୁଡିକ ଦାବି କରିଛନ୍ତି।
